بالخير ياعيال 
ذلك لانه لايوجد جنس ناعم بالفله اللي عندنا وحدتهن تحسبه خيشه من الدفاشه 
::
بعد ان اجتمع عيال الفله قبل نومهم امام جدهم ريال الفسحه وبعد
ان اجتمعو ليقص عليهم القصه المعتاده قبل النوم سأله ابنه المشاغب
يوسف ددي [ كان التج ] ددي وش تبي تقث علينا قال جده ياملا
الماحي الي يمحا ثلاثة ارباع وجهك يالدلخ ماتعرف تسكت يما احتسي 
قال الجد القصه هي بعنوان [ قوقل مقرّن الخنافس ]
يقول يوم كنا شباب كنا خمسة شباب الاول انا ريال والثاني
قوقل وحمود الناصر والاخير يوسف العطاوي وعشان تكونون
بالصوره لازم اوصفهم لكم 
يوسف
هذا سبحان من خلقه مابوه الا اذن وحده وكانو يعيرونه
العيال [ ابن صمعه ] وذلك نسبتن لاذنه الممصوعه وتعود
قصة مصع اذنه الى انه كان نيم بجنب ريال وريال بوه جنيه
قام لقا اذنه طالع من طرف شميغوه وهو يعضه لياهي بالارض
حمود الناصر ميزتوه انوه حول يعني الواحد يشوفه اربع طعش
وبعدين جبهتوه منفهدزه سبحان الله ورا يعني واصلتن لنص راسوه
والسبب انه خبيلن يهجهج بمضارب القبيله وكل شوي تسافتن على
حدا هالبيوت وناكخن العمود بجبهته وينصفر ..عاد من كثر ماهو يكفخ
من هالعمدان خرب راسه وجبهته صايرن الله لايبلا تقل مخده
قوقل وهذا هو محور الموضوع كان بوه صرع وفوق هذا يحب الوحده
والعزله كان اصغر مننا بسنتين مايسرح بالغنم من شدة خباله
خلقته قزم وفوق هذا سعبوله يدرج وهو مايدري لدرجه لو يجلس
بجنب النار طفت من سعابيله
خلقته يادافع البلا مدري شلون هي جايه مابوه الا رجل وحده
[ رجل ب 2 ] يعني بوه فخذ وحده وركبه وحده بس مواطيه ثنتين
ههههههههههههههههه
مشيتوه نقز ومسمينه عشان كذا الكنغر 
::
كان عند هالقبيله الي كل عياله خبول بنت مزيونه اسمه وطفا مزيونتن
مزيونتن وبس 
وكان ابووطفا الي هو ابوعارف معيي يزوجه الا بشرط وهو ان الي ياخذه
لازم يجيب شي ماجابوه احد قبله وبعد ماتقدمو الزقرت كلهم لخطبته
قال معاكم اسبوع وابي كل واحد يجيب لي شي ماحد يجيب مثلوه اختراع
حركه اي شي اهم شي مبدع 
وهم يروحون كلن يدور لوه شي يزينوه
ويوم ويومين وثلاثه
عاد يوم جت نومتهم وهو يروح ريال يبي يم يوسف يبي يشكي
لوه انه ماقدر يجيب شي يوم جاوه ياولله الولد نيم وسبحان الله
عليه له براطمن كبر يدي الرجل مرتين
وهو يمسك ريال البرطم يبي يلعب بوه ويسحبه حما حيله وهو يطلقه
لياولله البرطم متلولسن علي يوسف يما هو واصلن علباه
قام يبي يمشي مايقدر البرطم مغطي وجهه وهو يفكه ريال وقال
لقيته لقيته لقيته ..يقصد ان هذي الحركه الي ماحد جابه 
المهم يوسف راح عليه الاسبوع وهو مالقا شي يسويه
وحمود بعد مثلوه
بقي قوقل
قوقل كان جالس برا البيوت متطرفن عنهم ويوم جيناو كلنا
لياولله مجمعن لوه 8 خنافس ويوم شافنا وهو يغيبهن وهو
يحطهن بمخباو ..ياولد وش عندك قال مامن شين
جا الموعد
قال ابووطفا هذا انت يابوعارف قال يالله طلعو الي عندكم
وهو يجي يوسف قال ماعندي شي ونقز حمود قال انا مامعي الا
كبر السلوقي قال لهم سفطو على جنب
وهو يجي ريال ينذخ وثوبه لياركبوه ماعليه سروال
ويجي طاير ويتعكرش بيوسف ويطرحه بالارض وماهي ثواني
الا هو ملولسن برطمه على غاربه
وينقز يم ابوعارف وقال هاه ياعمي وش رايك بي ؟
قال ابوعارف عفيه عفيه عليك باتسر لياغزو الرجاجيل ليا انت اولهم
ونسميك [ معتسف البراطم ]
وهو يجي قوقل مدنقن رويسوه عقب ماشاف ريال وفعل يمناوه والله
ويجي ابووطفا ويقول يالله ياقوقل طلع ماعندك
فاصل
باللحظه هذي كان ريال عند عشيقتوه وطفا ومن زود غلاه قعد يسول
معه شوين وهي تجيه جنيتوه وقاله خليني اجرب الولس برطمتس وهو
يطرحه ويلولس البرطم ..
وماوعى الا ابوعارف يضربه بالقناه لياهو من صيد امس
باك لقوقل
المهم
الولد طلع الي بمخباه الخنافس وهو يدنق ويدلي يقرّنهن
ويزينهن كل اثنين لحال
ويوم خلص قال هاه ياعمي شرايك بي ؟
والله ويجي ابوعارف وقال اندزلع يا [ مقرن الخنافس ] مابدزي الا
انت تاخذ بنتي 
وهو يطردوه ويلحقونه الخبول يوسف وحمود [ عاد يوسف للحينوه متلولس برطمه ]
يقولون مقرن الخنافس مقرن الخنافس .....الخ
والله ويزوج ابووطفا ريال ويعطيه وطفا وهذولهم لياهاللحين
وريال يلولس برطم عجوزوه
مايستفاد من الموضوع
1/ ريال لقبه [ ملولس البراطم ]
2/ قوقل لقبه [ مقرّن الخنافس ]
3/ اتضح سبب عداوة قوقل لريال وهي الغيره انه خذا وطفا منوه 
4/نطالب الاداره ممثله بالمشرف العام بوضع لقب لقوقل وهو
مقرن الخنافس
اخيرا
الموضوع كيبوردي والي يحصل غلط والا شي يعض رضمه
ويسكت 
ممنوع الزعل والي يبي يزعل لاتشوفوه عيني
باي
رد مع اقتباس
هههههههههههههههههههههههههههههههه
المفضلات