[align=center]زمان كنت اقدر اقنع الشخص بوجهة نظري
بفكره او بمشوره ..
او حتي بالانتقاء لاشياء تكون بالاكل واللبس وو
.. باختصار كنت اقنع الطرف الاخر حسب ذوقي وعشقي للي اشوفه ..
وكان النتائج ايجابيه وسريعه ..
وكانت ام يوسف احد الضحايا ..
لي سالفه قديمه معها ..
كنت مغرم بسماع اغنيه ,وهي كانت تكره سماع الاغاني
وقتها كنا بمشوار طويل بالسياره .
وطبعي ما كنت اعرف اسوق بدون ما اشغل المسجل >قبل ما اتوب هذي السالفه
المهم ..
شغلت اغنيه للمرحوم طلال يقول فيها (قصت ظفايرها ودريت .. البارح جاني خبر)
طلبت مني ام يوسف اسكر المسجل ؟!!
وانا ...
رأسا ,,طرت بالي فكرة شلون اقنعها !
قلت لها : تدرين ليش احب اسمع هالاغنيه بالذات ؟.
قالت ليش ؟
قلت تذكرني يوم رحت اخطبك , وقتها كنت مشغل هالاغنيه .
,,,
بكل تأكيد نجحت فكرتي الشيطانيه , لدرجه انا مليت من سمعها
وهي تلح اعيد تشغيلها !!
شي غريب الان .. الاحظه ..
اسلوب الاقناع او الارشاد او النصح _وحتي مع الدليل ,
اصبح امر مستحيل يقنع الناس ؟!
و حتي مع عيالنا .. وهم اطفال تلاقي صعوبه باقناعهم للأنسب ؟.
اصبحت طرق الاقناع والارشاد والنصح ِ(عقيمة) ,ومن يستخدمها (عقيم)
اي انه لا نتيجه ستتمخض من اقناعه ..
الاسباب بلا شك تعود , الي عدم صفاء النيه وفقدان الثقه بين الناس
وحتي لو كانت الافكار كما سميتها شيطانيه , كانت تلاقي قلوب ترحب بها
لانها علي النيه او علي البركه ..
الان لو الواحد منا لو اقسم بكتاب الله انه صادق بكلامه ؟ ما يفيده القسم >
ولو سالنا سبب تكذيبهم ؟
يقولون هذا من اهل التقيه
و
اجمل تحيه لكم[/align]
رد مع اقتباس
المشاركة الأصلية كتبت بواسطة محمدالشمري
المفضلات