فطس البارح ثلاثة يهود وتكسمر أكثر من 30 واحد في عمليةٍ فدائية نفذها
فلسطيني في بلدة ريشون لتسيون اللي تبعد عن تل ابيب 15 كيلو وعشان أوضح أكثر يعني تقدر تقول إن المسافه
بينهن مثل المسافة بين شقراء و أشيقر ( لاياشيخ فهموا )
وأرسلنا مراسلنا عزيّز الصتيمه عشان يشوف وش الطبخة ويعلمنا :
مساؤكم ورد ( أقول انهج وخل الفلسه ) طيّب : .. والله بصراحة اليهود هنا مختبّين وضايعةٍ طاستهم مرة لأن العملية جت في مكان مليان أوادم وأسواق وحدايق ودنيا
ويخافون يجي عملية ثانية
أبرك وأسعد .. يهودية ولابسةٍ لبس النصر
وقالت كتائب شهداء الاقصى ان انحن اللي مسوين العملية ولا عندنا فاحد وسويناها انتقام لمقتل جهاد جبريل في بيروت ولإغتيال اربعة فلسطينيين
في نابلس ولكل اللي استشهدوا
وقالوا بعد ان انحن ريّضين ف هالسملق وان عندنا ناسٍ بايعينها ببصله ومستعدين يضحون بانفسهم عشان يردون على سياسة شارون الارهابية ،
ونتقت فرنسا وأدانت العملية وقالت ان المسؤولين يبون منع أي فرصه للسلام وان اللي نفذوها يبي يعكرفون لعملية السلام .
وقام عرفات يزبد ويرعد ويهوش وأدان العملية واستنكرها وقال انها "ارهابية "وانها تبي تجي علثة ٍ لشارون عشان يحوقنا ،
لا كذا ماتنرحم مرّة .. :D
وأما شارون فه كان وقت التفجير كاشت ٍ في مزرعته .
ياعزيّز : وش كانت حالته وقتها ؟ ـــ والله مدري هو قاعدٍ يلقّح له نخله والا
يهزّ العبريه .. أقول انطم بس الشرهه على اللي يروّحك ومايحتاج تعلمنا أكيد يبي يصير مطنقر و يملطها في عرفات ورح ناد أبوك يحلل لنا الموقف بس
اللهم أخلف .. في صدره شق ٍ كبر جحرالضبّ ويناظر هو حيّ والا ميّت
أبو عزيّز عطناتحليلك ونظرتك للعملية وماتبعها من تداعيات ..
والله اني عجل أبروح لسوق الغنم هالحين ..
طيب باختصار وش تقول لذولا ..
اللي فجّر عمره
ـ كفو واللهوانا اشهد انه ينشدّ به الظهر ورجال ٍ من ظهررجال والله يقبله
اللي ماتوا
ــ أبرك وأسعد
اللي تعوّروا
ـ سادّ
ياسر عرفات :
أقول له بدينا بالخققي وعزّ الله اني مدري وش يبون بك ربعك وانت " تتن وقلّ صلاة " وشين وقويّ عين ولا ايزاك انك ماتفزع معهم تروح تفزع ضدهم يالخسيس وقال قه قال قهقه ، فيك خير لا تجيود على ربعك وتدين وتندد اللي يسوونه رح تجيود على شارون اللي ممشيّك على الجادة
شارون :
ياحلالات من يجدعك في دزليب مطقك . والا يدربيك في منحاته
فرنسا :
أقول تبكّرت بشيص وايه توّكم تتقون وتدينون والا يوم مجازر جينين مسبطين يالسلق .
رد مع اقتباس
المفضلات