بس الله الرحمن الرحيم
و الصلاة و السلام على من أمرنا بالصلاة و السلام عليه
الله صلي على محمد
يا بنت الاشراف كل ٍ .. من شفافيـّــته
00000 نكشف صفاته و نفهم نوع شخصيــّـته
و انا ورب ّ الملا .. ما جيت لك حاسد
00000 و الشمري ما يجيبه غير عفويــّـته
غيور لو هو على اقصى .. بنت ٍ بربعه
00000 ماهو تخلــّـف و لكنه .. على نيــّــتـه
انتي تقولين و كل ٍ شايف و سامع
00000 و اقشر خطا اللي تشوفه في علانيــّـته
الناس كل ٍ .. على العذرااا .. يبي زلــّـه
00000 و المـُـجتمع زارع ٍ .. فينا بـدائيـّـته
و انا بدائـــــي .. و لكن .. مـُـنتهى العفـــّـه
00000 انسان لجلك .. رفض يسمع .. لـعقليــّـته
تدرين حكي البنات .. شلون يعجبنا ..!!
00000 لا قيل بلسان .. مسجون ٍ بعذريــّـتــه
و انا ..! لو احسنت ظني .!! و انتهى أمري ..!!
00000 هالمجتمع ما ترك .. شخص ٍ و حـُـريــّـته
لو بس يلــقون زلــّـه ... او ربع زلـــــــه
00000 انك تشوفينهم ... كل ٍ و شبريــّـته
..
ذولا مجانين لا يخدعك .. منطقهم
00000 ترى العدو من رفض .. يكشف عدائيــّـته
يجيك بلسان صاحب .. و ان لقى عيبك
00000 يبدا يمارس طقوسه .. في مثاليــّـته
لو ان بعض الرجال .. اسماعهم ذابت
00000 بعض الحكي عيبه اصلا ً .. زود حنـــّـيته
ما والله اسكت و لاني مهدّي اعصابي
00000 وش جاب حرب البسوس ..! الا بسوسـيــّـته
راس الشمالي طنا .. من حر ّ ما يوجس
00000 شمالي ان مااااات .. ما خلا ّ شماليــّـته
و الله لو اكتم هموم الراس و اهملها ..!!
00000 ان يكبر الراس .. و تصغر منـْـه ْ طاقيــّـته
ما عاد به ناس تفهم .. طيبة المنطق
00000 افكارهم نجسة ٍ .. و قلوبهم ميــّـته
و الصفحه اللي بكتاب البنت .. لو تطوا
00000 كتابها بهالزمن .. تبطي على طيـــّـتــه
...
و الصمت لو كان طبع ٍ فيني .. اتوقع
00000 لجلك تراه انتهت .. مدة صلاحـيــّـته
يا بنت الاشراف شمـّـر تاجي و تاجك
00000 يا كم على ذلــّـنا .. من نيــّـه .. إمبـيـــّـتـه
شمر و اذا قلت شمـّـر نادت العليا
00000 هالاسم كم جيت له و اشفق على .. جيــّـتـه
شمـّـر و اذا قلت شمـّـر ... كني بوقت ٍ
00000سادوا به ابطال طي ّ .. و موّ توا .. حيـــّــتــه
برد العتب يابعدي .. نـَسنــَـس .. على كفــّـك
00000لن العتب .. في ّ .. و كل ٍ يشفق .. لفيــّـتـه
و ان كان زاد العتب .. فالمعذره .. و الله
00000 ما كنـّـه الا عتاب الأب .. لبنــيــّـته
ما جيت لك لجل نفسي .. او لجل حاجه
00000 وماني بـنــشــّـاد .. غارق في فضوليــّـتـه
انسان احب ألفت المخطي .. لما اخطأ
00000 يمكن مع الوقت تطمس .. حسنته سيــّـتـه
هذا الذي دار فالخاطر .. و في صدري
00000 و الشعر وش حاجة الشاعر لـ قـافيــّـتـه
الا انه ان ضاق صدره .. جالك بشعر ٍ
00000 يزيح همه و يغتال انطـوائــيــّـته
و انا ورب الملا .. ما جيت لك ناقــد
00000 و الشمري .. عيبه اصلا ً .. زود عفويــّـتـه
غيور .. لو هو على اقصى .. بنت ٍ بربعه
00000 ماهو تخلـــّـف .. و لكنـّـه ( علـى نيــّــتــه )
دمتم انقياء
رد مع اقتباس
المفضلات