عفوا
لم اكن اود نشرها...ولكن بألحاح من بعض الاخوان هنا
هذه تحت الانشاء
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
انا مع الابداع جيتك يالامتاع=انا ربيع الشعر انا ربيعه
ماقول انا الاول ولاني بطماع=لاشك اعرف اني من اهل الطليعه
انا الشعاع .. وقس الاشعار تبّاع=اما اجيب الدر .. ولا تبيعه
حوى..خلقها رب ادم من اضلاع=ضلع عوج..واصبح فتاة بديعه[/poem]
وهذه تحت التحسينات
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ماتنبت التمره اذا مالها عذوق=وش جمّل عذوق النخل غير تمره
درهم فحل قس القصايد مع النوق=خلا سمان الذود واختار بكره
ان كان جات حقوق..مابيننا خقوق=اشره عليّ..لاجيتك بيوم اشره[/poem]
وهذ هي
[poem=font=",6,orange,normal,normal" bkcolor="black" bkimage="" border="outset,4,orange" type=2 line=0 align=center use=ex num="0,black""]
خل الزعامه وش تبي بالزعامه=من عاش بالاذلال ينسى البطولات
ربيعكم وان ساد مثل النعامه=وكباركم صاروا بجنبه نعامات
الشرق الاوسط تستحلّه حمامه=مادام بالتخذيل جتنا جماعات
الغرب يبشر في كثير السلامه=والسالفه ماهي مجرد شعارات
غزه ظلامه يشتكي من ظلامه=وحنا نصوّت للشعر بالامارات
منهو وصل للصين يابودلامه=والاندلس منهو ملاها حضارات
فرّق تسد..والحق قل احترامه=حلل كلامي صح وامل الفراغات
القاعده كذبه تبنّت اسامه=مثل صعدنا للقمر والمجرات
خب الذهب لو غيروا له نظامه=الاسم الاول ماركه بالسجلات
علمان سمّه في حلاوة كلامه=يدعي لجحر الضب عبر القنوات
البنت ود الغرب ينزع لثامه=من باب تحقيق العدل والمساوات
مع السلامه.. ياحياة الندامه=الدين لله.. والبقيه خرافات
ولا..آقول..احسنت خلك نعامه=خلك مع الاذلال وانس البطولات[/poem]
رد مع اقتباس
المفضلات