لايفوتك صور بنات سعوديات +كويتيات+اماراتيات

[يـــوسف]

السلام عليكم ورحمة الله وبركاته ............


صبحكم الله بالخير .........

مساكم الله بالخير ...........
^
^
كل واحد ووقته



أول شي اسم الموضوع يلفت الانتباه صح .......؟


وانتم كلكم تحمستو يوم شفتو اسماء الدول


اقتبسته من ايميل جاني قبل شوي من واحد طبعا الايميل ساخر فيه صور سياسة المنتدى ماتسمح انزلها ....



أخواني انا بطرح موضوع للنقاش واتمنى من الجميع التفاعل معه .....


الموضوع لو نتكلم فيه راع نتشعب ولا راح نقدر نغطيه لأنه مشكله نعاني منها بوقتنا هذا اللي يخوف


زي ماتعرفون حنا مجتمعات أسلاميه محافظه على العادات والتقاليد وقبل كل شي نتبع دين الاسلام ونتبع نبينا محمد صلى الهل عليه وسلم وديننا زي ماتعرفون ولا أنتم جاهلين فيه يدعو للأحتشام ...

اللي خلاني اكتب هالموضوع صارلي موقف قبل فتره وترددت كثير اني انزله بس جزمت وقلت بنزله لأننا نعاني منه وماراح نلقىىىا حل الا بالنقاش ونشوف وش الاسباب

الاجازه الماضيه جتني رسالة وسائط .....!!!!

يوم فتحتها والله شفت شي ياناس يقهر ويغبن ويخلي الواحد يلعن من سوا هالخدمه ومن جابها لنا



صور بنت بكذا وضعيه ومن ضمنهن وجهها وهي تبتسم عسا ربي يهديها ....

انا صراحه مااكذب عليكم ماني ملتزم ولاني مطوع بس الحمدلله محافظ على صلاتي وعندي غيره تمنعني اسوي اي شي بالصور


مسحتها وبعد ساعه دق علي نفس الرقم ......
رديت الا بنت تسلم وتسولف كنها واحد من الربع يعني بالعربي تمون

قلت لها امري وش بغيتي ؟ مسوي نفسي ماادري عن الصور قالت انا ارسلت لك قبل شوي بالغلط واتمنى انك تمسحهم بكل وقاحه وبكل قلة حياء ...........طبعا تضحك البنت

قفلت بوجهها طبعا بعد التهزيء والكلام اللي خلاها ماتسوى ........ تكرمون

هذي هي السالفه اللي خلتني انزل هالموضوع

ولفت انتباهي بعض المقاطع المنتشره مكتوب عليها فلانه من الديره الفلانيه وتجد بعض الشباب وبكل اسف يفتخر ويشاور تبي ارسلها لك ....

طبعا الخطاء الكبير من البنات اللي يرسلون صورهم للشباب كيف تثقين بواحد جايك عن طريق غلط ... فيه بنات تقول يحبني ....؟ طيب يحبك اذا فيه خير وولد ابوه يخطبك

اللي يحب يجي من الباب مو من الشباك

وهذا غير الايميلات اللي فيه صور بنات وكل بنت منسوبه لديره وغير الشات الصوتي اللي بكل اسف فيه بنات قبايل وبنات عوائل معروفه وبكل اسف يشغلون الكام ...........

واللي ادهىىا من كذا اللي انتشر قبل سنتين شفناه منتشر بشكل غير طبيعي تجد شات على قناة اغاني بنت الفلان وتقول كلام والله العظيم اني وانا ولد انحرج اقوله

وغير اللي تتصل على القناة وبكل وقاحه تتميع وتتكلم مع المذيع بكل قلت ادب .......؟

واللي يقهر انهم صارو يفتخرون انهم ينتمون لقبيله وتلقىىىا بعض شباب هالقبيله ماعنده اي غيره على بنت عمه .....يعني وصلت مرحله انك تفتخر انك من القبيله الفلانيه وانت منت كفو انك تشيل اسم قبيله ؟؟؟ صار اسم القبيله والشرف اللي العالم اول يتذابحون عشانه صار مفخره بالردىىا ؟؟؟

السؤال :::::...
هل وصلنا مرحلة عدم الغيره على المحارم ؟؟؟
هل ماتت الغيره عند الشباب والفتيات ؟؟؟؟
هل ماتت الاصاله ؟؟؟؟؟؟؟؟

والاهم من كل شي هل الدين بدى يضعف بيننا وصرنا نقلد الغرب بكل شي ؟؟؟

[ماجد علوان]

يووسف

يااهلا والله

مووضوع جيد للنقااش


انا ماااعندي تعليق على الموضوع

او سبب وصلنا الى اللي حنا بووه الحين

غير

التربيه السيئه من الاهل

والا فيه احد ماايدرري عن بنته


يوسف كل الشكر لك

[يـــوسف]

ماجد لك كل الشكر يابعد حيي على هالمرور والمداخله مع اني كنت متخوف والله ان محد راح يرد لأنه شوي موضوع حساس

ماجد الاهل مالهم ذنب ذنبهم الوحيد الثقه .....

