[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
معطف البرد لف الازمنه والمكـان=
=والمدينه عطاها البرد رونق جديـد
شامخه في معالمها حكايـة زمـان=
=قصة الفجر والقمـرى ومجـدٍ تليـد
حائل العشـق لوانـه بسحرالبيـان=
=قلت فيك القصيداللي يسمـى قصيـد
بس كلي مشاعـر ماحكاهـا لسـان=
=اقرها في عيوني والمحـه بالوريـد
يامنابـع غزيـر المـد اول وثــان=
=فيك قصة يمين الشـح علـمٍ اكيـد
فيك هيل المعاني غازل الزعفـران=
=واختصرتي مسافات الزمان البعيـد
روح شمّر وروحـي يـوم ان الاوان=
=غردي ياحروفي واطلبينـي مزيـد
فيك لوقلت خاسر ماخسرت الرهان=
=فيك من قال شعره شاعرن مستفيـد
يوم نار المشاعـر ذوب الشمعـدان=
=قلت للشمس غيبي لايـذوب الجليـد
اكتسـي يابـلادي يابـلاد الامـان=
=في شعوبك تباهي واذخريهم رصيـد
التطور ضروره والزمـان امتحـان=
=والحضارات تبنى والمواطن سعيـد
شعب واحد وقاده والتآلـف ضمـان=
=في زمان التحدي كـل عـزمٍ حديـد
ازدهارالمدايـن فكـر والامـبـان=
=عكس موت الاماني في عيون البليد
والاماني كبيـره والخطـا باتـزان=
=وكل رايٍ على درب المعالي سديـد
وكل حرف فبلادي لونظمتـه مـدان=
=ماحكى عن شعوري لواقوله واعيـد
ولو سألت الجواهر عن عقود الجمان=
=قال حائل واهلها والتـراث المجيـد
بس شعري شعوري لوجفاه المكـان=
=ادري اني لحالي بس مانـي وحيـد
ملهمـه يابـلادي يابـلاد الامــان=
=فيك من قال شعره شاعرن مستفيـد[/poem]
رد مع اقتباس
المشاركة الأصلية كتبت بواسطة نايف حزوم
المفضلات