جزري ونجداوي

[وحش الاسلم]

السلام عليكم ورحمة الله وبركاته وبعد ..........


جزريه انتم جزريه ياالجزري يالهكري . دايم تنقال. ليش شنو السبب شنو الدافع شنو الحقد شنو

الجزري. انا ابي افهم حنا اللي علساس جزريه بشنو انتم احسن مننا مادري بشنو

بكرم مدري بمرجله مدري بشجاعه مدري بفروسيه مدري بفهم مدري بعلم.


مالقيت انكم احسن بشي واحد مننا ابد ابد.

وكل يوم واحد ياجزري الهكري ........؟؟ طيب ليش ؟؟


ان جدودي كانو بالعراق !!!!!!

ياخوي البدوي ماله ديره من العراق لسوريا لنجد لليمن لكل مكان البدوي يتبع الربيع.


ونا صارلي 25 سنه ساكن بالحفر وللحين فيه ناس يقولون يالهكري يالجزري!!


مدري تقل الجزري مو رجال ولا كيولي


مادرى اللي يتكلم هالشكل ان نص المقاومه العراقيه كله شمر بالبيجي والموصل والفلوجه

مدري اللي يتكلم شسوى بمرجلته اللي بس يسولفبه


اقسم بالله ماقلت هالموضوع الا من الغبنه


ولكم تحياتي وحش الاسلم.

[مشــــعل]

هلا بوحش الاسلم

الكلام اللي انت تذكر مايصدر من رجل عاقل

مايصدر الا من ضعاف العقول وانشالله انك اكبر منهم

اهل الجزيره ابناء عمومه
ياخي يكفي ان شيوخنا الجربان اللي نفخر بهم من اهل الجزيره

بنيه وصفوق وفارس وابو خوذه

فالجزيره هي امتداد لديار شمر
من حايل ياما تجي الجزيره

ياعله بالسيل في كل وقت وكل زمان

لاهنت يابعدي

[يـــوسف]

يالاسلمي وسع صدرك يالغالي وزي ماقال مشعل كلام مايطلع إلا من شخص فيه خلل بفيوزات المخ




وزي ماقال الشاعر عبدالكريم الجباري

ومافيه نجدي وجزري الشمري هو شمري ....بأي ديرت(ن)فيها نزل زم الحمول وشالها


وأعتقد يالغالي اللي يقولون جزري ماهو من باب العياره او الاستحقار اعتقد والله أعلم علشان اللهجه .. وأهل العراق شرف ماهم عار وانا اخوك وشمر بالموصل ردو أنزال مظلي وغيرهم ينقش خشمه




لاتهتم لحتسي رديين العقول والطيب طيب ماهو بجنسيته ولا المكان اللي عاش به .. واللي يعايرك قل مارافع راس شمر بالحميا والفزعه وماسك مناصب بالجبيل من شمر إلا اللي جو من العراق

[رحال]

سلام ياوحش

من يقول هالحكي ماهو رجل والصله الي بيننا مايفكها عقم

ماغير تلقاه ذل بنفسه يرميه على غيره

#####

يامشعل

الدعاء بالمطر ماهو بالسيل الله ينجينا منه


ودي للجميع ,,,

[مشــــعل]

يامشعل

الدعاء بالمطر ماهو بالسيل الله ينجينا منه


ودي للجميع ,,,

[poem=font=",5,white,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
السيل يسقي شوامخ طي= اللي به الطيب متهيي[/poem]

هلا برحال يعني السيل مايدعى بوه

فيه فرق بين السيل والفيضان

ويامنه مشت الشعبان وهذا اللي نبيه
نقول سالت اكا الديار مانقول امطرت

او لا

تحياتي

[سلطان الفروان]

زي ماقالو اخواني الجزري ماهي معياره

ومثل ماقال مشعل ان شيوخنا من هل الجزيره

منبع الطيب ابو خوذه من الجزيره ضاري المحمود ناطح دول .. ومن الجزيره

بس هذا مرض انتشر عندنا (الجزري)

ومثل ماقال عبدالكريم الجباري
ومافيه نجدي وجزري الشمري هو شمري ....بأي ديرت(ن)فيها نزل زم الحمول وشالها

وممدوح الشلاقي

مابوه شمر نجد وشمر شوايا الشمري هو شمري وين ماكان
كـان بـمـدريـد ولا بـتــايــا تلقى به الطنيا ويبقى كحيلان

[وحش الاسلم]

اشكرررررررررررررررررركم بعنف والله ثلجتوا صدري لحمي ودمي انتم

[نادر وجود]

الجزري ماهو عيب بس الناس صارت تعيب وتميز الحكي هذا جزري وهذا نجداوي

ومثل ماقلت الجزري ماهو عيب بس اللي منتقد عليهم بعض أطباع العراق تطبعوا فيها بعد ما رجعوا وسلامتك