اعتدت الاعتذار لتقصيري لاني تعودت منكم الغفران
ولعلني استطيع تقديم مايمكن ان يكون قربان اعتذار لانقطاعي عنكم .... هذا النزف الحاد .......
ولعله ان يرتقي لذوائق النخبة هنا..........
[poem=font=",6,white,bold,normal" bkcolor="transparent" bkimage="" border="none,4," type=3 line=1 align=center use=ex num="0,black""]
اكابر احكي للمـلا عنـك واخفيـك=وتكبر مع الاسرار نفسـي غرابـه
اليـن ذكيتـي الامـل فـي تغليـك=واستمطرت نفسـي سحابـة كآبـه
كل الوفـا منـي رهنتـه بأياديـك=حتى صحيت لطعنتـه مـع نصابـه
جعلت صدري لك مجامـع مماليـك=حتى وسع هالكون حـب ورحابـه
اسرجت لك فالعشق خيل الصعاليـك=الين عرش الحـب ثبـت اطنابـه
وفي عرض بحر الحب سفني توديك=وتخوض من اجلك بحـور الرتابـه
وتجيب لك اغلى كنوزه وترضيـك=قصايـدٍ ماجـت بحبـر الكتـابـه
اليـن كـل الغيـد فيهـا تهنـيـك=جاتك ..كذا ...عفويةٍ من صبابـه
ماجبتها خبـث وتحايـل وتكتيـك=لاجلك فؤادٍ ذاب ..جـاك انسكابـه
الله يسامح غلطتك كثر مـا اغليـك=والله يجازي من سعى فـي خرابـه
عالم بنيته فـي خيالـي باماسيـك=كف التغلـي منـك قـد لاح بابـه
وتركتي قصـوره يتامـى تناديـك=حتـى الالـم فتـت بقايـا ترابـه
روحي وانا ماعاد لي رجـوة فيـك=كنت احسبك غيمة ..لقيتك ضبابـه[/poem]
عبدالله الثمالي
رد مع اقتباس
المشاركة الأصلية كتبت بواسطة بريئهـ ولكنـ ..
المفضلات