بوقت من البطا .....

**منصور الغايب** · 14-03-2008 21:03

السلام عليكم ورحمة الله وبركاته

بوقت من البطا وبليل تتراقص شياطينه ....

جالس اسولف على نفسي .. وأفكر ...

لو كتب الله ...

وأنا أقول لو ...

وطبقت دولنا خطتها في تشغيل العمالة الوطنية في كل الوظائف والاعمال ..

واللي يسمى

سعودة >>> نسبة الى السعودية

تكويت >>> نسبة الى الكويت

ومدري شلون بباقي الدول بس يمكن ...

تقطير >> نسبة الى قطر

تمريت >> نسبة الى الامارات

تبحير .. وتعمين .. نسبة إلى البحرين وعمان ..

المهم ...

لو مسك ابناء كل بلد كافة الوظايف .. والاعمال ... والحرف ..

تخيلت ...

اقعد من الصبح ...

واجي للخدامة عجايب ..

ياعجايب .. سويلنا ريوق ... ورانا دوام ..

ترد عيك .. موجود بالصالة جعلك ما تحدره ..

طيب ليش سويتي البيض بطماط انا احبه بالبصل ..

ترد علي لا والله ماعندي استعداد اوصخ ايديني بالبصل علشانك .. اذا مو عاجبك كول بالمطعم

امري لله ..

اطلع برا والا غسال السيارة ... الدم الازرق

ها عسى نظفت السيارة زين ..

يرد علي .. والله يعني اليوم مالي خلق تعبان شوي ...

طيب ليش مو منظف التواير ؟!

يرد علي .. والله بنطلوني ضيق وما اقدر ادنق تحت

طيب خذ هذي 5 دنانير روح اشترلك بنطلون وسيع

امر المطعم ابي اتريق لان عجايب الخدامة ما ينوكل من ايده شئ

والا ابو فسحة بالمطعم ...

لو سمحت عطني سندويش بيض بالبصل ..

يرد علي : ماعندي بيض بصل عندي بيض دجاج

انت تنكت ؟ عطني وراي دوام ..

ريال : عجيب ماني شايف وراك الا سيارتك خخخخخخخخ

انا اقول بنفسي .. شنو هذا المليق اللي بلشت فيه ...

طيب ياخي بسرعة تراك ضيقت خلقي ..

ريال : ياخي وده للخياط خخخخخخخخخخخ

اللهم طولك ياروح ؟

اترك المطعم واروح للبقالة ... بسرعة ..

والا مهاجرة ...

لو سمحتي عطيني فطيرة جبن وعصير برتقال ...

مهاجرة : شوي شوي انا ما اشتغل عندك !!

طيب انا ماقلت شئ بس قلت ابي فطيرة !

مهاجرة : أدري انك ما قلت بس اكيد اذا عطيتك وجه راح تقول

وليييييييييه .. شهالنهار المهبب ...

مهاجرة : يابالمختصر ... عطي هالخبل هذا اللي يبي .. وخوذي منه فلوس ترى الاشكال هذي انا اعرفه تهج قبل لا تدفع

ما بغينا نتريق

اروح اعبي بنزين ...

والا ابو عارف بالمحطة ..

هلا عمي ابو عارف ..

بالله فل خصوصي لو سمحت ...

ابو عارف : ان شاء الله ... هالحين ...

من طيبك يابو عارف ؟

ابو عارف : لاو الله من المحطة مو من طيبي خخخخخ

خخخخ شايب وينكت ..

طول ابو عارف لان مابه حيل ..

حجي (معصب طبعا) خلصنا اذا هشكل يبي يخلص البنزين وانت للحين مافولت لان السيارة تستهلك اسرع من صبك فعمرك ماراح تفوله

بالحلاق ... والا ابوثوووب قاعد ...

هلا ابوثوب ...

ابيك تسويلي تنظيف بشرة ...

ابوثوب : لا لا وجهك يبيله صنفرة بس ؟

ما يخالف بس انا ابي اسوي تنظيف بكيفي

ابو ثوب : بكيفك .. كيفك ببيتك مو عندي هني ..

خلاص يبا مابي ابي اروح لاهلي ..

ابو ثوووب : حبيبي هذا كرسي ابو ثوووب مثل كرسي الاعدام بكيفك ماتبي .. تسوي صنفرة يعني تسوي ..

ان شاء الله

خلص يومي الطويل ..

وانا اقول .. يازين العمالة الوافدة ...

هل نقدر نستغني عنهم ياترى ....

هل شبابنا يصلحون لهذي الوظايف ...

والله مدري ..

طبعا الشخصيات اللي ضربتها ممكن يكون اي شخص مكانها ..

بس ذكرتها للتمثيل ....

شكرا للجميع ...

