[poem=font=",7,green,normal,italic" bkcolor="transparent" bkimage="http://www.shmmr.net/vb/mwaextraedit2/backgrounds/20.gif" border="double,4,coral" type=2 line=0 align=center use=ex num="0,black""]
قم يانديبي فوق سود الهمرات=ابو شموع فوق متنه عقودي
سميه اللي في جيوش الولايات=اجروله التصفيح تمويه بودي
اوراق جمرك عن طريق الامارات=الصنع غربي والمصمم يهودي
مجلوب كاش وحاسبين الريالات=ماعربنوه اللي يبونه قصودي
الصبح تله لابحى الشوف بسكات=واقطع شمال وسنده للنفودي
تطلع عليك الشمس في مرز تنهات=طب القعوره وانتهض به صعودي
وحذرا تعلق بين الاشجار هيهات =الرمث معلاق الغشاما بعودي
واسهج عليه مسوهج فاق مابات=يفتل شنب من دون قطع العهودي
من دون اجا في وسط ذيك العمارات=مبنى سمو العز آل السعودي
قبل الزوال اليا فرغ من تحيات=بمكتب سموه باشره بالورودي
قله سلامي عد نجم المجرات=واعداد براق المزن والرعودي
سلام ياراعي يدينن سخيات= تعطي ولاتنشد من الفود فودي
ودي بجيبن من جيوب الولايات=جيب الهمر لاقيل عزه يزودي
واليا عطاك استاذنه وانت بالذات=قبل يمين الجود يومه تجودي
وهات البشاير لا تونيك سجات=عجل علينا بالوفا للوعودي
ماهي غريبه وانتخي بالسيادات=بمعربين الجد آل السعودي
الشاعر=فايز الوحداني[/poem]
رد مع اقتباس
المفضلات