الحين اقل مافيها الواحد لما ينزل اهله بالسوق راح يكون واثق صح ويارب محد يشك بأهله ولا نوصل لهالمرحله .........

راح يكون جواب اي شخص اهلي واعرفهم متربين زين ........

طيب البنات الثانيات نفس الكلام بس السبب مو الاهل السبب الناس اللي تختلط فيهم وغير كذا الناس اللي تمشي معهم البنت او الولد هم اللي راح يمشونه على الدرب اللي هم عليه


أشكر مرورك يالغالي ولاهنت

[ماجد علوان]

هلا بك وانا اخووك

ليش ماااحد راااح يرد على موضوعك
بالعكس ابتعادنا عن المواااضيع هو اللي يضخمه ويوصل الى مااهو اكبر


وبعدين شلووون الاهل مالهم شغل

انت تقوول الاهل واثقين في ابنائهم

وانا اقوولك اووكيه انا معااك

تردد وتقووول المشكله من للي يختلطون معهم

طيب معقوووله فيه نااس مااايدروون بنتهم وين تروووح ومع من تررروح

وربي هنا المشكله


طيب اقررب مثل يعني

((( المال السااايب عرضه لسرقه))


طيب المال اغلى من بناتهم

اكيد لا

طيب ليش ماااحد ينتبه لبنته

انا حبيت اووصلك ان المشكله مشكلة الاهل والتربيه الفااشله

[أهداااب]

يوسف


أحيك وبقووووه كمان


موضوعك رائع ويستحق كثيرا ً من النقاش


لأن ماذكرت أعلاه هي ظاهره بدأت تنتشر وبشكل كبير مع وسائل الأتصال المتعدده

والأعلام الفاسد والأهم ضعف الوازع الديني وقلت التربيه والرقابه

مثل هالبنت اللي ذكرتها أرسلت لك الصوره هذي ما تبي تحب بس تبي تتسلا

وتحسب أن كل الرجال يهمهم الشكل والجمال مسكينه مادرت أن الحيا والعقل هو اللييميز البنت ويجملها

أنا من كثر ما أسمع مثل هالقصص اللي زادت في الفترة الأخيرة

أسأل نفسي سؤال : هو المجتمع السعودي من زمان فيه كل هالفساد الأخلاقي وحنا

مو دارين والأعلام ووسائل الأتصال مثل النت والجوال هي اللي كشفت لنا الحقيقه

أو أن هالوسائل هي اللي زادت الطين بله ..؟!

اللي عجبني كثير بكلامك قولك : ليش ما صار الواحد يغار على بنت عمه ؟؟

أبشرك الحين الواحد هو اللي يحد بنت عمه على الغلط وأذا غلطت قام وفضح فيها

تصدق أنه قبل العام أنتشر عند عيال الجماعه مقطع لبنت هي منهم وفيهم بنت عمهم

البنت الله يهديه ماش تربيه تصدق أنهم قاموا يرسلوها لبعض بلتواث وكل واحد

يقول تكفا أسل لي الصور جد جد أنقهرررررررررررت حتى لما الحريم يتكلما فيها

أنا أقول لهم بالله عليكم بدل ما تستروا عليها وهي بنت عمكم تقموا تفضحوا فيها

وين الأصاله وين زمن أول اللي الواحد لو يشوف بنت عمه تسوي شي غلط

يستر عليها وينصحها بينه وبينها مو مثلكم ...
الناس مدري وين عقولها كأنهم غاوين فضايح


أنا أقولك بأختصار أهم الأسباب اللي خلت مثل هالظاهره تنتشر

1- ضعف الوازع الديني وقلت التربيه الأسلاميه الصحيحه والرقابه

2- أنتشار وسائل الأتصال على أختلاف أنواعها مما يساعد على التمويل لمثل هذه العلاقات والسلوكيات المحرمه

3- لم يعد الجيل الحالي يفهم معنى الغيره على المحارم - وأذا بليتم فأستتروا -لأنه لم يفهم بعد الأسلام الصحيح


4 - أخذ كثير من الشباب والفتيات مثل هذه الأساليب كموضه على كل من يواكب التطورأتبعها - مثل قولهم أنا عندي خويه !!!؟

للأسف كثيرمن هؤلاء الشياب قد ينسى أن - الجزاء من جنس العمل -

- ومن زنا يزنا به لو كان في عقر داره -


في ختام كلامي - أسأل الله الهدايه للجميع -


كل الشكر لك يوسف

[يـــوسف]

أخوي ماجد وجهة نظرك ورايك أحترمه بس الواحد لو يروح يودي أخته لصديقتها مثلا تزورها بالبيت تبيه ينزل عندهن يجلس بوسطهن ....؟

ياماجد انا اقولك المجتمع اللي يختلط فيه الشخص هو اللي يحدد وجهته واخلاقه بغض النظر عن التربيه

هذا رأيي واحترم رايك وقبل كل شي أحترمك انت

[يـــوسف]

أختي أهداااب منوره وحياك الله ........

