السلام عليكم ورحمة الله وبركاته
.
.
.
.
.
.
.
.
اخواني هذي القصيده كتبتها في ( شــمــر ) القبيلة العزيزه على قلبي ,,
بعد موقف مع احد الشمامره .. والشمري مواقفه معروفه ولا يحتاج ما يبرهنها ,,
وهي بالاحق رد جميل .. و شمر تستاهل اكثر .. لكن هذا ما قدرنا الله عليه .. وان شاء تحوز على رضاكم ,,
[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
للشعر كتابه وللقول قايل = واللي عصمه الله عن الزل مصيون
بمدح هل النوماس والشك زايل = شمر هل الطولات وابليس ملعون
شمر هل النجدات والدار حايل = دار الكرم والجود ما هو بمكنون
قبيلة(ن) ما مثلها في القبايل = قبيلة(ن) يشهد لها كل دندون
تاريخ شمر للمراجل دلايل = افعالهم ضاقت على سحب ومزون
والشمري لا شال شال الثقايل = شال الثلاث البيض والباقي تهون
شهم وشجيع وللصعيبات طايل = على سفوح المجد مرقاه مضمون
واليا انتخى بربعه فللعز نايل = يوفد عليه من السناعيس مليون
عبده ضياغم للمعالي سلايل = واسلم صناديد(ن) على العز ياتون
وسنجاره اللي فعلهم حيل هايل = اللي نصاهم ما رجع يوم مغبون
يا سعود ما به للطنايا مثايل = في روسهم شيمه وللطيب يسعون
عدوهم لا غار شاف الهوايل = من زود ما يلقاه يسعى يبي العون
وصغيرهم يكسب كسيب الجمايل = سهم(ن) على العدوان ما يعرف الهون
بحتار انا امدح طيبين الفعايل = لكن عسى قلت الذي يستحقون
ويا ناشد(ن) عني من اي الحمايل = انا عوين الذيب بالمجد مقرون
اصلي جنوبي وللمعاليق شايل = من قوم غامد مروية كل مسنون
وهاكم سلامي دون حبر ورسايل = والحق حق ومنكر الحق مجنون
[/poem]
.
.
.
.
وســـلا متكم ,,
.
.
.
أبو شوق
رد مع اقتباس
مشرف مضيف الترحيب والتعارف
المفضلات