هلا و غلا بـ الأهلاويه الراقيه . . بسمة العز . . !!
بخصوص ميولي : بسألك / واحد يطلع ع الدنيا يشوف فريق فيه
" ماجد عبدالله " و " محيسن الجمعان " و " فهد الهريفي " . . وش تتوقعين منه ؟
هالشي والله العظيم خارج عن ارادتي . . بداياتي كانت مع النصر في المرحله الإبتدائيه
و استمريت والحمد لله الى يومنا هذا , ومع اعتزال كوكبة النجوم في النصر . . ماقدرت اتركه
بسبب وحيد هو " ماجد عبدالله " . . مااعتقد احد شجّع النصر بـ زمن ماجد , و تركه . .
مااقول الا الله يسامحك يا بو عبدالله . . وهقتنا 
العائله والحمد لله اغلبهم نصراويين . . اخواني نصراويين وبعضهم ( الصغار ) كل يوم بـ فريق . .
للأسف ابوي هو الهلالي الوحيد بـ العائله , عمي نصراوي و عياله نصراويين 
وخالي مايشجع احد بس عياله نصراويين . . يعني حارتنا اغلبهم نصراويين خخخخخخخخ
رايي بـ ريان بلال : بصراحه الى الان منيب مقتنع فيه لـ سبب انه : الإعلام الرياضي ضخّمه شوي
وقال انه خليفة ماجد عبدالله . . لعب اكثر من مباراة ماشفنا فيه ذره تميز يحق لنا نقول انه نسخه من ابو عبدالله
لكن . . ان شاء الله يهتم بنفسه ويطور مستواه ويترك " الغطرسه " و يبعد عن " الاعلام "
ولا يسمع كلام " الصحف " و ينسى سالفة " الالقاب " . . ولا يكثّر " مقابلات " . . بعدها اضمن له بعد توفيق الله . . أضمن له مستقبل مذهل .
الحكم السعودي : للأسف كل يوم ينزل درجه , لدرجة انه اصبح غير مرغوب فيه بـ كافة المجتمع
واحساس الحكم الداخلي انه " منبوذ " والسبب يعود لـ عدم الثقه بالنفس . . لما نرجع شوي لـ الوراء و نتذكر المباراة الجماهيرية بين الاهلي و الاتحاد واللي قادها " الكثيري " . . .
بصراحه قدّم مباراه مميزه لولا بعض الاخطاء اللي ما أثّرت على سير المباراه . . بعد هالمباراه
كان ديربي الوسطى . . لعب النصر و الهلال . . وتعادلوا وبعد يوم واحد . . قدّم اعتذاره لـ الهلاليين
وانا كـ رياضي " اشوف انه طمس تاريخه بـ هالإعتذار " . . ماله اي لزمه هالإعتذار . . مهما كان
نفس الشي ينطبق ع الحكم علي المطلق . . اكثر المباريات اللي قادها ماتوفّق بها . . !!
والسبب يرجع لـ عدم ثقة الحكم بنفسه و خوفه من الإعلام . . !!
ابو مرزوق : شهادتي فيه مجروحه , إلا اني اعتب عليه هاليومين , مااشوفه بالمضيف الرياضي
وبصراحه والحق ينقال انه " من افضل متصفحي المضيف الرياضي " , وان شاء الله يرجع بـ اقرب وقت .
عبدالله المهيني : هـ الهلالي احبه في الله , قبل كم سنه واجهته واعجبت بوه واللي فاتني
و منقهر منه لـ حد الان , ماتناقشنا بـ الكوره ولا الهلال ولا النصر خخخخخخخخخخ
ابو صالح . . من خيرة الاعضاء هنا بالمضايف وهالشي بـ شهادة الجميع موب شهادتي . . !!
,
حياك ربي بسمة , وان فاز الاهلي اليوم ابشري بـ شات
المشاركة الأصلية كتبت بواسطة خالد الشمري
بارك الله في شمس المضايف على جهودها الخرافيه في المضايف وجزاها الله كل خير وهالشي ليس بغريب على شمس المضايف ...
رد مع اقتباس
المفضلات