السلام عليكم ورحمة الله وبركاته ,,,,
اخواني الاعضاء وقع بين يدي ديوان الامير الراحل سعود بن بندر رحمه الله وكان له تأثير عميق في داخلي ...
كل حرف فيه كان يحمل قمة من الابداع ,,والصدق والحب والوفاء ,,وفي صفحات الكتاب قرأت المرثيات اللتي رثت بها الام الحنون الام المثاليه الام الام تعجز الكلمات عن الوفاء بحق هذه الام ...أجمل القصائد الرثائيه عن أبنها المرحوم سعود بن بندر ...رحمه الله
وها أنا أحمل لكم أجمل المقتطفات من هذه المراثي..
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/23.gif" border="none,4," type=2 line=0 align=center use=ex num="0,black""]
ياسعود كل بالشعر قام ينعاك=ويبين خصال لشخصك حميدة
بالعون حنا كننا ماعرفناك=كل يسافر يم دار بعيدة
[/poem]
ومنها
[poem=font=",6,darkred,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/77.gif" border="solid,4," type=2 line=0 align=center use=ex num="0,black""]
ليت المنايا وقفت عنك ياسعود=خلتك لين أوريتني في ضريحي
ياليتني حطيت انا عنك بالعود=وانته معافا يجنيني صحيحي
انت الصديق الصادق الود ياسعود=وانت الطبيب لقلبي اللي جريحي
والله لصيحك لين أجاورك ياسعود=الله يعجل جنب قبرك مطيحي
الدمع غار وجفت العين ياسعود=والقلب ينحب والجوارح تصيحي
[/poem]
ومنها
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/31.gif" border="solid,4," type=2 line=0 align=center use=ex num="0,black""]
اللي رحل عني بلحظة وانا أرجيه=وأدعي بعال الصوت مالي مجيبي
لو ينفدا بالروح والله لفديه=أفديه باللي لي بعيد وقريبي
كل يداوي جرحه اللي سطى فيه=وانا جروحي كاميه ماتطيبي
ياسعود عني رحت ياعزوتي ليه=خليتني ياسعود قلبي صويبي
أمشي مع المخلوق واللي بي أخفيه=واسهر طوال الليل وأنحب نحيبي
[/poem]
ومنها
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/54.gif" border="none,4," type=2 line=0 align=center use=ex num="0,black""]
لين أجتمعتوا لدت العين ياسعود=قامت تلفت وين قرة نظرها
وين الكريم اللي سلك سكة الجود=كم واحد نفسه كسيرة جبرها
أضحك وأنا قلبي من الحزنن ملهود=وأغضي واذل العين تنثر دررها
رضيت بالمقسوم وأيامي السود=وكتمت نيران تطاير شررها
أبي رضا رب كريم وماجود=علام مافي برها مع بحرها
لعل يجمعني بهم خير معبود=في جنة الفردس نقطف ثمرها
[/poem]
ومنها
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/74.gif" border="solid,4," type=2 line=0 align=center use=ex num="0,black""]
كل ماقلت أبا أسلى زاد قلبي جروح=قام يصفق خفوقي مثل صفق الهوا
أتصبر ودمعي بالذي بي يبوح=لو بغى القلب ينسى يافهد ماقوى
[/poem]
ومنها
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/94.gif" border="double,4," type=2 line=0 align=center use=ex num="0,black""]
أصفق عليك الكف ياسعود وانوح=مثل الخلوج اللي تردا جهدها
تثور من حزن يجوح الحشا جوح=وقل الجهد ماتنثني منه يدها
طاحت عقب ماقوموها على لوح=خلوج طاول سقمها من ولدها
مثلي وانا حزني على لبة الروح=جدد على النفس الحزينة نكدها
[/poem]
ومنها
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/194.gif" border="double,4," type=2 line=0 align=center use=ex num="0,black""]
من يلوم العين لو هلت دموع=ومن يلوم القلب لو صفق وصاح
لي حبيب راح ماطرى الرجوع=ليتني ودعت زوله يوم راح
آه من قلب كفخ بين الضلوع=مثل كفخ الطير مكسور الجناح
ليتني وسط الخلا وأعطش وأجوع=ولاسمعت اللي نعى هاك الصباح
ساهرة ياسعود والعالم هجوع=ليت منهو مات قبلك واستراح
[/poem]
وقبل هذه المراثي والوداع
نقش الامير سعود بن بندر على صدر هذه الأم الحنون هذا البيت الذي رصعه بالذهب والألماس..
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/77.gif" border="groove,4," type=0 line=0 align=center use=ex num="0,black""]
ياليتني بينك وبين المضرة =من غزة الشوكة إلى سكرة الموت
[/poem]
أتمنى ان تنال أعجابكم وتحوز على رضاكم
تقبلوا تحياتي
((عبدالله بن غيث))
رد مع اقتباس
المفضلات