الملف الأخضر في مكاتب العمل

[بسمة الروح]

بسم الله الرحمن الرحيم

مريت مرور الكرام من عند مكتب العمل وشفت اكثر من ألف شاب معهم ملفات خظر الله يعينهم

من فضولي قلت لأخوي ينزل يشوف التجمهر على شنو و لما رجع اخوي و هو يبتسم يقول كلهم سمعوا عن 25 وظيفة عامل بـ2500 ريال في أحد المصانع و جو يقدمون لهالدرجة و صلت البطالة يالمملكة الله يعين

[عشقي شمال ونبضي جنوب]

[align=center]السلام عليكم ورحمة الله


عفوا اختي بسمة الروح ليه العجب !!


اتوقع انها بداية خير .. اقدام الشباب على الوظائف اي كانت يبيله تشجيع



لان التدرج الوظيفي يصقل الشخصية .. افضل يكونون شبابنا بوظائف مبتدأة ويحسنون من انفسهم بالعلم والمثابرة لجل التقدم المهني

ونستغني عن العمالة الاجنبية اللي إسحبت اموالنا للخارج !!



لنرتقي بنظرتنا ونشجعهم فهم مفخرة بالفعل





شكرا لموضوعك ،،[/align]

[ناصر آل حمد]

اهلن اهلن

غريبه والله استنكارك؟!
بالعكس هذا فخر وابرك الساعات اننا نشوف الشباب يجتمعون عشان الوظايف




الى متى وشبابنا خرجين استراحات وضياع؟!!
الى متى وشابنا ينتظون اهلهم يصرفون عليهم؟!!
الى متى ؟!!

اسئله كثييييييييييييرة




والله يوفق من يساعد على توظيف الشباب السعودي

[الشاهري العبيدي]

الامر اوسع واكبر من هذا

الاعداد تتجازو العشرات الاف من العاطلين



والملفات اضحت بجون معنى ولا جدوى




موضوع وان بدا مرح.....فهو جد حزين



شكرا لك

[منصور الغايب]

آآآآآآآخ

فعلا الله يعين ...

[راعي البيرق]

[align=center]المحزن فعلاً .. لو تصفحت ما هي مؤهلات هؤلاء الشباب ..
حتماً ستجد العجب العجاب .. ستجد المتوسطه .. والثانوية ..
وان كان جامعي فهو في تخصص فيه تخمة في سوق العمل ..
كل هذا في بلد التعليم فيها بالمجان .. وفي بلد ما زال الأجنبي صاحب التخصص يجد عملاً ..
ثم نقول لما هذه البطاله ..

لا أزعم عدم وجود التخصص .. وتواكبه البطاله .. ولكن هذه بقدر قليل .. ولوقت معين ..
ثم هي إلى زوال .. ولها أسباب .. منها المقنع .. ومنها غير ذلك ..


والموضوع يستوعب الكثير من القول .. ولكن أكتفي بما تم .. وأترك البقية لأخوتي ..
وسلام .. [/align]

[يـــوسف]

بسمة الروح تسلمين والله وبيض الله وجهك ....


بس لي تعقيب بسيط على الاخوان اللي يقولون ليش الاستنكار



يااخوان انتم بأغنى دوله بالعالم وتضخ للعالم ومغنيه شعوب الدول الثانيه .....

أتفق معكم ان الشغل مو عيب والحماس حلو بس ليش تتحمسون وانتم ماتدرون وش اللي صاير .؟؟؟

السعوده اللي سوتها الدوله الله يجزاهم خير على سوق الخضره وعلى البنشري والحلاق والمغسله وماشاء الله عليهم يدعمونك يدرسونك شلون تحلق وزير العمل يفتخر بهالشي !!!

يعني وين السعوده عن المصانع اللي هي الاساس وينهم عن الشركات القويه اللي صار يتقاعد السعودي يجيبون بداله عامل من جنسيه اسيويه .. ياناس حرام عليكم خلو عندكم شوي غيره على عيالكم لاتصيرون زي اللي يردد كلام الوزراء وهو مايدري وين الله حاطه


مصنع القصيبي للمشروبات الغازيه ... أذكر العام رحنا زياره والله ماشفت الا موظفين سعوديين وهم موظفين الامن وواحد داخل المصنع يعبي صناديق والباقي كله أجانب .....؟

سابك آرامكو <_ تجيب عماله اسيويه بالهبل والشباب السعودي يموت من القهر على ابوابهم ..


وصلنا مرحله ان يكون مهندس بترول جالس بوسط خواته السبب ... مافيه مجال والله انت تطلب راتب والهوامير ماهم فاضين لك يبي يتقاسمون العقود







رجاء ياللي تقولون فخر ومدري وشو ياليت تكرمونا يسكوتكم ويارب يجي يوم نشوفكم بهالحاله علشان تعرفون قيمة السعوده

خلوووووووووووووووووووووووو عندك غيره على عيالكم ياناس

[الفيتو]

يوسف انت

وانا مع اللى قال يوسف بكل شي