والله البلشة الحيتان والسميتسات تعرشت الكيابل البحرية للانترنت -صور الكيابل البحرية..

[علوش الدوسري]

في البداية
السلام عليكم ورحمة الله وبركاته

وبسم الله الرحمن الرحيم

الله يتسفينا شر كل موذي بنفسه

حي الله بعد حيي كلهم من اولهم الى اخرهم


تصدقون انكم وحشتوني وحشة تنتفض منها اونيملاتي وانا اكتب الموزوع

لي منكم مدتن طويلتن بالحيل

بس تراكم في قلبي من اقصاه الى ادناه مير اقرب واحد فيكم يبلغ اقصى واحد

المهم والزبدهـ

ياجماعـة الخير تذكرون هذيك الايام يوم تعطل الانترنت وبغينا نموت من القهر!!!
يوم طلعت اشاعات ان البنقلادش سارقين الكيابل البحرية حقت الانترنت في وضح النهار ولا احد درى عنهم؟؟
ثم طلعت عقبها اشاعات ان الكيابل ماكلها سمك القرش من الجوووع..لان التجار قامو يستهلكون سمك التونة بكميات كبيرة على شان يبيعونه يوم ان السوق فيه تلاعب في الاسعار!!ولابقى للقرش الا الكيابل..

ثم طلعت اشاعه ان الاخطبوطات قامت تخلي الكيابل عضاضات لنميانها الصغار...
المهم مالكم في طول السالفة لزوم
هذه صور ترى جايبها بجوالي من اقصى المحيط الهادي كله على شانكم
لاني وقفت وقفة حاسمة اتقصى في الموضوع وش السبب ومنهو المتسبب
لاني خسرت سهمين في شركة سبكيم وقلت عوضوني
..
واليكم الصـور




...


...



والله الله بالردود السنعه

[النبع الخالد]

علوش
تسان بايعن بالتلفون ومالك ومال الانترنت
ترى فيه بيع اسهم بالتلفون

على العموم يعطيك العافيه على الصور
بس انك مخربه بالايميل خخخخخخ

[الشاهري العبيدي]

السلام عليكم ورحمة الله وبركاته



شكرا على الاختيار الموفق بموضوع اشغل الدنيا



بارك الله بك

[ماجد علوان]

علووش


الله لايهينك

بس مااكنك صررت المحقق كونان


يعطيك العاافيه على هالبحث


دمت بخير

[ريم شمر]

هلا بك اخونا علوش

ونتمنى تكون اخر الغيبات

واما الكيابل مادري وش نوح السمك والحيتان مادرى عنهن الا الحين

وينه عنهن من زمان والا توهم يذكرون

[علوش الدوسري]

علوش
تسان بايعن بالتلفون ومالك ومال الانترنت
ترى فيه بيع اسهم بالتلفون

على العموم يعطيك العافيه على الصور
بس انك مخربه بالايميل خخخخخخ

النبع خالد السلام عليكم ورحمة الله وبركاته تحية اهل الجنه<-< تذكر الطابور الصباحي حق المدرسة ايام البراءة

اما الان ياطويل العمر فاحب ان اخبر سيادتكم معالي الرئيس باني اول مرتن ادري ان فيه بيع عن طريق الهاتف<-< شف ماقلت زي تلفون <- مسوي متطور.

.
الصور ياطويل العمر انا الي ماخذها بجوالي يعني هذه حقوق التصوير<-< وترى لا القاها بمنتدى وموقع اخر بسوي عليه حملة قوية كنها الحملة الصهيونية ايام المغول..

شكرا لدشوشك على الموضوع

*دشوشك: بالاتينية يعني دخولكـ

[علوش الدوسري]

السلام عليكم ورحمة الله وبركاته



شكرا على الاختيار الموفق بموضوع اشغل الدنيا



بارك الله بك

...............
عليكم السلام ورحمة الله وبركاته
حياك الله يطويل العمر والسلامة

واحب ان اشكرك على هالاطلالة الرائعه والجميلة المبتدئة بالتحية الطيبة

والله يرزقك زوجتن صالحتن طيبتن فيها غوميزات وشعرها طويل ولاهيب تحب قص الشعر.

[منصور الغايب]

علوش ...

الله محييك ..

وجبت الغنايم عقب هالغياب ...

عسى الله يهدي هالسميكات ويتركن الانترنت عنهن ..

شكرا لجهدك ..

[ابو ضاري]

بارك االله فيك ياعلوش

[علوش الدوسري]

علووش


الله لايهينك

بس مااكنك صررت المحقق كونان


يعطيك العاافيه على هالبحث


دمت بخير

>>>
تبي الصدز ياولد الشايب علوان..في ذمتي اني اسمع بالمحقق كونان ولا ادري وشهو ..بس كان ماخابت هقوتي انه افلااام كرتون!!

والله يحييك
وخلنا نشوفك ياطويل العمر

وسلمني على الشايب علوان<-< على وزن فعلان<حق المحقق كونان