[ .. عيادة المضايف للتغذية .. ]

[العَـــروب]

[align=right]


عدد السعرات اللي تحتاجها يوميا هي 2300 كالوري تقريبا

النظام اللي عطيتني اياه حسبت له عدد الكالوريز طلع حوالي 2600 كالوري

اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك

بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم

هذي الاسباب اللي اتوقّع انها ادّت لنقص وزنك

[/align]

نسيت شي مهم

يمكن يكون جسمك اصلا عريض (اقصد العظام) <<< يبين من محيط المعصم
هذا تفسير منطقي للتناقض بالارقام
بهالحالة تكون حاجتك اليومية 2550 كالوري تقريبا مو 2300
بالاضافة للاسباب اللي ذكرتها بالمشاركة السابقة - وزنك بينزل اكيد

النظام اللي عطيتك اياه استمر عليه لمدة عشر ايام فقط
بعدها ازيد عدد السعرات




وترى الدكتور ما غششني

[ملامح شمري]

[align=right]

باك مع النظام:

ملامح شمري

عدد السعرات اللي تحتاجها يوميا هي 2300 كالوري تقريبا

النظام اللي عطيتني اياه حسبت له عدد الكالوريز طلع حوالي 2600 كالوري

اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك

بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم

هذي الاسباب اللي اتوقّع انها ادّت لنقص وزنك

لاحظت ايضا ان نسبة الدهون بوجباتك عالية
والخضار والحليب تقريبا زيرو

الحين النظام يا طويل العمر يحتوي على 3000 كالوري تقريبا
نسبة البروتين فيه 17.7% وهي نسبة جيدة
اذا التزمت بالنظام بالضبط راح تزيد كيلو واحد كل اسبوع باذن الله
ما غيّرت كثير بنظامك الاصلي - مجرّد اني زدت وغيرت بعض الاصناف بالاضافة لبعض الملاحظات المتناثرة - علشان ما تستثقل المنيو وما يكون تغيير مفاجيء

الفطور:

2 بيض مقلي
خبز ( واحد ونصف)
كوب حليب خالي الدسم
حبة واحدة من الخضار (او اكثر اذا ترغب) من اي نوع تحبه (طماط - خيار .... الخ)

الغداء:

كوبين ونص من الارز (الكوب هو مقدار علبة الروب او الزبادي)
قطعتين من الدجاج - كل قطعة بحجم اصابع ايدك (ما عدا الابهام) مجتمعة
كوب لبن
كوب سلطة ( اي نوع تحبه من الخضار ما تفرق)

وجبة قبل المغرب:

2 شاورما دجاج بخبز ( بس اطلبها بدون طحينة - لانّ نسبة الدهون عالية ولازم نخففها)
كوب عصير برتقال

Snak:

كوب حليب خالي الدسم

العشاء:

كوب عصير برتقال
برغر دجاج (بدون مايو)
ابدا بكوب سلطة - او ممكن تزيد كمية الطماطم والخس بالساندويش + نصف حبة من الخضار

Snak 2:

كوب حليب خالي الدسم

طبعا ما حسبت السنيكر والشبس
هذي تعتبر زيادة ( يعني زيادة الخير خيرين )

وانصحك قبل الفطور (يعني على الريق) تاكل 10 حبات جوز
الجوز ممتاز جدا لتصفية الذهن وتقوية الذاكرة

لا تطوف اي وجبة من الوجبات
اذا في اي صنف مو عاجبك او تبي تغيره
او اذا بتزيد صنف للمنيو قول لي وانا اغيره
لا تغير شي من نفسك

بالنسبة للرياضة ممكن تمارس رفع الاثقال 3 مرات اسبوعيا اما الايروبكس فلازم توقفها خلال مدة النظام واللي هي اسبوعين وبعدها نبدا بزيادة جديدة لعدد السعرات

وسامحني على التاخير

بالتوفيق

[/align]

الفطور زين , والغدا بعد زين مثله و مناسب .

وجبة قبل المغرب دايم اقوله يكثر الطحنية و ما يحط كتشب او شطة .

اما السناك , من جدك انتي حليب بس.. !

او قصدك حليب + سنيكرز او تشيبس.. ؟

الجوز , على الصبح صعب و ما يصلح ..

ما عندك حاجة غيره ..؟

المشاركة الأصلية كتبت بواسطة بريئهـ ولكنـ ..

عدد السعرات اللي تحتاجها يوميا هي 2300 كالوري تقريبا

النظام اللي عطيتني اياه حسبت له عدد الكالوريز طلع حوالي 2600 كالوري

اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك

بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم

هذي الاسباب اللي اتوقّع انها ادّت لنقص وزنك

نسيت شي مهم

يمكن يكون جسمك اصلا عريض (اقصد العظام) <<< يبين من محيط المعصم
هذا تفسير منطقي للتناقض بالارقام
بهالحالة تكون حاجتك اليومية 2550 كالوري تقريبا مو 2300
بالاضافة للاسباب اللي ذكرتها بالمشاركة السابقة - وزنك بينزل اكيد

النظام اللي عطيتك اياه استمر عليه لمدة عشر ايام فقط
بعدها ازيد عدد السعرات

وترى الدكتور ما غششني

لا العظام عادية ميب عريضة ..

و الطول و الوزن صحيح ..

لكن ما انهي اغلب الوجبات اللي اكلها , واحيانًا اكتفي بوجبة الغدا و وجبة بعد المغرب و ما اكل شي بعدها لين انام ..

واحرق اغلب السعرات اللي اكتسبها باليوم بمجهود بدني , امشي , اصعد سلم و ما استخدم

الاسانسير او المصعد .. و حاجات زي كذا ..

