[poem=font=",6,white,bold,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""]
نجـوم اللـيـل مـاتهـدي دمـاغ الضايـع المـنـجـوم=وعـفـن الناس مايفـهـم شـروح ايـآت الانفالـي
ومـن يرضى هوان النفس يـبـقـى دايـمـن مـذمـوم=ولايقـدر بوقـت الـضـيـق يـنـقـل زود الاحمالي
وموقـف من يريـد الطيـب بعـظـام العرب مـفـهـوم=يشـادي فايـز ابـن هـذيـل مايـلـبــد ويحـتـالـي
ولا تشكي على غـيـرك ولـو تـفــقـد لــذيـذ النـوم=مضى الجيل الذي يفـزع وراك ويرحـم الحالـي
الا ياكـثـر مـن يـشكي ويـرجـع بالـنــدم مـلـطــوم=وطيب اللي مضو يخلف هقاوي جـيـلـنـا التالي
وليـت اللي عجـز يـفـزع يـفـك القلـب كثـر اللـوم=مـدامـه مافـزع فزعـة عـزيـزن تـشـرح البالـي
فلا تلقى مـن الشكوى رفيقـن ينصـر المـظـلـوم=ولا انـتـه كاتمن جرح الخريـف لشهـر شوالـي
واثاري جيلنا الماضي بعيدن عـن طـبـوع اليـوم=ومن يـنخـى عـيال اليوم يصرخ بالخـلا الخالـي
بيوت اهل الصخى والمجد والنخـوه نعـاها البـوم=وكان اللي يـقـول الــقـول يـثـبــتـهـا بـالافعالـي
واخبـر الفرق مابـيـن النـشـامـا وامـهـات وشـوم=بفزعات الرجال اللي تخـوض بحـور الاهوالـي
علام اهل الصخى تشمت بحال الضايق المهموم=ولا تفزع لمن يشكـي هـمـوم الوقـت بريالـي
ظهـر تسكيـن حرفـن كــنـت اظـنـه دايمـا مجـزوم=وجـزم الفـعـل مايـثـبـت ويرسـي كـود برجالـي
وعرفت ان الخبر دايـم لطـولات العـرب مـضمـوم=ومن يهـمـل خبر كانـا خـذى بالطيـب مـنزالـي
وانا ماني مع الـتـشـديـد مع بابـن غـدى مـردوم=وكسـر البـاب مايفـتـح قـلوبـن فـيهـا الاقـفالـي
نخيـت اللي مهـو فـاضـي ووقـتـه دايمـن مزحـوم=متى يفضي وطول الوقت هوشة نصر وهلالي
خطاي اني جمعت اللي غدى عند العرب مقسـوم=وطيـب الجاه مـن عـفـن المراجـل ماتهـيـا لـي
لقـيـت الطيب في بعـض الاوادم للاسـف مـعـدوم=وتاريخ العرب صعبن يوافـق بعـض الاجـيالـي
وانا ماني بطبع اهل المـهـونـه والـردى ملـزوم=فلا طبـع الـردى طبعـي ولا المـنـوال منـوالـي
ولا ناخـذ بـفـزعـات المـراجـل للغـــنـاة رسـوم=وفعل الطيب ماتوخـذ عليـه صنـوف الامـوالـي
الا لا بـارك الـمـولـى بـقــرشـن كاســبـه مرحـوم=فـلا ذاقــه ولا سـاقـه ثـقـيـل بـوزن الاعـمالـي
ولا ادري ليش صار القلب بطبوع الجشع مختوم=ويخلف هقوة اللـي جـاه يـبـي النـوم بظـلالـي
مثل سدر الشعيب اللي سقاه من السحاب وسـوم=ولا احدن ذاق فـي ظـلـه منـام وزيـن مقـيالـي
ولا تشره على مـن عاف مجـلاسه بوسـط القـوم=ويجلس في ظـلام الليـل ينظـم زيـن الامثالـي
بدل مجلاسهـم عديـت راس الـنايـف المـزمـوم=واخبر اهـل الهوى ترقى براس المرقـب العالـي
مدام الجرح من فرقى الحبايب للحشـى محتـوم=لقـيـتـه خـيـر مـن دار المهونـه عنـد الانذالـي
سقاك الغيث ياروضن شعـيـبـه فـاض لام رجـوم=سحـابن بارقـه يوضـي عليـه ويشعـل اشعالـي
الا يا كثر ماجـيـتـه بـقـلبـن ضايـقـن مـضيـوم=اعـلـل خـافـقــن يـغـلـي فـيــاضـن مابهـا ازوالـي
والا لا عدت يايومن وقـعـت من الهـوى مصـدوم=اناجـي فـي ظـلام الليـل نجـمـن ضايحـه مالـي
تبعت اهل الهوى ثالث ليالي عـيد شهـر الصـوم=غريرن جـيت نار العـشـق وابوابـه علـى فالـي
غـديـت لـعـيـنـهـا خـادم وقلبـي قـبـلهـا مخـدوم=وذقـت اللي كوى مـهـدي ومـاجـد وابـن هـذالـي
رحل خلي كما طيرن ضحى الهده خـذاه الحـوم=عـلى اللـي تـقـطـع الوديـان درهـام وزرفالـي
ادير الفكر والخـافـق يـذوق مـن الـغـرام سهـوم=ومن ناره غديت ازبن واطـاول نايـف الجـالـي
عنودن نظرة عيونه خطر عسكر جيـوش الـروم=ورمـشـن ناعسن يرجـف بقـلـبي رجـف زلزالي
عـبرت بحور طرد الريم قبل اضبط فـنون العـوم=وصار الخـافــق الضايع لـنـار الغـيـظ مدهالـي
الا ياعـزوتـي روفـي بقـلـب الـعـاشـق الـمحـروم=حـيـاته مـن فـقـد عـيـنـك وهـو حـل وترحـالـي
صبرت ايام والخــافـق يصالي رمحـك الـمـسـمـوم=وضاع الـعــمــر ماشـفــتــك ولادقـيـت جـوالـي
عرفت ان الامل عـنـدي بوصلـك طايحـن مـهـدوم=وذقـت الـنار في قـلـبـن جريحـن قـبـلكـم سالـي
عجزت انساك ياعين المهـاة بسحـرهـا المـعـــلـوم=وجـسـم المـهـرة الـلـي ماركـبـهـا كـل خـيـالـي
وداعة خير يازولن رمـى قـلبـي رخـيـص السـوم=حزيـنـن يشـتكي جـرح الزمـان ولا لـقـى والـي
تركتيني على جرف(ن)من الـفـرقـى غـدى ملغوم=اراجي طـيـفـك الـراحـل ورجـلي فوق الاهوالي
الا ياقـلـب لا تـشكـي غـرامـن بالحــشـى مكـتــوم=ومن جرح العشير اللي مكانـه بالحـشـى غالـي [/poem]
رد مع اقتباس
المشاركة الأصلية كتبت بواسطة فواز الغسلان
المفضلات