موضوعك رائع ويستحق كثيرا ً من النقاش

تسلمين والله واحب ازيد على كلامك شي مايناقش هالموضوع الا الشخص الشجاع مثلك ومثل ماجد لأنه بصراحه مااشوف أحد ناقش وتكلم مدري وش السالفه هل خلق الله فيهم ريح وخايفين يتكلمون ويدافعون عن رايهم

وتحسب أن كل الرجال يهمهم الشكل والجمال مسكينه مادرت أن الحيا والعقل هو اللييميز البنت ويجملها

والله يااهداب انا لاني ملتزم ولا شي زيي زي غيري من الشباب بس اللي يمنعني من هالشي المثل اللي يقول من زار بيت الناس زارو بيته يعني والبنت والله لو تكون ملكة جمال بس بدون اخلاق ولاهي محترمه وش الفايده

ليش ما صار الواحد يغار على بنت عمه ؟؟

والله العظيم يااهداب اني اختلطت مع ناس يفتخرون انهم يعرفون بنت من القبيله الفلانيه والفلانيه تقل صارت فخر واللي يقهر ان واحد قبل فتره يقول انا اعرف بنت الفلان واسم اهلها معروف بقبيلتهم وهم منهم

يستر عليها وينصحها بينه وبينها

قليل والله هالنوعيه وصرنا نسمع فيهم سمع ماعاد نشوفهم

بالختام أشكرك اختي اهداااب على رايك ووجهة نظرك وعلى مداخلتك الرائعه.........



وأقول مافينا مااخطاء بس الخطاء انك تستمر على نفس الخطاء

[نار الشوق]

مشكور أخوي ماجد والله يعطيك العافيه

ماقصرت طرح اكثر من جميل وهام ماالومك في بعض البنات يقومون في ذلك

من نشر صورهن لكن ومن الحب ماقتل بس الله يهديهن صحيح الغيره ماتت في كثير

من الناس وضعف الدين وتشوفهن البنيه صارت قويه تفتخر في حب فنان أو لاعب كانه تفتخر

في حب الرسول والشباب بعض كلهن وتقبل مروري وجهة نظري لاهنت ولاعدمناك موضوع

يخص المجتمع الاسلامي

[يـــوسف]

مشكور أخوي ماجد

قوووووووووووووووووووووووويه مار عيني عينك انجحد ولا كني ادمي

لاأكون كبت ولا مزهريه وأنا مدري

بس عادي ماجد يمون بعد عده راعي الموضوع وانا امون وابي ارد عنه لأنه مشغول

من نشر صورهن لكن ومن الحب ماقتل بس الله يهديهن صحيح الغيره ماتت في كثير

شف اخوي خل نكون صريحين شوي

الحب من زمان موجود ومحد ينكر هالشي بس اللي حاصل الحين مو حب لعب بالشرف وسمعت البنت واهلها يعني اللي يحب البنت ليش يرضىىىا لها ان ترسل صورته ..؟ يقول مشتاق يعقب

لو صدق يحبه يروح يتقدم له مو يقول ارسلي صورك ولاخليني اقابلك نتعشىىىا ومدري وشو من خرابيط مافيه

محد يقول مااحب ولااعجبت بفلانه او فلانه معجبه بفلان بس كل شي له حدود

وتشوفهن البنيه صارت قويه تفتخر في حب فنان أو لاعب كانه تفتخر

هذا ضعف بالعقل والله وغير كذا البنات فيهن ميزه حب التقليد ويحبن اي مشهور بغض النظر عن أخلاقه أهم شي يطلع بالجرايد والمجلات ويحط جل على شعره ويحلق شنبه

مره ثانيه حياك الله ونورت الموضوع

[sara al_shammry]

مرحبااا
اشكرك اخوي على الموضوع الاكثر من مهم
و انا اتفق معاك بان الاهل ليسوا السبب دايما فاني و الله ارى بنات اعرف اهلهم و بنات قبايل و متربين احسن تربية و لكن الرفقه السيئه هي السبب

ولكنهم في بعض الاحيان يكونون السبب
واحيانا تكوون الثقة الزايده
و احيانا يكون الضغط الزايد
و في الاغلب يكووون الكبت

فانا ارى اهلي و الحمد الله اخذو الطريقة الافضل بالتربية
اخذوا الووووسط

فل نكن امة وسط كما امر النبي

لا لم تمت الغيرة في قلوب شبابنا و وجودك اكبر دليل
و لكن هي نايمه و ستنهض قريبا باذن الله

ومشكووور اخوي على الطرح المميز