[poem=font=",5,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا تعذلون القلب لا تعذلونه = لا تعذلونه ما وطى درب الادناس
هذا طريق ومسلكن تجهلونه = مرن بها مكسب ومرن بها افلاس
وقلبي كما قصرن تهدم ركونه = ضاعت معالمها ولايعرف الساس
وعيني تهل الدمع حرق جفونه = سهران طول الليل ابكي ومنحاس
على الذي خده وقده ولونه = صافي كما البلور وغالي كما الماس
كن البرد والبرق لاعج سنونه = وكن الحيا وريح النفل ريح الانفاس
عمهوجتن مدعوجتن تعرفونه = ايلا اقبلت وهي لابسه زين الالباس
تستاهل الحشمه ومن هو يصونه = رعبوبتن عريبتن مالها اجناس
طلبتكم عن حاجتي تنشدونه = هي ما درت بهمن وغمن و هوجاس
وهي ما درت يوم ناظرتني عيونه = انه سقتني بالهوى صافي الكاس
اظنها ياناس تشفق حنونه = ماترتضي همن علينا ولا باس
ولا ظنتي اسعد ولا اهنا بدونه = سجلت ذكراها بحبرن وقرطاس
بنت الذي اهل الوفا يذكرونه = تلقى العرب في مجلسه دوم جلاس
من لا بتن بالكون تابى المهونه = ومن ساس ناسن ذكرهم يرفع الراس
تباشرو بالضيف ايلا اقبل يبونه = وسلومهم عزه وشيمه ونوماس
الفن ياهل الفن عذبه لحونه = يقرع لها طبلن ويطرب لها ناس
مثل الحيا شفت العرب يتبعونه = ايلا شعق برقن تعطر بنسناس
والود ياهل الود لاتكتمونه = وين الوفا يازين مع فهم الاحساس
عزي لحالي يوم قفت ضعونه = كنه بعيدن غربت يم تكساس
شط المزار وقلت وين الحنونه = افز للهاتف ايلا دقت اجراس
زاد التوجد يوم زادت شجونه = كنه كما ضون ينور بنبراس
وصلاة ربي عد وابل مزونه = للي دعا بالدين هو سيد الناس[/poem]
رد مع اقتباس
المفضلات