غبة المجهول
[poem=font="Traditional Arabic,7,white,normal,italic" bkcolor="black" bkimage="" border="inset,7,white" type=2 line=0 align=center use=ex num="0,black""]
ويلاه من قلبٍ لجا فيه وسواس= من واحدٍ ابطى علينا رجوعه
متميز ٍعندي على باقي الناس= جسمه لطيف ونايفات ٍ طبوعه
حالي معه حالة غرير ٍوغطاس= وسط البحر وامه تزارق دموعه
في غبه المجهـول بيَاع الانفاس=رزقه على الله والمنايا قطوعه
ليتي معه ومفارق كل الاجناس= تركد معه روحي وتصبح قنوعه
بعض البشر مفارقه خير لاباس=وبعض البشر مفارقه فيه لوعه
شربت من مر الحسودين بالكاس=والقلب من فرقاه بقعا تصوعه
من حشمته احشم رديٍ و بلاس=ومن سبته الحقد نفسي تزوعه
هذى هي الدنيا قديم ٍعلى ساس=الراس غير الذيل تكثر فلوعه
والبنك من شانه تركته للافلاس=كل بدل شبره ابعطيه بوعه
وابعطي المبغض مع الدر الماس=والحاقد النمام ابا سد جوعه
وان كان يصفى لي مع حبلٍ وفاس=اخير من دنيا تجاكر زروعه
اعيش فقير ولابس ٍ قدم الاحلاس=وعيني من المجمول تفتش فروعه
ريفه بقلبي يحسده كل غراس =محدٍ حصد مثله ولا شيف نوعه
وانا بعون الله بعيدٍ بالارماس=اشوم لـلعليا ونفسي جزوعه
انتى منايه يا منى كل من راس= قومه وربعه وانتخى عقب فوعه
عجل علينا يا بعد كل من داس= على الثرى من جيل تزهاه روعه[/poem]
نايف بن حزوم
رد مع اقتباس
المفضلات