حصرياً لشبكة شمر : ( الحظ عجه ) للشاعر / مرس بن طواله

[نافع بن طواله]

مساؤكم خير ياشمر ويا معازيب ويا ضيوف

اثناء تجوالي في المنتديات وجدت بيت ليس بغريب علي

الحظ عجه والجماعه قراطيس %% من يمسك القرطاس في وسط عجه
واثناء كتابة البيت في قوقل وجدت انه متداول كثيراً دون ان يعلم احد من هو كاتبه وماهي القصيده

واحببت ان اخص شبكة شمر بالقصيده كامله وحصريه لشبكة شمر






[poem=font="AdvertisingExtraBold,7,white,bold,italic" bkcolor="transparent" bkimage="" border="outset,7,white" type=2 line=0 align=center use=ex num="0,black""]
الحظ عجه والجماعة قراطيــــس = من يمسك القرطاس في وسط عجَّه
هبـت علـيـــنا عاتيـات الهواجيس = وعـن دربـهـا كـل المـخالـــيق هجَّه
الله دخيــلك بهـذلتــنا العـواكـــيس=كـن الحـشا حـدب الخـناجـر تخـجّه
حقـي على شمر طنايا وسناعيس= مـامنهم الـلي زارنـــي وســـط لجًّـه
والله يلــولا ماتعـوذ من إبليــــس= ولا اريـــد لـلعــدوان يـانـــاس حجَّه
لأقعـد ببـيتي بيـن بـن ومحاميس = ولا يـقــال رجـلـي يـم الأنـذال سجَّه
لكن حذاري من مرافقك للهـــيس= اللــي عـلـى مـاقــيـل خــوتــه دجـَّه
عـلـيك ببـلــيهان راع النوامــيس= مـاهــو بخبـلٍ للــمــراجــل يــوجــَّه
من لاتعلم من دروس الزمن تيس = خبــلٍ ولا ياجــد مـن العقــل فجــَّه

[/poem]


مرس بن طواله

[بالمختصر..]

والله يلولا ماتعـوذ مـن إبليـس
ولا اريد للعدوان يانـاس حجَّـه

لأقعد ببيتي بين بـن ومحاميـس
ولا يقال رجلي يم الأنـذال سجَّـه

^^ والله قعدة البيت والوحده أبرك بمليوووون مره من مقابل العفون ^^



صــح لسااااااااان الشاعر ويعطيك العافيه ع النقل . .

والله قصيده رووعه , ولاتعتبره مجامله . .

الحظ عجه والجماعـة قراطيـس .... من يمسك القرطاس في وسط عجَّه



مشكوورر ..




.
.

[مهاجرة باحساس]

يعطيك العافيه ,,, أبيات دائمااا اقراها وبكذا منتدى ولا تنسب لصاحبها



بالفعل كل القصيده حكم ..

حقي على شمر طنايا وسناعيـس
مامنهم اللي زارني فـوسط لجًّـه

^
^



أتوقع هذا البيت وراه قصة , لانه يقول حقي على شمر



ياريت يااخوي مدامك من الطواله تبحث لنا عن قصة هذه القصيده من الشيبان الله يطول بأعمارهم



وتحيتي

[عبدالله المهيني]

^
^
^


ليه يسأل الشيبان وأبو تركي موجود
الله يعطيه طولت العمر


صح لسانكـ يابو تركي

الحظ عجه والجماعه قراطيس %% من يمسك القرطاس في وسط عجه

والله يا نافع سمعت هالبيت كثير ومر علي بالنت

وسبحان الله اللي جاء له طاري بوحدة من جلساتنا مع بعض




ابو طواله

مثل هذه صيد سمين
والله الله بخواته

سلمت هاليمنى




لكـ ولخالكـ المحبة

[الأرجوازيه]

[poem=font="AdvertisingExtraBold,7,white,bold,italic" bkcolor="transparent" bkimage="" border="outset,7,white" type=2 line=0 align=center use=ex num="0,black""]
حقـي على شمر طنايا وسناعيس = مـامنهم اللي زارني فـ وســـط لجًّه
لأقعـد ببـيتي بيـن بـن ومحاميس = ولا يـقــال رجـلـي يـم الأنـذال سجَّه
لكن حذاري من مرافقك للهـــيس = اللــي علـى مـاقــيـل خــوتــه دجـَّه
عـلـيك ببـلــيهان راع النوامــيس = مـاهـو بخبـلٍ للــمــراجــل يــوجــَّه
[/poem]


مرس بن طواله

[/QUOTE]

قصيده أكتمل فيها الشعر وأمتزجت المفردات لترسم هذه اللوحة الجميله

صح لسان قائلها وسلم بنانك أخي نافع


ومليون نعم في قبيلة شمر وفي شيوخها الطواله



وأتمنى أن كان هناك قصائد أخرى للشاعر أن تتحفنا بها في هذا المكان



كل التحايا

[شموخ]

من لاتعلم من دروس الزمن تيس ........ خبلٍ ولا ياجد مـن العقـل فجَّـه


فجه


ياهلا والله بابو هدلا ولا يزعل طواله


صح لسان الشاعر وفعلا هذا البيت ( الحظ عجه والجماعه قراطيس ) كنا نتداوله ايام الكليه انا وزميلاتي وخاصه اذا ماجاوبنا بالاختبار زين بس ماطرا على بالي اني اشوف كاتبه او ابحث عنه زين اللي عرفناه اللحين ...


تسلم يابو هدلا على النقل ولا بد تسئل لنا صاحب القصيده عن هالبيت ومناسبته

حقي على شمر طنايا وسناعيس ....... مامنهم اللي زارني فـوسط لجًّه



تحياتي لك
شموخ

[نواف المهيني]

[poem=font="AdvertisingExtraBold,7,white,bold,italic" bkcolor="transparent" bkimage="" border="outset,7,white" type=2 line=0 align=center use=ex num="0,black""]
الحظ عجه والجماعة قراطيــــس= من يمسك القرطاس في وسط عجَّه
[/poem]

صح السان الشاعر

ويعطيك العافيه اخوي نافع على هذا النقل

[عجايب بنت الشايب]

مرس الطواله


قصيدة .. تخبرنا ان كاتبها


عريق .. وجزل ..


وانك لا بد أن تصغي .. أصغا المعجب




من مطلعها الى آخرها




من الظلم أن أقتبس أبيات دون أبيات


قصيدة .. مجازه من جماهير الأبداع ... في مسابقة الجزاله ...




لاهنت يابو طواله ... نقل رائع


واذا كان هذا أختيارك فلا تحرمنا




وصح لسان القرم



طحياتي .....’’

[نافع بن طواله]

^^ والله قعدة البيت والوحده أبرك بمليوووون مره من مقابل العفون ^^



صــح لسااااااااان الشاعر ويعطيك العافيه ع النقل . .

والله قصيده رووعه , ولاتعتبره مجامله . .

الحظ عجه والجماعـة قراطيـس .... من يمسك القرطاس في وسط عجَّه



مشكوورر ..




.
.

بالمختصر

وجودك هنا وجود للمسك


ألف شكرك على كل حروف الاطراء


وانا سعيد ان ما جلبته هنا لقي منك الاعجاب

[المشرف العام]

/

بارك الله فيك اخوي ابو هدلاء

ولاهنت على ايراد هذا التوثيق