مارأيكم في هذه وتلك؟

[ابو عارف]

هلا بأهداب ومرحبا
كلامك حلو ويتوافق مع ماحاولت أن أوصله لكم ولكن يبقى التطبيق وكيفية التخلص من هذه العادات التي يرضعها أطفالنا مع حليب أمهاتهم ويلقنها الأباء للأبناء عبر الأجيال والسنين.


شكراً لك أهداب لقد شرفني وسرني مرورك وتعقيبك بارك الله فيك.

[يـــوسف]

أنا مع منصور بالكروش اعوذ بالله بعضهم اذا جلس تقل قاعدن وغد بحضنه



عمي ابو عارف كثرة العالم اعوذ بالله تقل دود الحين الواحد اذا سوا عشاء تجيك العوايل كله على قولتهم بخويطهم .... يعني اربع ذبايح يالله تكفي من كثر هالعالم ..



وبعضهم اذا صارت الضيفه له تخبر يشتكون مايقعد دقيقه ويقمز من اللي يشوفه .

هالسالفه بأختصار .... عندنا عشاء وماهو مبطي قبل فتره بسيطه واللي له العشاء توه حتى ماوصل الثلاثين واللي معه على الصحن كبار بالسن وكل واحد أكل له خمس لقمات وقعدو يراعون للولد يبونه يقوم او مدري وش بلاهم متهولين الظاهر وبهم شايب للحين مغلن عليه انا والله يالربع انه تربع وزحف ورا شوين وقعد يلحس اصابعه


المسكين انحرج وقمز من الصحن وزي ماقلت يابو عارف ماجت الساعه 11 إلا وهو يدور مطعم من الجوع

[ابو عارف]

أنا مع منصور بالكروش اعوذ بالله بعضهم اذا جلس تقل قاعدن وغد بحضنه



عمي ابو عارف كثرة العالم اعوذ بالله تقل دود الحين الواحد اذا سوا عشاء تجيك العوايل كله على قولتهم بخويطهم .... يعني اربع ذبايح يالله تكفي من كثر هالعالم ..



وبعضهم اذا صارت الضيفه له تخبر يشتكون مايقعد دقيقه ويقمز من اللي يشوفه .

هالسالفه بأختصار .... عندنا عشاء وماهو مبطي قبل فتره بسيطه واللي له العشاء توه حتى ماوصل الثلاثين واللي معه على الصحن كبار بالسن وكل واحد أكل له خمس لقمات وقعدو يراعون للولد يبونه يقوم او مدري وش بلاهم متهولين الظاهر وبهم شايب للحين مغلن عليه انا والله يالربع انه تربع وزحف ورا شوين وقعد يلحس اصابعه


المسكين انحرج وقمز من الصحن وزي ماقلت يابو عارف ماجت الساعه 11 إلا وهو يدور مطعم من الجوع

--------------------------------------
تسلم يالسمي الطيب
هذا الكلام ومحور الموضوع الأساسي وهنا الدقة بالتعبير والمراقبة الجيدة لمايحدث حول صحون الطعام والمفاطيح والتعب والتكاليف ويجيك واحد متعشي أو ضامن العشاء عند عياله ولا هم له إلا أخذ مبادرة السبق لتطبيق المثل كل أك الجمال وقم مع أول الرجال غير آبه في من تعشاء ومن لم يتعشاء.

أما هذا الشايب الي إنفهق وقام يلحس أصابعه لقد زعلت عليه أنا مع إحترامي للشيبان الطيبين.


هذا هو مربط الفرس ولب المشكلة التي طرحناها هاهنا.... حلوه هاهنا.


شكراً لك يالغالي لقد أنقذت الموقف وخفضت نسبة منكري وجود هذه الظاهرة لاهنت.

[((عبدالله بن غيث))]

تشكر على حرصك

[شامخه]

اخواني انا ماني من حائل ودي اعرف هل هذه العادات في الولائم مازال الكل يراعيها في حائل؟؟

ارجوووووووكم علموني لاني من فتره كنا معزومين على وليمة عرس ولا جلس معنا من اهل العزيمه احد مادري ليه؟؟؟

[ابو عارف]

تشكر على حرصك

----------------------------------------
العفو ياكحل المحاجر الله يحفظك.

[ابو عارف]

اخواني انا ماني من حائل ودي اعرف هل هذه العادات في الولائم مازال الكل يراعيها في حائل؟؟

ارجوووووووكم علموني لاني من فتره كنا معزومين على وليمة عرس ولا جلس معنا من اهل العزيمه احد مادري ليه؟؟؟

--------------------------------------
البعض وليس الكل وعزائم وولائم العروس تختلف بإختلاف المدعوين من أهل العروس ومعارفهم وأهل العريس وربعه ومعارفه .

