قصيدة منقوله
الشمس ماهي في ضحانا الشمس وقته نص ليل
والعنز تسرح بالخلا ماهي تهاب ذيابها
و(السيف أمضى من عصا) ماينقص السيف الصقيل
السيف يدرع بالعصي ولايحسب حسابها
لاتقول لي ماهو مثيل لأن التماثل مستحيل
لان الذياب بلا مشاكل والزعل ماشابها
وأبو الشجاعه مايهاب الجمع لو كانوا قليل
وابن الردي ليا انتخى يبي الطويله جابها
وترا القرين اللي يلازم لو يسمونه خليل
غلط تقيسه بالأخلاء لوهو من أقرابها
ماهو خليل الشبرمي اللي تردى بالمسيل
ماحاز بيرق بوظبي ولاجال عند أبوابها
وميلة عقال الشمري كانت سوالف سمر ليل
ماعادها للشمري الوايلي يحظى بها
شف الملك شف يالعمى بحر ترا عقاله يميل
شف ماعرق بالشمري وألا ترا أخوانه بها
والسيف لو صوته صليل والخيل لو صوته صهيل
هذاك في عصرن مضى مدفون تحت ترابها
والسيل لاجانا مطر ماعاد بالوادي يسيل
السيل يصعد للقمم وإذا نزل لهضابها
وأكبر بيوم أجهل بعام وإذا تبي وش الدليل
خله يعد الشبكه كم منتدى بأجنابها
أنا الحكيم الألمعي وغيري ترى حطاب ليل
ماهو حكيم اللي المدارس ماوقف بأبوابها
وعندي شهايد يافتى يملن شليلين وشليل
خل المجرب وانحر الخبرة وسل أربابها
الحمد لله والشكر في كل بكرة أو أصيل
وإن كانها كذبة خلف بين الملا كذابها
رد مع اقتباس
المفضلات