مَقهَىَ مَضَايِفْ شمّر

[شام]

[شام]

[شام]

[شام]

[شام]

[شام]

[شام]

[شام]

[شام]

[بالمختصر..]

تخيـلــــــوا ..!



تخيلوا لو يفزع الجار للجار ..
.. في مجتمع حاقد و غاضب و مشحون

و تخيلوا لو تلتفت كل الانظار ..
.. للمشهد اللي وقفت دونه عيون

و تخيلوا لما رحى الحرب تندار ..
.. مابين حكام العروبه و صهيون

اليا متى نستقبل ذنوب بـ أعذار ؟؟
.. و اليا متى نستنزف جروح بـ طعون

نتبع خطا تيار و نصد تيار ..
.. نبعد و عدوان المسلمين يدنون

لو كان بـ قلوب العرب صبر و إصرار
.. ماكان سووا فيكم اللي يسوون

بـ إهمالكم بدلتم الثار بـ العار ..
.. بعتم تراب القدس و انتم تشوفون

حنا كذا بـ معارض الرآي شطار ..
.. لين أستوى بـ المجد عالي و مطمون

من كثر ما كنا نجامل و نحتار ..
.. صرنا نخاف نعارض اللي يقولون

القدس تصرخ و السما تحصد أعمار ..
.. و الدم ينزف و الأرامل يموتون

و أرواح تسلب سلب و أعصاب تنهار ..
.. و أطفال تعدم و البشر ما يحسون

خمسين عام نحارب الشرك بـ أحجار !!
.. و بـ سكوتنا نبني عمارات و حصون

ننسى و كن اللي حصل شي ماصار ..
.. نسكت و كن مابيننا شخص مغبون

لين أشربوا من دم الإسلام كفار ..
.. و بـ عروقنا صاروا يروحون و يجون

إستضعفوا لين أضعفوا كل الأقطار ..
.. ساقوا غضبهم و الآوادم يصلون

يستدرجون العزل لـ السمح الأبرار ..
.. يستمتعون بـ قتل الأطفال بـ الهون

ماكنه إلا شعب مخلوق غدار ..
.. في قلب لا ساكن و لاهو بمسكون

بـ الذل ماتلقى على صيته غبار ..
.. كبارهم واطين و صغارهم دون

لا بارك الله فيهم صغار و كبار ..
.. و لا جمع الله شملهم وين يسعون

و ماتنطفي شمس الحقيقه و لو جار ..
.. فينا زمان الذل و الضعف و الهون

و دام الفشل و الضعف ثلثين الأضرار ..
.. لابد ما نضحك و لا بد يبكون

و إن كانت قلوب العرب تنذر إنذار ..
.. ليش انتجاهلهم و هم يستبدون

الناس قالت حارب النار بـ النار ..
.. و مالله خلق لـ الآدمي عمر مضمون

و إن كانت الفزعه من أحرار لـ أحرار ..
.. حنا البروق اللي غدت سحب و مزون

و حنا السكون اللي سبق عصف و إعصار ..
.. و حنا سباع الكون يا لعنة الكون

و حنا عرب و العرب ماتترك الثار ..
.. بـ أفعالنا ماهي بقولة يقولون

نزعل و لكن بـ الزعل دمنا حار ..
.. نفزع اليا شفنا العذارى يصيحون

عقالنا معهم من العلم مقدار ..
.. و مجنوننا ينطح ثمانين مجنون

يا شعب يا ثاير و يا شعب مغوار ..
.. هون من أسباب المعاناه وتهون

أصرخ على كل البشر و أجهر أجهار ..
.. و خل اليهود إن مادروا عنك يدرون

و أجمع شتات الوقت تذكار تذكار ..
.. و أذكر مواقف كل طاعن و مطعون

حارب بـ دين الخالق النافع الضار ..
.. و أستذكر الرحمن و إبليس ملعون

إطرد من أرض الله عدوين الاذكار ..
.. و إن جوك و ألا جعلهم مايردون

و رح قلهم حنا على كل مشوار ..
.. و ذوقوا مرارة نصف ما تستحقون

و إذا رضيتم قولوا الوقت دوار ..
.. و إذا زعلتوا سوو اللي تسوون




.
.