السلام عليكم ورحمة الله وبركاته
ادري اني منقطعه من مده موقريبهبس وربي كان انقطاعي هذا عن النت كله لظروفي الخاصه
بصراحه شدني قسم التعليم واعتقد انه جديد لأني ماكنت اذكره قبل انقطاعي
وبكل امانه كان بخاطري كلام وبصدري ضيقه عجزت الاقي من يسمعها !!
وشدتني المضايف باسلوب اعضائها البسيط البعيد كل البعد عن التكلف الموجود بأغلب المنتديات
يعني تقدر تبوح بكل مايراود خيالك وكل مايحدث لك وفوق هذا تلقى التفاعل معك !
مايختلف اثنين ان التعليم عندنا على كف عفريت !
وفيه سلبيات كثيره تطغى احيانا على ايجابياته !!
ماراح اسهم بالمقدمه كثير لكن حنا البنات فيه بتعليمنا سلبيات كثيره
ووربي لو يسلط عليها الاعلام لتفاعل معها الجميع
لكن مشكلة اعلامنا تجاهل الجوهر والاساسيات وتعلق بالكماليات !
مثل الحمله اللي مسوينها عن قيادة المرأه وحقوق المرأه المسلوبه ووو ........ الخ
انا اقول البنات مايبون يسوقون ولا يبون شي من الحقوق اللي يذكرونه ويكررونه مع بزوغ كل فجر !
حنا بحاجه لأشياء كثيره بس وربي انه مو مكلفه ذيك التكلفه
ولا صعبة المنال بالعكس اسهل منها مافيه !!
بصراحه صارت لي مشكله هددت مسيرتي التعليميه وبغيت اترك الجامعه بسبب موقف حقير بدر من شخص مسئول له مكانته داخل الجامعه !!
عندنا دكتور جنسيته مصري وله بالجامعه سنين ومشهور بسمعه الله اعلم فيها
مشكلة هالدكتور ماتنجح من تحت يده اي طالبه الا بعد مايبتزه !!
صحيح فيه من تعدي عنده بدون ابتزاز لكن ماتحلم بالمعدل !
ابتزازه اوقح منه وللأسف ان فيه بنات يرضخن لتلميحاته ويتجاوبن معه
وتبريرهن " اذا كانت حاجتك عند ال*** قله ياسيدي "
الدكتور هذا مسوي علاقه مع ثلاثة ارباع القاعه
فيه منهن المكالمات
وتصل للمقابلات والعياذ بالله !
واسلوبه كل محاظره يطرح واجب ويعطينا ايميله <<=== في كل محاظره
وشوي شوي من ايميل لمسنجر الى الجوال !
وسبق انه اعطى الاسئله لبنات اخذ منهن مراده
وصلتني الاسئله قبل الاختبار وكنت شايله هم الماده كثير ومخوفتني بقووه
وفعلا جت الاسئله مثل اللي وصلني حرفيا !
فرحت ويافرحه ماتمت تفاجأت اني حامله الماده !!
مع اني اقسم ان علامتي ماتنزل عن ال49 من 50
وين انصار حقوق المراه ووين المطبلين والمزمرين بأن المرأه عندنا مظلومه ويسعون لنصرته !
وين الشعب السعودي الغيور على عرضه وعلى اعراض بناته !!
وينك ياوزير التعليم وينكم ياناس وانتم تشوفون بناتكم يرخصن اعراضهن لشخص حقير وتافه من اجل وثيقة جامعه اوعلشان يقال ان هالبنت جامعيه !
تخسى الجامعه ومن فيها اذا بفقد عرضي او عرض اي بنت مسلمه اذعنت وخضعت لأبتزاز حقير همه اشباع رغباته !
المشكله متشعبه جدا
وحله مو سهل
لكن جودو بالحلول فعسى ان تبصر عيناي على احد الطرق الكفيله بأخراج بنات بلدي من مأزق وضعن فيه !!
وأأسف ان كدرت صفو نقائكم
رد مع اقتباس
] ، وهو ماصنّفته بوسائل غير مشروعه !! . فموضوعك ينقصه الكثير من الدّقه لكي يتم استيعابه ، ولذلك عليّ العودة إلى بادئة اقتباسي ، دور المجتمع !؟ إذا ما فهمنا أن المجتمع هو أنا وانتِ وقارئي ، فاصلاحه بايدينا وتبصير من بيده الأمر للقيام بواجبه الاصلاحي التنفيذي ، فــ [ سارا ] اخذت الاسئله وبدلا من ان تكون لبنة بناء بمجتمعها بأن تقوم بتمريرها لمن بيدة الاصلاح التنفيذي ، قامت باستغلالها . وعندما بآن لها سوء عملها وعدم نجاح فعلتها ، أتتنا [ مُوَلْوِله ] . تبرّيء نفسها من آفة القصور في التحصيل وتتّهم من حصلن على معدّلات متفوّقه باتهامات سردتها لنا في مجمل [ ولولتها ] ..
المفضلات