سنجار*ظلّك بنجد وقامتك بالجزيرة
.
سنجـــــــار
.
.
[poem=font="MS Sans Serif,5,white,normal,normal" bkcolor="white" bkimage="backgrounds/26.gif" border="none,4,blue" type=0 line=0 align=center use=ex num="0,black"]
سنجار ياتل الحرار القرانيس=يا ذا العريب اللى شمخ بالجزيره
كل الجبال ان جات حولك تضاريس=ضلعان لكن فى عيونى قصيره
ياقامتن تطاولت بالنواميس=حتى غدت أرضك سما كل ديره
كن النجوم أمست بليلك فوانيس=لضيوف شمّر علّقت مستنيره
كبار الصحون امحرّقين المحاميس=وساع البيوت النايفات المجيره
لهم صهيل الخيل ومرازم العيس=والرمح والسيف الصقيل وجفيره
أهل البيارق والطبول النواقيس=للحرب وحشود الجيوش الغفيره
تاريخك المكتوب بالسيف والكيس=تاريخ يقراه الزمان لضريره
المجد مجدك ماتهب النسانيس=فى كل عهدن لك ملاحم وسيره
ورجال مثلك دون أرضك متاريس=تموت عز وماتذوق المريره
يستحقرون الموت بقلوب فرّيس=أعما السطر منها البصر والبصيره
عهدن لبو خوذه وشمّر مقابيس=نار الوغا باللأوله والأخيره
كابر فخر دام انت فوق المقاييس=بشيوخك الجربان واكرم عشيره
وافخر بزيزوم الطنايا السناعيس=عبدالله العاصى فلابه نظيره
ماشوف مثله بالرواسى اليا قيس=وماشوف مثلك بالرجاجيل غيره
فكاك ضيقات الرجال المحابيس=تجود نفسه من قبل تستشيره
مدّاد هدّادن بعيد المراميس=فزّاع جزّاعن على من يثيره
حليم متواضع رهيف الأحاسيس=نبىّ بأخلاقه نقىّ السريره
ان جاته وجيه الليالى معابيس=تلقاه بدرن فى سراه ومسيره
وأنا على تله رميت الهواجيس=ما عاد تشغلنى صغيره كبيره
ملجاى ياسنجار ملجا القرانيس=ظلّك بنجد وقامتك بالجزيره[/poem]
للشاعر .. فالح الدهمان الظفيري
مهداه للشيخ : عبدالله العاصي الباشا الجربا و شمـّر
أخووكم محمد العلجــاااني
رد مع اقتباس
[/align]
المفضلات