يقول قيرط بن رخيص جنا خبر ان ورنس بن شعلان يبي يجي من عند المركز اللي انا الآمر عليه
وكان قيرط امر احد مراكز سلاح الحدود يقول وحنا نتأهب لجيته على اساس انه رايح يتقهوى عندنا
وحنا بعد ودنا انّا نشوف ورنس هاللي له هالعلوم يقول يوم جاء الصبح وحنا نتجهز بالقهوه ونستعد
لجيت ورنس يوم جاء تقريبا الساعة تسعة ياوالله هذا الجمس يوم جانا مسرع وهو يوقف عندنا
ويحول راعيه قال ورنس بن شعلان يبي يدخل من عندكم قلنا حياوه الله يقول وهو يرجع يقول انا
جلست عند الخفير اللي على الباب على شان احيي بوه يامنهو جاء يقول خذينا شوين ياوالله هذا
ورنس يوم وصل يقول ياوالله البيّن من ممشى الجمس انه ماهو موقف يقول وانا اخذ البارود وانا
اصير على المدخال يقول ياوالله يوم وشعونن الجمس يقول وانا اكب البارود بهم ( طبعا ً قيرط ما
يخطي موق العين مثل ما يقولون )يقول يوم شافونن صادق يقول وهم يوقفون يقول وهو يظهر
راسه علي ورنس قال ابعد عن السياره يقول قاله وهو زعلان يتطاير من عيونه الشرار يقول قلت
مانا مبعد عن السياره مار انتم ارجعوا لمركز ابن سعود وحولو وتقهوو وبعدين بكيفكم يقول وهو
يطلع راسه السواق قال هذا ورنس بن شعلان يقول قلت ورنس ما ورنس ورنس بن شعلان يرجع
لمركز ابن سعود الله لايهينه ويحول ويتقهوى وبعدين بكيفه اما يمشي على كيفه هلون معصي وانا
اخو ميثى يقول وهو يرجع للمركز وهو يحول وهو يدخل وانا معهم يقول بس دخل وهو يرجع وهو
يركب جمسه وهو يمشي يقول يوم جاء العصر ياوالله القياده طالبينن يقول يوم جيت القايد قال انت
وش سويت قلت ليه وش سويت قال وش هاللي انت عملت بورنس قلت اللي انا عملت عملته
لكن هالحين وش اللي يبي يصير قال جانا امر ننقلك عن المركز اللي انت به للقايده يقول قلت ليته
قدمت جيت ورنس لي كان مبطي منقول .
طبعا ًرجوع ورنس للمركز ماهو خوف من قيرط شجاعة ورنس معروفة ولا احد يشكك به ابدا لكن
رجع لثلاثة امور.
الأول : امتثالا لأمر الدوله يوم قال له قيرط مركز بن سعود
الثاني : حتى لايضر العسكري لو مر من عنده ولا استجاب لأمره خاف ان المسؤلين يحاسبون
العسكري كيف تمر السياره من عندكم ولا سويتوا شيء .
الثالث : حتى لا يستهان بعدين بالمركز كلن يبي يعمل مثل ورنس يمر ولا يوقف .
رحم الله قيرط بن رخيص وورنس بن شعلان كانوا رجال يحتذى بهم بالمروءة والكرم والشجاعة
والشهامة والحكمة .
وتقبلوا تحيات المطني
رد مع اقتباس
[/align]
المفضلات