قصيدة وصلتني بالايميل فحبيت اشارك فيها:
يا كثر الاصحاب يوم اللعب والدشره
يـوم المـلاهي تـدوّر مـن يلهيها
مـن اول شقـتي بالنـاس محتشــره
يوم العـزوبية الي كنت مغـليهـا
واليوم لا عـاد لا خـوه ولا عشـــره
الله ولا رفقة هــذي تــوالـيــهـا
ناس مع المصلحه عشره على عشـــره
وان حــدك الوقت حدة لك جنابيها
اللي حـياته مـع البيلوت والنشره
واللي يحـب ادشــوش ولاهيٍ فيـها
واللي على الخط دايم فاغر الكشره
سمّاعـته طـول ليـله مـا يوطّـيـها
واللي مزاجـه مع القصات والبشـره
ماله هـدف والنصـايح ما يدانيـها
واللي مع الناس لا يفـقه ولا يشـره
شقـراً مع الخيل لا هجّت تباريـــها
ذي عيّنه في شباب اليـوم منتـشـره
عسـىالذي جابهـا من الارض يـمحيها
اهـل المصالح معرّفتهم كماالقشـره
لا نظّف الراس بالصــابون ينهـيهـا
هـذا كـلامٍ علينا واجــبٍ نشــــره
وما تحـرق الجمـره الا رجل واطيها
سلامتكم...صح لسان قايلها...
ابن الدهمان
رد مع اقتباس
المفضلات