السلام عليكم يااخوان جميعا:
اولا...هذه اول مشاركه لي في هالمضيف...حبيت اهدي هالمشاركه البسيطه لخلف وطلال بشكل خاص وللجميع بشكل عام علها تنال اعجابكمز
حدث ان واعدت احد الأصدقاء ، سعود بن نقدان المري (ابومحمد) ابن شيخ العذبه من المره ، بمرافقته مع مجموعه من الأخوان السعوديين في الولايه اللي ندرس بها للذهاب في نزهه لمدة ثلاث ايام في جبال الروكي وفي الليله السابقه لموعد الذهاب زارني في البيت ديقان عزيزان منير السهلي (ابوفهد) و مسفر المري وطلبا مني ان اخاويهم في رحله بالسياره نزور خلالها خمس ولايات لمدة عشر ايام ففضلت الثانيه وحاولت الأتصال على ابو محمد للأعتذار فلم اجده فقمت بالأتصال على منظم الرحله واعتذرت وسمح لي ثم وصيته ان يعتذر لي من المري وقال لي ازهله عندي.
بعد ان عدنا من الرحله قابلت ابومحمد المري وقال لي "اني عاتب عليك من الغلا اللي في قلبي لك ليش تترك خوتنا"...ابديت له الأسباب وطلبت منه السموحه فتفهم الوضع وسمح لي فكتبت هذه القصيده اللي تعبر عن نفسها
[poet font="Simlified Arabic,14,darkblue,normal,normal" bkcolor="skyblue" bkimage="http://www.altanaya.com/vb//backgrounds/10.gif" border="double,4,gray" type=0 line=200% align=center use=sp char="" num="0,black"]
عقب العتب نويت سري ابوحه=
علوم طيب ومابها شئ نخشاه
عذري مخاوى اللي عسى ماننوحه=
ابوفهد ومسفر شرينا مخاواه
العذر ثم العذر ثم السموحه=
من الذي لو يطلب الروح تفداه
من الذي للطيب شيد صروحه=
من الذي درب الرجاجيل ممشاه
قولة جزاك الخير اقصى طموحه=
عسى الولى آمي بالخير يجزاه
ابومحمد مادح الطيب روحه=
لامامدحته مادحه فعل يمناه
يشدني جده وتطرب مزوحه=
ترى خويي بالرجاجيل شرواه
يفداه ولد العفن نفسه شحوحه=
يفدى التراب اللي مشت فوقه خطاه
شخص(ن) نصاه معذباته جروحه=
"عفيت عنك" دواه و"سامحتك" شفاه
عسى عتبكم يالسنافي يزوحه=
حلم(ن) وطيبة نفس منك عهدناه
وسلامتكم/ التريباني
[/poet]
رد مع اقتباس
المفضلات