المشاركة الأصلية كتبت بواسطة أهداااب
تدرون أن هالخبر صار هو الشغل الشاغل لأهل تبوك
لما سمعنا بالهخبر قام الوالد يدور جريده
ماخلا سوبر ماركة ولا محطه ما دور فيها
كل أهل تبوك شروا جرايد ذاك اليوم
مدري وش السبب يمكن الناس تحب الأكشن والفضايح أو ماصدقت تلاقي شي
على رجال الهيئه ؟؟
تبون الصدق عاد
وربي أن رجال الهيئه في تبوك يتمادوا كثير كثير في تصرفاتهم
ومو حادث هالبنت المسكينه اللي عمرها ما تجاوز 15 سنه وهذا الشاب العسكري
الأول من نوعه
الصيف الماضي رجال الهيئه في تبوك تسببوا في قتل رجال عمره تقريباً 50 سنه بعد ما طقوه طبعاً والرجال أصلاً كان مريض
وأنكروا هالشي
والسبب أنه هذا الرجال كان يشتغل سواق تكسي أو بالعاميه ( يكد على تكسي ويترزق الله )
يقالوا له المره اللي معك مو من محارمك ؟؟
أنا أبي أفهم شي واحد بس
الحين الهنود حقين التكاسي يحملوا معهم حريم وبنات و لا أحد يتعرضهم
وش معنا هالرجال الكبير ليش أنه سعودي بس ؟؟!!
وانا شخصياً صار معي موقف مع رجال الهيئه قسم بالله لو معي الموت ذاك اليوم
أطلقته عليهم المشكله أن بيتنا قريب من مركزهم
مره أنا وأخواتي ومرة أخوي نبي نروح الممشى لأن مرة أخوي حامل بالشهور الأخيره
وكان معنا أخوي الصغير .. وفي شباب لما شافونا كلنا بنات طبعاً كالعاده يتلقفوا
ويتكلموا ويرقموا
هم كانوا معدين بسيارتهم بسرعه لقافه قالوا الرقم .. وأخوي الصغير مسوي فيها رجال
لما شاف الهيئه قام ونادهم وحنا هاوشناه قلنا خلاص راحوا في حالهم كل بنت ممكن تتعرض
للموقف هذا ماصار شي وأصر وراح وقف جيب الهيئه قال لهم السالفه
تعرفون وسوا رجال الهيئه صاروا ورنا ورنا ما فارقونا ولا دقيقه كأنهم يقالوا أنتم مو مربيات
يعني هذا جزنا وحنا لجئنا لهم والله ظلوا ورنا لما وصلنا البيت
قسم كنت أتمنى يتكلم علي بس ذيك الساعه لأغسل شراعه قدام أمه محمد
اللي قاهرني أن في مجمعات كلها فساد ولا يجوا يمها وحاطين دوبهم ودوب كلية البنات
ومره بعد كنت داخل محل أدوات تجميل وكريمات ومعي أمي شايله النقاب قاعده أقرا المكتوب
على العلبه ما فطنت الا واحد من رجال الهيئه يقوم يصارخ علي يقول غطي عيونك غطي عيونك
بسم الله جد خرعني الحين تارك كل الناس اللي برا ومتهجم على وانا داخل المحل
المشكله ان المحل مابه أحد فاضي غير أنا و أمي..
والله ياجماعة الخير عندي سوالف لليل عنهم
موكره لهم و لاحقد عليهم لا والله
لكن أنا أشوف أنهم تنقصهم مهارة التعامل مع الغير في النصح و الأرشاد
حنا بشر مختلفين مو الكل ينفع معه أسلوب الجزر والنهي بالعكس البعض يعاندهم أكثر
أذا أستمروا بهذي الطريقه
حنا مالنا غنى عن رجال الهيئه والأمر بالمعروف والنهي عن المنكر من مطالب الدين
لكن أتمنى أنهم يحسنوا الضن فينا ويتعاملوا معنى بأسلوب أرقا شوي
والدين الأسلامي هو من أسما الأديان في فن التعامل وحسن الأخلاق
هذي وجه نظر لاأكثر
أن أصبت فمن الله و أن أخطأت فمن نفسي
الود
أهدااابأهداااب
بصراحه ردك هذا ينفع موضوع...
نقاط كثيره اثرتيهـــا وبصراحه اسلوبك
اشكر مرورك
ولك مني اجمل تحيه
رد مع اقتباس
المفضلات