و اكثر من شرب المنبهات اذا كان عندي عمل او مشروع يتطلب استخدام الكومبيوتر , منبهات

زي شاي ليبتون , قهوة إيطالية و احيانًا فرنسية ..

والله يستر لا يودينا الدكتور اللي غششك بداهية

[العَـــروب]

وجبة قبل المغرب دايم اقوله يكثر الطحنية و ما يحط كتشب او شطة

نسبة الدهون عالية ما تتحمل زيادة كانت 36% وقللتها الى 31%
اذا بتضيف الطحينة لازم تقلل نسبة الدهون بوجباتك الثانية
البيض يكون مقلي بزيت الزيتون <<< مع ان طعمه يصير مو شي
والبرجر يكون مشوي مو مقلي

اما السناك , من جدك انتي حليب بس.. !

او قصدك حليب + سنيكرز او تشيبس.. ؟

الاخ شرهان على السنيكرز
اذا كملت وجباتك كلها ممكن تضيف السنيكرز للسناك الاخيرة
لان اذا كليته قبل ممكن يسد نفسك عن العشا

والشبس ممكن تاكله بس مو كل يوم وبشرط انك تكمل كل وجباتك بعدين تزيد على راحتك

الدهون بتضرب عندك يا شيخ

الجوز , على الصبح صعب و ما يصلح ..

ما عندك حاجة غيره ..؟

في غيره
بس ما في احسن منه

ممكن تبدا بثلاث حبات يوميا وتزيد تدريجيا

اذا كلش ما تحبه استبدله بـ 10 حبات كشمش منقوع بالماي

لكن ما انهي اغلب الوجبات اللي اكلها , واحيانًا اكتفي بوجبة الغدا و وجبة بعد المغرب و ما اكل شي بعدها لين انام ..

واحرق اغلب السعرات اللي اكتسبها باليوم بمجهود بدني , امشي , اصعد سلم و ما استخدم

الاسانسير او المصعد .. و حاجات زي كذا ..

ليش ما قلت لي من زمان دخت وافتر راسي وانا اطقطق بالآلة عبالي الارقام غلط

والله يستر لا يودينا الدكتور اللي غششك بداهية

هههههههههههههههه
لا تخليني اسويها صج واخربط بالنظام واوديك بداهية



المهم ..
اذا محتاج اي تغيير قول لي

والمفروض ان وزنك يزيد الاسبوع الجاي باذن الله بين 1 و 2 كيلو

تعال بشرني




دعواتك

[المطنوخ]

ودي اشارك بس اخاف من الشماته

[العَـــروب]

^
^
^
^

الرابط مايفتح معي

الدنيا أمان

[هند القاضي]

ما شاء الله عليج موضوعج روعه يعطيج العافيه حبيبتي
بصراحه أحس شكلي مناسب ولله الحمد بس ما يمنع نأخذ نظام غذائي
وخصوصاً الدوخه عامله فيني عمايل

طولي 164
وزني سابقاً 61 حالياً 54

الفطور /

أول ما أقعد من النوم لو المغرب أسمي الوجبه الفطور أشرب عصير أو أكل بسكويت معا شاي أو شابور


أكتفي بالوجبه لحد ما أحس بالجوع يعني نظامي مخربط مافي وجبه بوقتها وإذا تسنعت بيوم فـ الشهر

وأفطرت مثل العالم والناس

الصباح ..أكلت نفس وجبتي السابقه بـ الإضافه لـ توست مع جبن وزيتون و اللزم منو ^_^

الغداء /

الغداء الرز ما أشتهيه بتاتاً البته أكل سلطه معا زبادي أو كوب لبن

العشاء /

شي خفيف مثل بسكوت ومرات كثيره أكتفي كوب عصير واحياناً كثيره أنام خفيفه

ونادراً ماأكل بين الوجبات وإذا أكلت يعني قطعه أو قطعتين من المعجنات ..!!

ماأشرب مشروبات غازيه ولا شيبس ..

[بالمختصر..]

‏^‏
‏^‏


أجل تعالي صفي بجنبي


أنا إلى الآن مو متأكده من طولي !!

قبل 3 سنين كان 163 بس شككتني أختي تقول هي طولها 158 وحنا مابينا فرق بالطول

شكلها ملخبطه أختي ..

والله فرت مخي سالفة الطول .. لأني كنت ماأهتم له ..!!

بريئه / أصبري لين أروح للعياده وأتأكد لك من الوزن والطول والزي منو ..

لأن لي فتره ماوزنت ..!!



لي عوده ..




.
.

[المطنوخ]

بريئه

طيب واحد يموت بالاكل وغرامه شكل الاكل

يعني حطي لي حلتيته بس بشكل ذرب انتف الصحن نتف

وغرامي البيبسي واخوته كلهم وعلى الطاري تروهم يسلمون عليكم ويقولون الله يالدنيا عقب ماكنتم تندغون منا وانتم وغدان الحين تشيمتو علينا

وبصراحه انا بديت انفرش طولي 184 ووزني مادري والله لكن مهنا بطن

بس احساسي اني تقل بديت اخطي اولى خطواتي الى عالم الكروش بسبة الاكل والبيبسي

زبدة الحتسي هل فيه نوع من الادويه تنصحين فيها تمنع الشهيه؟

وحطي ببالتس اني والرياضه مابيننا خوة ابد

يعني لاتقعدين تقولين لي امش وما امش



[align=left]
المعذب من الكويت:
ط . ن
[/align]

[هند القاضي]

< هاه صفت صوبج

بالمختصر في حد مايهتم لوزنه وطوله

[بالمختصر..]

‏^‏
‏^‏


وااااثقه




.
.