نداء من أم نواف إلى كل غيور

[((عبدالله بن غيث))]

ونعم وصح لسانك

[( وليدة _ عرب )]

ولاتلـومـنـي بـعـدهـا لـــو صــــرت فــــرّارهابـــي آتـفــرّج عـلــى بـنـيــان هـالـمِـدْنـي

وإن تِـهْـت مـابـيـن فـلّــة نـــاس وعـمــارهأقــرب بـشـر فــي طريـقـي راح يرشـدنـي

ام نواف اختي العزيزه تسلمين على الابداع الغير مستغرب وانا ماأظن ان في وقتنا الحالي يبي يصير مثل الكلام , وحتى من صرح وقال هالكلام اذا وصل الى ذويه راح يرفض .
اضم صوتي لصوتك.

[مقبل الضوي]

مشكوووره ام نواف على القصيده وعلى موضوعها
انا اعلن اني من اشد المعارضين لسواقة المرأه

شكرآآآ ام نواف

[الفلوجي]

صح لسانك يام نواف

والله نحمدالله على الوعي الموجود عند حريمنا الله يستر عليكن

وصحيح مثل ماقلتي اولها دلع واخرها ولع شوي شوي يبون المره

تفصخ من دينها وثوبها المحتشم ما اقول الا الله يستر عليكن ويديم الحكم الشرعي بالمملكه



تقبلي تحياتي اخوك

[المهرة]

[المهرة]

صبَاح الشِعر



نعم أعارض ترى ( للوضـع أخطـاره)
وأصعِّـد الصـوت إن كانـن يصعّدنـي!؟



قُبلة على جبين الشِعر
وعلى جبين من أنجب امثالك من النساء


تقديري واحترامي

اختك / المهرة

[الاطرق آل هذال]

[align=center]

[align=center]

8
8
8

تراني مــاأضمن لكم شاللي راح يصير إذا سقنا


بعد التحيّة

أهدي قصيدتي هذه إلى كل غيور

وعسى أن تصل عبركم إلى المجتمع وإلى كل من يهمّه الأمر
[poem=font="Mudir MT,5,sandybrown,normal,normal" bkcolor="black" bkimage="" border="double,4,black" type=0 line=0 align=center use=ex num="0,black""]
ابي السموحة فأنا بأسوق سيّاره=ابي السموحه ويابن العمّ ساندني

نرسل تواقيعنا في وسط طيّاره=وعبر البراقي عساها ماتعاندني

خلّوني اسوقها بحدود هالحاره=لنــّي فلا ادلّ والتوصيف يلهدني

ولاتلومني بعدها لو صرت فرّاره=ابي آتفرّج على بنيان هالمِدْني

وإن تِهْت مابين فلّة ناس وعماره=أقرب بشر في طريقي راح يرشدني

والشوف ماشوف بالغشوة ونظّارة=بأشيلها لجل اشاهد من يشاهدني

أعاهدك بنتبه للجوّ وغباره=وأحذر ملاقيف توقفني وتنشدني

ومن بعد مدّة ابي إثبات مع شاره=ومن بعدها انخاك بالرخصة تزوّدني

وإن صار ماصار ( والدنيا به اقداره )=وش يثبِت إنّي أنا؟!.. ووشهو يسعودني؟!

لابد ماأكشف لهم وجهي بتِعباره=وأثبت بأن البطاقة ذيك تقصدني

وإن بنشر الموتر من أسباب مسماره=من يِطْلِع التاير الخلفي وينجدني؟!

لا لا يهمِّك فكلٍّ عاف مشواره=كلٍّ يجيني يبي الفزعه يساعدني

ثمّ آتجرّا على البلدان وأسفاره=فالخطّ سيدين ماظنّه بيجهدني

راح أتصل بك من الكورنيش وأشجاره=وأرجوك بالطيب ناقشني وعاهدني

مشيت مع جارتي وياحليل هالجاره=فــ أسواق جدّة بضايعها تعقِّدني

وختامها كلمةٍ بالصدر كرّاره=( فتوق للثوب بالمدّة يمدِدْني )

لو كلٍ يخوض في الموضوع بأفكاره=وبنات حوّاء على الإعلام يرعدني

نعم أعارض ترى ( للوضع أخطاره)=وأصعِّد الصوت إن كانن يصعّدني

بركان خامد ومحدٍ يقدر إنكاره=وتسلم يماني لهالبركان يخمدني

أضمّ صوتي مع الغاير وغيّاره=فإن ساقته جارتي شـــ اللي يقعّدني؟!![/poem]


[/align][/align]

القديره


ام نواف


صح لسانك اختي الكريمه على هذا العزف الرائع


ابداع وروعه عانقت النجوم


لافض فوك اختي ولاهنتي ولا هان منطوقك


تقبلي مروري المتواضع

[ريم الصمان]

[align=center]صح لسانك ام نواف

ولكن اشاطر اخي سلمان النبهان الرأي[/align]

[أم نــــــــــواف]

اخــوي المطنوخ

شكرا للطافتك في التعامل

شكرا للثناء

شكلك فاهمني

[أم نــــــــــواف]

أختي شــام

حين أنظر للأمام وأتخيّل الوضع

أعتصر من الألم

وطالما أن الأمر بيد المجتمع

فأنا وكعضوه فيه أعــارض

شكرا لعطر مرورك