المشاركة الأصلية كتبت بواسطة محمد السريع
مشاركتي الاولى اتمنى ان ترتقي الى اذواقكم
[poem=font=",6,white,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
انتها درب الوفاء مـع عالـمٍ ماهـي وفيـه=وانتها صبري على راع الخطاء و السد باحي
و احتزمت بمحزمي للحرب و اسرجت العبيه=ما بقى من دون حقي غير وقفه في سلاحـي
جعل رجلٍ مابراسه من وراء ربعـه حميـه=عن ظهر كل البسيطه ياعسى يمحـاه ماحـي
ياعميلي وش بلاك تجـازي الحسنـه بسيـه=غرتك ضحكة زمانك ياعميلي ما انت صاحي
ويـن مـردود الجمالـه و العلـوم الاوليـه=صرت تطعن بالطنايا مروية علـط الرماحـي
بس انا من دون ربعي لو على حوض المنيـه=بشاية الله غير تجرع جرعة السم الذحاحـي
العلاقة عنـد مثلـك تتضـح لـي موسميـه=تبتدي عند الغروب و تنتهي عنـد الصباحـي
صاير المختـار بمسلسـل ليـال الصالحيـه=تلعب الممنوع بالمذهب تقول انـه المباحـي
لو تطوف بقم مع حضرة زعيـم المرجعيـه=ممكـن ان يعينونـك عندهـم سيّـد سياحـي
من فعولك ما بقى لك في ضميـري مقدريـه=و الأمل بالطيب عندك راح ضحضاحٍ بضاحي
بس انـا مانـي مغفّـل لجـل تلعبهـا عليّـه=ضاربٍ لك حسبة الموضوع من كل النواحي
كان تبغاها عناد و حـد سيـف و حضرميـه=والله اني غير اورّدك الهماج عـن القراحـي
لا ابو اللـي مـا يمشيهـا بعكـس الجاذبيـه=دام طير العز عنـدي قـام يكفـخ بالجناحـي
شاعرٍ و العب على الطاروق و اعالج قضيـه=و شاهرٍ سيفي وراء حد الحماء مايستباحـي
اكوي اللي يعترض بالدرب كيه فـوق كيـه=لين يبصم في رسوبه قبل يبصم في نجاحـي
قلتهـا و انتـه مخيّـر و الرسالـه واقعيـه=مسرجٍ ظهر الاصيل و محتزم لك في سلاحي[/poem]
[align=center]
بقلمـــــي:
محمد السريّع[/align]
رد مع اقتباس
[/align]
المفضلات