أخواني الاعزاء..
الخال العزيز خلف الربع..
اعتذر لكم عن غيابي عن هالمنتدى وتقصيري معكم ..بس اللي مثلكم يعذر..
وغيابي كان لاسباب خاصة عن قصة وقصيدة خصوصاً..اسباب احتفظ بها لنفسي..
وهذه هي مصافحة مني لكم بعد الغياب..
قصة خمسة عشر فنجال...
.............
كان هناك رجل من أهل نجد ،وهذا الرجل معجب بشخصي الشاعر حنيف بن سعيدان المطيري ومشغوف بموهبته الشعرية وبراعته في الشعر..
وكان هذا الرجل يتمنى مقابلة حنيف بن سعيدان..
وفي يوم من الايام..شاء القدر..والتقى هذا الرجل بحنيف بن سعيدان..وعزمه على القهوة،وأصر الرجل وألح على حنيف..فأستغرب حنيف من اصرار الرجل عليه ..فلبى دعوته..
ولما حضر حنيف بن سعيدان ،قام الرجل وقهوى حنيف ويوم خلص حنيف من القهوة قال الرجل هالبيت:
خمسة عشر فنجال لحنيف صبيت * * لو ان بطنه قربةٍ قد ملاها
وكان قصد الرجلاثارة حنيف،ومعرفة رده فعله وقدرته الشعرية..
قأجابه حنيف على الفور:
[poet font="Simplified Arabic,14,crimson,normal,normal" bkcolor="" bkimage="http://altanaya.com/vb//backgrounds/47.gif" border="double,4,gray" type=2 line=200% align=center use=sp char="" num="0,black"]
.
لاتحسب انّي من دلالك تقهويت=ماتنقّه الشراّب من كثر ماها
وراك ماسوّيتها يوم سوّيت=مثل العميم اللي يزيّن سواها
ياموصّي الحرمة على صكّة البيت=تقول مهو فيه وانت وراها
.\n[/poet]
والقصيدة أطول من كذا..
فتعجب الرجل من قول حنيف وفطنته وردّه السريع،وقام واستسمح منه وحبّ راسه لألايكمل القصيدة باكثر مما قال فيه..
أخيراً تقبلوا تحياتي..
أخوكم/
ساير الرماحي..
.
رد مع اقتباس
المفضلات