**عبدالله معيوف المويس** · 15-03-2008 07:02

هههههههههههههههههههه

والله انك صويدز

اما ريال فسحه معلم ؟؟؟؟

وابوعارف بالمحطه؟؟؟

اضحك الله سنك كما اضحكتنا

واشكرك على ماكتبت

**عجايب بنت الشايب** · 15-03-2008 19:20

ظلمك العنوان

لو كاتب الشغاله عجايب كان علوووم >> ياروحي ياواثقين

عاد تدري

العيب بعيالنا هاللي يبون التالي

1- نسبه زينه غصب طيب فوق تحت يمين شمال

2- واسطه غصب كالسابق

3- وظيفه لا تقل عن وقدره راتب

4- مكان وظيفه له اسم رنان مثل طقة مدير السواقين مدير مكتبين وكرسي

5- فوق كل هذا مدير الشركه أو المسؤل يجيهم بالبيت يحب يدنهم تكفون تعالوا

ربك يعين ويخلي لنا شغالاتنا يارب وهنودنا اللي تحط حرة المدام فيهم ماقالوا لك شيء

والعكس صحيح ..

لاهنت يالغايب

أسعدنا تواجدك ياشيخ العام

طحياتي ...,,

**حمـود** · 15-03-2008 20:23

هههههههههههههههههههه

والله انك صادق

قصه طريفه عرفت كيف ترتب الشخصيات

دمت بخير

يا حجي

**حمــ الموت ـراء** · 15-03-2008 21:23

ههههههههههههههههههههههههههههههههههاااي

منصور ..صح الله لسانك ..وانت صويدز ..بس ..تتوقع ..حتى هالوظائف ما به واسطه ..

خخخخخخخخخخخخخخخخخخخخخخخخخخخخ

صراحه ..رزق ..هالعمال الوافدين علينا ..الدنيا ..مادري وشلون قايله ..

يعني مثل لعبه العروسه ..تبي ولد والولد يبي حليب والحليب ..عند البقره ههههههههههههههههههههههههههه

**ريتاج** · 15-03-2008 21:44

هههههههههههههههههههههههههههههههههههههههه هههههههههههه

والله نااااسه......ليته صدق

كان اصير صحفيه,,,

مشكوور اخووي على هالقصه والشخصياات اللي لابقه عليه الادوااار

تشااااااااااااواااااااات

**ريال الفسحه** · 15-03-2008 22:00

[align=center]
اولا

الله يونسك بالعافيه وياعل سنونك يطحن ولايبقى
الا ثناياك مثل عمي ابوعارف

::

ثانيا

انا معلم بوفيه على قولة ابومعيوف ..ليه كدا

بعدين

ماقلت لنا وظيفتك يابنشري

شف قوقل راسه به تنسيم ارقعه

منصور
[/align]

**منصور الغايب** · 15-03-2008 23:26

المشاركة الأصلية كتبت بواسطة عبدالله معيوف المويس

هههههههههههههههههههه

والله انك صويدز

اما ريال فسحه معلم ؟؟؟؟

وابوعارف بالمحطه؟؟؟

اضحك الله سنك كما اضحكتنا

واشكرك على ماكتبت

شكرا على مرورك الكريم عبدالله ...

واصلح مخرج ؟!

اخترت الادوار بعناية .. بالذات دور الشغالة عجايب ..

ماتغسل المواعين بلوكس ...
لا ببنزين تقول انظف

**منصور الغايب** · 15-03-2008 23:33

المشاركة الأصلية كتبت بواسطة كلي بكم إعجاب

ظلمك العنوان

لو كاتب الشغاله عجايب كان علوووم >> ياروحي ياواثقين

خخخخخخخخخ طافتن .. بس ماحبيت احرق الفقرة

عاد تدري

هااااااااا

العيب بعيالنا هاللي يبون التالي

1- نسبه زينه غصب طيب فوق تحت يمين شمال

2- واسطه غصب كالسابق

3- وظيفه لا تقل عن وقدره راتب

4- مكان وظيفه له اسم رنان مثل طقة مدير السواقين مدير مكتبين وكرسي

5- فوق كل هذا مدير الشركه أو المسؤل يجيهم بالبيت يحب يدنهم تكفون تعالوا

ذكرتيني بابوي الله يطول عمره على الطاعة .. كنت كل ما اتوظف بوظيفة واتركه يقولي انت ياولدي تبي تصير مدير .... وتبيلك مكتب ...

ربك يعين ويخلي لنا شغالاتنا يارب وهنودنا اللي تحط حرة المدام فيهم ماقالوا لك شيء

والله ياعجايب ... انا اقول هشكل بعد ...يعني هم حق وظايف وفشة خلق بنفس الوقت

والعكس صحيح ..

لاهنت يالغايب

لاهنت ياخالة

أسعدنا تواجدك ياشيخ العام

مشكور ياشيخة الفلة رفعيلي وارفعلك

طحياتي ...,,

شكرا عجايب ... ولاتنسي الوعد ..