أبو خكر <_ الجبيل
السلام عليكم ورحمة الله وبركاته ......
الله لايمسيكم إلا بالخير ... وش لونكم كل أبوكم من شيبانكم إلين وغدانكم
عساكم بخير .......
مابكم اللي قال الحمدلله على السلامه أعوذ بالله ... عزالله أنكم صايرين ماش ...
المهم نخش بالماضوع على طول ...
هذا يالربع هكالسنه سنة تخرجت من الثانوي وكان وقته اجازه صيفيه وجاينا عمي وهو من سكان الجبيل الصناعيه ... قالي ياولد دام مالك نيه لاتروح لايمين ولايسار هالوقت امش معي للجبيل قدم يمكن تحصل شي مع اني ادري منت وجه مصانع
وأعجبتن الفكره .... كنت ابي اكون لحالي علشان افكر بمستقبلي وهو حرمته موليتن لأهله
وأنا أحزم ملابسي بلهن شماغ تخبرون مشرد ماعندي شنطه
وأقوم الصبح الساعه 6 واحط عفشي فوق الغماره وأربطه بلي حبل سارقه من سيارة جارنا
ولاقام عمي من النوم الا الساعه 12 ونص وانا كل هالوقت موقف عند السياره تخبرون متحمس عندي لي شله هناك مبطي عنهم ......
وحنا نمر محطة بنزين يقاله العجيمي وأنا اطبق وأروح أجيب مؤنه تخبرون مسافرين ومايدري الواحد لو يتعطل ولا يصير شي لاسمح الله الا معه كل شي
وكل ماجيب لي ثلاجه خذيت من كل نوع به وحطيته بالكيس ...
يوم جيت والضحكه مقطعتن وجهي ابي عمي يمدحن ......
وهو يراعي لي يالربع ويطير عيونه قال سفيه انت هذولن وش تبي بهن منت صاحي بك خلل براسك انت رح رجعهن وين رايحين حنا لمكه تره كله 100 كيلو
وهو يخانقن وانا ارجعهن ماخذا الا الدخان
المهم يالربع وهو يطير بنا يمشي حول الــ 220 وهن تجيني دوخه وابي اطرش حامت علي تسبدي جتن لي خرعه مدري وشي
وانا اقمز ورا واربط راسي مابي اشوف ولااسمع شي ....
وصلنا الجبيل يالربع بأقل من ثلث ساعه
ومانزلت من السياره وانا اعرف العالم يعذر بي احب القاع
المهم جانا من بكرا نسيب عمي مااعرفه ماشفته الا مرتين مره بعرس اخته ودبيته ومره بتمايم وغد عمي
تخبرون مامن ميانه وعمي يداوم وكان وقته عندهم مدري يقاله شد أون يداومون 12 ساعه وانا اقابل المروح لحالي وشوفته تجيب المرض بس ساكت تقل بعزا ....
المهم جت الساعه 2 ونص الظهر واطلع بالحوش وألقىىا النسيب يجمع قطوف زقاير ويدخنهن
قلت هيه ورع وش بلاك منسم انت بك شي وش جاري عليك .... قالي ياخي ابي دخان ولا عندنا سياره ..... ويوم شفت حالته كذا طخت براسي اني اروح انا وياه ونجيب دخان مشي
قلت امش امش اللهابوك مايسنعك إلا أنا
عمي ساكن بحي يقاله الفردوس ماحولك صبح قبل تفتح بنده وراهم أقرب بقاله بمنطقه يقاله المسانده حول عشره كيلو والثانيه بحي يقاله الفيحاء هذا اللي ادلهن بس .......قلت اللي بالفيحاء اقرب امش امش اتبعن يالطرمبه
عز الله اني مااخاف الله حر يالربع ورطوبه موتن حمر تمطر من الرطوبه
وهو خلقه خكيري من النوعيات اللي يستشورون الشعر وبس يصور مرات احس ان بوه عرق فلبن تقل بوه طرف شي ماهو زين
وحنا نمسك طريق يوديك للفناتير مشي طبعا.... وانا وكرعاني تقل بنقالي متنيشط وهو له نهيت ورا يالله يمشي وكل شوي يقولي حر رطوبه ياخي وقف لنا سياره حرام عليك لانموت و ألتفت له وأقول ياورع الاولين يروحون من حايل للعراق مشي يجيبون أكلهم وعيشتهم استح لا يدري ابوك يلعن الساعه اللي فكر يتزوج أمك ويجيبك عيب عليك .....
