نخيتكم ما نخيت الردي ..،

**رإكــــــــــان** · 04-04-2008 00:21

بسم الله الرحمن الرحيم

السلام عليكم ورحمه الله وبركاته

مساء الخير

صباح النور

كلن ع وقته

اخبارك وش مسوين ..

انا جايكم اليوم وناخيكم ياربعي يا طنايا ..

تعرفون شاعر المليون .. وتعرفون ناصر محمد فارس الفراعنه السبيعي

السالفه ومافيها

ان اطلبكم تصوتون له لعده اسباب

اولها اني راهن الشنب واللحيه ع بيرق ان ياخذه ابو فارس ..

ثانيها ان كذا سبيعي يدخل علي ويقط عقاله وشماغه والي يعي يشرب فنجاني لين البي له الطلب .. والكل يطلب مني اني انتخي فيكم واطلب النخوه وانكم ما تردوني ولا تردونهم لو دخلوا عليكم ..

واخرها انتم تدرون حتى الفراعنه يحب الشمر ومحدهم بكذا بيت سواء علني او برمزيه او حتى يمدح خويي الشمري بدر او حتى المجارات الشعريه الي تصير دايم بينه وبين حلو الوبيري ..

وانتم زبنتوا الجلاوي فزبنوا ماء وجهي عند عيال سبيع واحفظوه لي تكفووووووووون ياشمر

وما خلوا عزوه لنا الا اعتزوا فيها لي .. من سناعيس لطنايا لغلبا كلها ما خلوا شئ تكفووووون

واقل القليل اطلب من الاداره انها تسوي بنر اعلاني للتصويت

الاسم : ناصر محمد فارس الفراعنه السبيعي

رقم التصويت 44

جوال 82995
موبايلي 6341

تكفوووووووون ياشمر ترى تكفى تهز الرجاجيل ..

اخوكم راكان الشمري

**منصور الغايب** · 04-04-2008 00:25

يقول النبي صلى الله عليه وسلم :

(احرص على ماينفعك ...) الحديث

شكرا لك ...

**المشرف العام** · 04-04-2008 00:30

/

وأنا اتفق مع مشرفنا : منصور

/

/

والنيّه مطيّه ، مرسل رد قبل تعليق منصور ، وعلّق الجهاز ببرنامج ثاني

وقلت لك بالرد السابق ، ابشر

وابو فارس يستاهل

اخوك

ابو سلطان

**رإكــــــــــان** · 04-04-2008 00:40

هلا والله وغلا بالمنصور ..

احترم ردك يا قرم الذيابه ..

=========

اما انت يا المشرف العام

ماتقصر وزي ما قلتلك اقلها نبي بنر اعلان والله لا يهينك تكفىىىىى

**ابو عارف** · 04-04-2008 08:18

أبشر ياراكان بسعدك وناصر الفراعنة يستأهل البيرق .
وإذا خذا البيرق فهذا فخر لكل سعودي ولايهمك.

شكراً لك ياراكان الشمري

**سلمان النبهان** · 04-04-2008 10:25

تسلم ياراكان وناصر حصل على دعمنا قبل كلامك لانه شاعر
و يعتبر ممثل السعودية بدون منافس بالمسابقة ...
بس عاد اذا الامر فيها نخوة فشمر اهلها يالغالي ...
واضم صوتي لصوتك ونطلب من ابو سلطان وضع بنر للشاعر
وانا وجميع من امون عليه سوف يصوت لناصر الفراعنه ...
واشكر لك حضورك ووقوفك بالطيب ياراعي الطيب ..

**رإكــــــــــان** · 04-04-2008 13:27

هلا والله وغلا ومرحبا اخوي ابوعارف ..

يعطيك العافيه اخوي ع المرور والتعليق ..

بشرت بالجنه يارب ..

ايه والله انا ما ابي احد ياخذه غيره وربي هو الي يستاهل ياناس ..

العفو ياذيب ولا خلا ولا عدم ..،

اخوك راكان الشمرري

**رإكــــــــــان** · 04-04-2008 13:29

هلا والله وغلا ومرحبا اخوي سلمان النبهان ..

الله يسلمك ويخليك يارب ..

تسلم ياذيب .. ايه تكفوون اقلها بنر اعلاني اذا ما ودكم تصوتون .. واذا ماعندكم وقت تصممون التصميم جاهز واعطيكمياه ..

انا اشكرك .. لان ما ابي بكره يقولون نخينا شمر ولا سوو لنا شئ ..

راكان الشمرري .،