مشكلة صغيرة وأبي حل لها

[عبدالله المهيني]

لي كم يوم

كل ما جيت أبي أدخل ماسنجر أو حتى أفتح الهوتميل



يقول معصي يالمهيني


صفحة الهوتميل تفتح بس بعد ماأدخل الباسوورد تطلع الصفحة تعذر عرض الصفحة
وفيه كم موقع ومنتدى نفس الوضع ما يفتحون على جهازي


الماسنجر يطلع لي السبب يقول

80072ee7

ويوم بحثت عن هالخطأ حصلته يقول

80072ee7: هذه المشكلة تظهر عند عدم القدرة على الاتصال بالانترنيت، وايضاً هنالك جدار حماية يقوم بإيقاف الخدمة من المسينجر.

ضغطت مليون مره على إصلاح بس مع الأسف لم يتم الإصلاح
ودخت السبع دوخات

بس السؤال الحين

كيف أحل هالمشكلة



لأني أدخل على نفس المواقع اللي تتعذر فتحها بجهازي من أجهزة أخرى وتفتح عادي
حتى إيميلي والماسنجر يفتح عااادي من أي جهاز

بس من جهازي لا

[ريم الصمان]

[align=center]لاتزعل كل مشكله لها حل وانا الحل عندي وانا ام هندي

عبد الله مايغلى عليك ايميلي

اخذه وانتهت المشكله بس عطني بداله جديد







ودي اعطيك حلول واجد بس انا مشغوله>>>سيدة اعمال

تشااااااوو[/align]

[أم نــــــــــواف]

هلا بك اخوي عبدالله

أذكر صارت لي هالمشكله

ولقيت الحل بخيارات الإتصال عن طريق خيارات الانترنت من أدوات

لاتقول و ش بالضبط لأني ناسيه

عسى ربي يجيب لك من ينفعك بحل

[عبدالله المهيني]

جيت عاضن شليلي وأركض

قلت خواتي جابوا لي الحل


وآخرتها

وحدها سيدة أعمال ماعندها وقت تشرح لي الحل

والثانيه ناسيه الحل



أقول

الله يجزاكن خير



وبإنتظار اللي يبي يجيب لي الحل

[الكاسح@]

مساء الخير ((( عبودي )))

قل أحلى وش [ هالميانه ]


صار لي نفس المشكلة وهي عدم القدرة على الإتصال وكانت الطريقة

فتحت صفحة الأنترنت ( e ) اللي على سطح المكتب وفتحت ملف وأخترت ( العمل دون اتصال)

كان قدامها علامة(صح) ثم إلتغت العلامة وبعدها فتح الماسنجر وباقي المواقع.


أرجوا إني قد حليت مشكلتك إن شاء الله.

[عبدالله المهيني]

بحثت في قوقل عن دلع اسمك

وقالي ضف وجهك




رحت قلت عساني أحصل قدامها علامة صح وتنتهي المشكلة
بس للأسف ماحصلتها مثل ماقلت


عسى الله يرزقنا بحل ثاني

والله لا يهينك أخوي




ولازلت بالإنتظار

[الكاسح@]

ما يخالف عبدالله أختر ( العمل دون إتصال )

وحاول مره ثانيه عسى يفتح معك.

[ملامح شمري]

نظامك فيستا , سيرفيس باك 1 ..؟

المشكلة بالبورتات, تاكد من اعدادات جدار النار ( البرنامج و الويندوز ) و غير الايبي حقك ..

اذا اتصالك dsl تاكد بعد من اعدادات جدار نار الموديم او الروتر.

[العَـــروب]

المهيني يا ليت لو اقدر اساعدك بس انت خابر
اختصر وقتك وسو اللي يقول لك اياه ملامح
او شوف اللي يطامرون

[عبدالله المهيني]

نظامك فيستا , سيرفيس باك 1 ..؟

المشكلة بالبورتات, تاكد من اعدادات جدار النار ( البرنامج و الويندوز ) و غير الايبي حقك ..

اذا اتصالك dsl تاكد بعد من اعدادات جدار نار الموديم او الروتر.

ياهلا بالطش والرش <<< أبد ماهو راعي مصلحه

ياسلام عليك يا ملامح .. الله نظام الجهاز فيستا

أما بقية السوالف اللي تقول عنه ترى مالي به علاقة لا من قريب ولا من بعيد

وترى الإتصال عندي dsl


وأبيك تشرح لي وش أعمل .. وش أسوي بالتفصيل الممل لو سمحت
لاني ترى بوادي وهالسوالف بوادي ثاني

أنا أصلاً بغيت أروح لأقرب محل وأخليه يزينه لي أو يسوي له فورمات
بس قلت خلني أنزل السؤال هنا أغدي ربك يفتح علي بالسوالف هذه وأتعلم حاجه فيها




ملامح

بإنتظار شرحكـ الله لا يهينك