وكل مايقول حر اقوله الاولين تقطع يديهم ولايقولون شي وانت رخمتن تشكي من الحر هش هش اتبعن وانت ساكت ....واجر هكالموال لمزعل تخبرون ضاقت بي الوسيعه انا بس مابي ابين له
حسيت اني جنيت على الولد يالربع احس مخي قام يطبخ من الحر والله وانا انزل الثوب واربطه على راسي يوم مشينا شوي وانا احس ان النعول الله يكرمكم ثقال واحذفهن وانا امشي ماعندي وقت وصارت الملابس لاصقتن علي وتقل مغرق بلي ماء من الرطوبه ......
يوم تعدينا اشاره ولاوصلنا نص الطريق واسمع الصفقه وراي .....
وألتفت إلا الخكري عاضن الرصيف اغمى عليه
واجيه ياولد قم لعنبوك لاتمزح ماهو وقتك تكفى ...
إلا الليد يبي يودع الدنيا ابشركم .....
وانا قارين عن الاسعافات الاوليه البارح واحط على جنبه اليمين واصفقه كوع بالظهر غديه يحيا بس ماش مايتحرك واعطيه ركبه ولانفع قلت ماله الا تنفس صناعي
يوم قربت له يالربع حامت علي تسبدي قلت يهبىىا يموت ولا اسوي له تنفس صناعي ..
وتخبرون هالوقت اللي حنا بوه محد يطلع ولا فيه سيارات ......
وهو يجيب لنا الله دورية الهيئه الملكيه وانا اقمز فوق كبوته من الخرعه ذالن يموت هالطرمبه اللي معي ......
وحنا نفزع بوه لمستشفى الفناتير يوم طلع الدختور وجنبي حقين الامن قال تعرفه انت .. انا حسيت انه مات واني ابي اقص ..... قلت لا والله مااعرفه ولا عمري شفته بس طلعت من بيتنا الا هو طايح على الرصيف
قال طيب توكل على الله يعطيك العافيه ....... وأنا ابلش الحين شلون اعلم عمي جالسن برا عند بوابة المستشفى وكل من مر يراعي لي من فوق لتحت متهولين من النظر طبعا الثوب الحين مربوط على الخصر
واروح لتلفون المستشفى وقررت اني ابيعه وادق على عمي بالدوام ...
وادق عليه يوم رد تخبرون مستانس هو الظاهر بالدوام ..... وانا بصوت حزين وبريء قلت عمي .. قال هآه (بغيت اقول هويت ببير بس عمي ذليت )
قلت نسيبك وانا اسكت ...... قال وش فيك ياولد صاير شي...وانا اتنهت تقل ممثل مصري واقوله نسيبك مات
سكت شوي قال وينك الحين يخبرن ماني ثقه
قلت بالفناتير .... ماخذيت شوي الا هذا هو جاي وانا اركض قدامه بالاسياب ابي اوديه لغرفة النسيب متحمس ..... يوم جيت الا المقيريد قالبتن البراطم بيض والعيون يدمعن تقل مدمع حمآر .
وعنده له ممرضه مزيونه واروح يمه ابي اسئله ومناك ابي اغازل
واتورط مااعرف اتكلم عنقليزي بس قلت له كلمه وزعلت وخلتنا وعمي يراعي لي بوه الضحكه ومعصب يبي دبتي
وأشوا طلع الخكري مابوه بلا طيب وحنا نعشي هكالليله وانا ازعل على عمي وأروح يم عيال عمتي بنجد زعلان على عمي ..
ونصحة عمي يكلم نسباه يخلون ولدهم بكرت العايله زيه زي خواته واذا تزوج يصير بكرت عايله مع حرمته وهي الزوج وهو الزوجه ..... والنصيحه عامه اي واحد زي هالنوعيات اللي بهم خكرنه شوي قولو لأهلهم يخلونهم بكرت العايله ولا يحسبون حسابهم بالشمغ والعقل تنوره وبدي وردي من وراهم
ولا خلوني افكر بمستقبلي ولا خلوني استانس بشبابي
يلا سلامن عليكم
رد مع اقتباس
المشاركة الأصلية كتبت بواسطة يوسف
المفضلات