الأعراس ليست لأحد مخصص تشبه ولائم الأعياد ويختلط فيها الحابل بالنابل وكل يأخذ راحته بحيث نادراً ماتسمع من يقول أنعم الله عليكم ، فتجد الناس تقوم من الطعام فرادا وجماعات يشبهون إلى حدما مديد الأبل من مراحها وهكذا.


وتقريباً الأعراس تتشابه في حائل وغيرها من مدن المملكة من حيث التنظيم والتقديم وفي مثل هذه المناسبات عادة كل يختار المجموعة التي يميل إليها لتبادل الأحاديث والنغزات بينهم أثنا وبعد تناول الطعام نظراً لكثرة الناس.


آمل أن أكون قد أجبت على جزء ولو يسير من تساءلك إخت شامخه.


شكراً لمرورك العذب لاهنتي.

[ريم شمر]

[align=center]اعتقد ان اغلب العادات يسهل زوالها الا بما يختص بالعزايم وبالضيوف

خصوصا بالنسبة لشمر من الصعب التخلص منها ,,,


فلها دلالات معينه
.
.


العم ابو عارف
بالنسبة لما ذكرته من قيام الضيوف بسرعه عن الطعام
فأنا معك بانها عادة يجب ان تنتهي
فرجوع الطعام بدون ان يأكل بعد ان كلف صاحبه مالا ووقتا وجهدا
وخروج الضيف بعد كل هذا جائعا....لا اظن انه يقره شرع ولا عقل
ومدام ان مسببات هذا التصرف قد زالت فيجب بالتالي زوال هذه العاده

بالنسبة للرجال طبعا والا الحريم يامال الحريمه

وشوله يكبرن كروشهن


المفروض هالعادة يطبقنها الحريم الوحده منهن تجلس على السفره من الساعه تسع

ولاتقوم الا 12 بالليل ومابين حلى ومفاطيح وصياني ومحاشي وحش
وياقلبي لاتحزن

.
.[/align]

[ابو عارف]

كلامك صحيح أم طلال

فعلاً يصعب على شمر أن تتخلى عن هذه العادات التي ورثوها عبر السنين وتميزوا بها في أيام الشدة والفاقة .

فهم أهل الضيافة والكرم الحاتمي فهاناك من يقدم التمر المعبوك المحشي للضيوف ويحمس ويأكل طعام التمر آمل أن تفهم هذه .

ولكن اليوم مثل ماقلتي الروض خصيب والخير واجد لكن مثل مايقولون الطبع يغلب التطبع.


أما الحريم فعكسن الآية تماماً في نوع ووقت الأكل مايقبلن إلا في بوفيهات ومفاطيح وأنواع الحلاء والمكوث إلى مابعد منتصف الليل.


لقد أقديتي في الحريم ياريم شمر وقولك ياعم ابو عارف .


شكراً لمرورك العبق لاهنتي.

[شموخ]

والله يابو عارف ان هالعادات مرات تكون بلشه

قبل فتره كنت معزومه والله اني ماحب العزايم اللي أكون أنا فيها الضيف والمصيبه اذا كانت عند بدو ينقدون البدو المهم تعشينا وصاحبة البيت ماكانت موجوده وقت ماقمت من العشاء المهم ماشكرت زي مايقولون البدو والسبب ان راعية البيت ماكانت بالمجلس وبعد فتره تقريبا نصف ساعه جت راعية البيت وشكرت لها المهم يوم كلمت امي اليوم الثاني سئلتني شكرتي بعد ماقمتي قلت لا راعية البيت ماجات غير بعد فتره وشكرت لها لأن امي موصيتني لازم الضيف يشكر اذا قام من العشاء ولازم الضيف مايستعجل عشان الناس تعشى ومالومها لأنها خابرتني دقيقه وأقوم من الاكل قلت يابنت الحلال هذه عند الرجال مو الحريم قالت لا حتى الحريم عندهم عيب لاتفضحيني بالعرب المهم يابو عارف قامت علي امي تهاوشني انتي كان شكرتي حتى لو ماهي فيه قلتي كثر الله خيركم ياوضحى الله يهديك هم ماتخسروا ليش اقول لهم هالشي المفروض اقوله لراعية البيت لانها هي اللي تكلفت هي وزوجها قالت حتى هم انتي منتي منهم انتي غريبه عنهم لازم تقولينه لهم

عاد بسئلك يابو عارف اللحين الحق معي او مع أمي هل لازم عند البدو اذا قام الضيف وكان صاحب البيت ماهو موجود لحضتها اني أقول كثر الله خيركم للمعازيم طبعا اذا كان مثل حالتي ماني منهم غريبه عنهم .


تحياتي
شموخ