الهامل من اليحيا

[صلفيق]

أبو فارس ... مساك الله بالخير

من آلهامل أيضا :

الشعار و الجمعان وآل ليلي

ويؤسفني سقوط ذكرهم سهوا ...!!


**********

بخصوص سؤالك عن آلكامل

فهم أبناء فواز وفايز الكامل ، وهم سكان رفحاء ولينه في زمن مضى ، وحاليا يتواجدون بمدينة حائل . وأعرف منهم : مخلف وخلف وخليف ، أما خليفة فلا يزال ببلدة لينه (ونعم بابو فايز وآلكامل كافه ) ،، وعموم الحسانا ،،،

الحسانا هي عزوة آلهامل .. نسبة الى أبيهم حسن الهلالي .

ولكن .. هل أوضحت لي عن سبب سؤالك ؟ ربما أفدتك أكثر ..!

[صلفيق]

قصة طريفة طرت علي هالحين (يوم ذكرت آلمثيقيل) ، وحبيت أذكرها كما سمعتها :

تفرقوا آلهامل بعد المحضار (جني طلع النخيل) ، وكانوا كلهم بادية . حالهم كبقية شمر ،

وكان فيه واحد من آلمثيقيل واحد يقال له : دليم . ماقدر يرحل لمرض أصابه (بمنطقة مشيمكم عن

ذكرها) ، وقعد هو وأهله بشعيب نخيل يملكه هو ( الدليمية) بنقبين ، وكان ماعنده الا بنات (ماله

عيال) .

ومع تفرق بقية شمر .. بقي عنزي يقال له : الهجلي . وهو راعي ابل ، يمار هكالوقت آخذ وماخوذ ،

بسبب الغزو بين القبائل ، نشد العنزي عن من بقي من شمر بالجبل .. قيل له مابقي الا دليم ابن

مثيقيل . نشد عنه انت يالعنزي لياما وصل له ، وطلب وجهه عن شمر ، لأنه يبي يبقى بالمنطقه ،

وهكالوقت يجب أن تحتمي بوجه شمري بالمنطقه عن غزو .

حاول دليم يعتذر بسبب مرضه ، ولكنه وافق أخيرا عند إلحاح العنزي ..

ويطبون هاكالغزو على العنزي ، يمار هم واجد ولايكفيهم الشي الهين ، نشدوا : من هي له البل ؟

قال : للهجلي . يمار عقيدهم أباالميخ (وأظن انه ماجد) ، قال العنزي أنا بوجه دليم ابن مثيقيل . ولكن

اللي جاه ماقدر ، والجوع أقشر ، والغزو يبون طعام ،، المهم خذوا حدى نياقه وذدحوه غدا . وقالوا :

ناقة الهجلي للخلا تجلي طلابها دلوم ياهملالي . ( أظن اللي خذوا الناقة يخبرون مرض دليم ..!

راحت الأيام ، ويوم نوى العنزي يرحل وهو يروح يبلغ دليم برحيله ويستسمح منه ويشكره . وهو يعلمه

بسالفة الناقة اللي خذوه الغزو ، قال دليم : من هو عقيدهم ؟ قال العنزي : ابالميخ ، لكن ترن سامح

ووجهك أبيض .

ويوم راح العنزي ، وقعد يادليم يفكر هو مريض وابالميخ بالعراق ! وهو يدعي ابنات ، قال شبن النار .

وحطني بين هالنخلتين . ويطلب منهن يربطن رجليه بحبال ، وكل حبل يربطنه بنخله . وحطن

القديمي بالنار ، وقال لياصار حمر عطني إياه .

المهم عطنه القديمي - وهو يفتح الورم بالقديمي ( الخنجر ) ، ويكتب الله ويطيب .

وهو يروح للعراق ، لياما وصل منازل ابالميخ . يمار هذاك بيت ابالميخ ( بين بيته الله يرحم الجميع ) ،

والله وهو يستكن لياما جاء عقب المغرب ، ويخطر هكالبيت مهو بعيد عن بيت الشيخ .

ويوم جاء الثلث التالي من الليل وهو يعدي على بيت الشيخ أبالميخ بدون مايحس به أحد . ويوم

دخل البيت .. يمار هذا الشيخ نيم بله قطيفة ، وثانيه خفنه ، وهو ياخذ القديمي ويخرز طرفي

القطيفة ويغرزه بالأرض . وهو ينسحب ويرجع لبيت معزبه وينام بمكانه .

يوم قام ابالميخ مع أذان الفجر يمار القديمي مغروس بالقطيفة ، خذاه وراح يصلي ، ويوم رجع

للمجلس وصفوا شمر بمجلسه ، وهو ينشد : بقي أحد من النزل ماجأ ؟ قالوا : لأ ، كلهم موجودين .

وهو يطلع الخنجر ، قال : هذي من هي له ؟ ويديرونه الموجودين بينهم ، والكل ماعرفوا من هي له .

قال : أحد جايه ضيف منكم ؟ قال هاكالواحد : جاني ضيف البارح ، ومنامه يوم أجي . قال : رح وخله

يجي .

جاء الضيف ( اللي هو دليم ) ، ووراه ابالميخ الخنجر ، قال : هذي لك ؟ قال دليم : ايبله لي .

قال : وش حدك على اللي سويته ؟ قال : شحيت بك ياطويل العمر ، والا جاي من الجبل أبي

ذبحتك . قال : ليه ؟ قال دليم : يوم تقطع وجهي بناقة العنزي .

وكان هاكالوقت هناك العارفة هو من يحكم بين الخصوم . قال أبالميخ بيننا العارفة . واتفقوا على

عارفة معين ( أنا هالحين ناسيه ) ، وحكم العارفة لديم بستين وضحاء ، ودفعهن ابالميخ لوجه دليم .

ويتقفاهن دليم لياما طببهن على الهجلي .


رحم الله الجميع وأسكنهم فسيح جناته ....

[الريشه]

شـكــ وبارك الله فيك ـــرا لك ...



قصه غاية في الروعه


لك مني أجمل تحية .

[بوفارس]

الف شكر
حقا قصة رائعة

[أبوطروق]

شكرا على هالسولافة الزينة

:

[ابو فهد الهاملي]

السلام عليكم ياجماعه الخير

اقسام الهامل


1- الرواشد ومن هم -الدريب---العريبي---الولعان---المحارب---الشتيان---المدرهم---


2- الرفاع ومنهم--- الرجاء---الحسن--- والعبدالله---الغريب---السلامه---الغشام--- السراي---والصران---


3- المثيقيل ومنهم---الحويان---والبايت+الشعار ---والضرمان---والكامل---والجمعان---والنبارى---والهليل---الليلي---والهتاش---والعشوي---


هذا الي اعرفه وبخصوص الكامل مثل ماقال خالي صلفيق الله يعطيه العافيه

[بوفارس]

السلام عليكم ورحمة الله وبركاته
اسعدتم صباحا وكل عام والجميع بالف خير وصحة وعافية

هل من احد يفيدنا عن :
1- عائلة الهامل، والتي هي من الهامل من اليحيى من شمر عبده، ولكن انا اقصد انا من خلال معلوماتي تفيد بأنه في ممن ذكروا بعوائل شمر المتحضره توجد عائلة الهامل، هذه العائلة اين مناطق سكنها وبالتحديد من اي فرع من الهامل.

2- وكذلك بالنسبة الى الهويمل.
وشكرا

[بوفارس]

وبأنتظار الرد