رالـــ حايل ـــــي

**ذيب الاسلم** · 13-02-2008 14:13

سلام عليكم وشلونكم..طيبين..!
طولنا عليكم الغيبات اعذرونا كل هذا من رالي حايل...
المهم جايبلكم اليوم سالفتي مع الرالي...طالعين انا واخوي وولد عمي..
رحنا حنى عليلنا جيب gx ابيض ...زهبنا العدة ودلالنا وقهوتنا ...
الوكاد جينا نبي نرتسب ولد عمي السواق وانا قدام وقفلت الباب خبركم اخوي..
زبدت الحتسي..جاء اخوي وشافن قاعد قدام..وهو يجيب المربوعه...وهو يفتح الباب...
وهو يرصن به ليمار انا من صيد امس...ماوعيت الا وهو مكرفسن بالكشن الي ورى..
مار ماقالي ولانشدن رصن به ومشى...وصلنا ونزل وقالي زيين الخيمة والقهوة...
ولا ترى ابي ارصك رصتن ثانية اجييب اجلك...قلت ماتعقب وتخسى عقبت ال***..
منوهو الي(طع طع طع) يعقب ياهاالمروح انا الي اعقب(طخ طخ طخ طخ)...
ههها هذه صرعتن ثانية...ماوعيت الا بالليل...وليامار هالعالم ناس رايحة وناس جايه...
واشوى اخوي مهو به...الوكاد اني قلت ابي اطعس مادام اخوي وولد عمي طالعين ..
مجريين دبابات...وانا معي الجيب وخبركم ماعرفله هالملوي...جيت ليمار زحمه..
وابحر وابحر بهالعالم وتحمست وانا اجيلك طاير موشم الله لايوريكم...وصلت ربع الطعس...
كل هالطقاع والصراخ والتحمس...واتلاه ربع الطعس...وهو يغرس....وصرخت وفزعت...
هالي حولي...لكن ياليتن مافزعت ولا صرخت ليمار هذا اخوي على الدباب مطبق علي..
ولاجابك جياب المطر انت منين جيتنا ...احول ولاقوة...هذه متولجن مار بالبيت وباهالطعوس..
فتحت هالباب...وانا اشق الشعيب...ركض الله لايوريك...مثل الحصني ....وهو يلحقن ...
ويلحقن ويلحقن...اوتلاه وقف...وقفت انا ...افحمن هالبلية...وعجس لايصيدن ...
وهو يروح يم الجيب وياخذ المربوعه...وهو يدز يمي منطلق انا انفحمت...صدري تنك...
من الربو...اول ماقرب من عندي...وهو يرصن خلفي مع الراس... اول ماطحت...
وانا اشوف هالدنيا تلعب...حولي على مابغيت انصرع...وهو يجي بالدباب ....ويدعسن...
ليمار غادين الله لايويك...مثل المطبة...مطبه وبطعس ماتجي وشلون...((انتم عاد صرفوه..))..
الوكاد ماوعيت الا وانا بالمستشفى وليمار مخيطين راسي من كثر الفلعات...
ملصمن اخوي ليام هو قايلن بس....والتختور انخرع ...قال.:من هو الي مسويبك هاللون.؟
قلت وكاد انه ذيب ولا طير ولا اني طايحن من فوق طعس...عاد قمت ....وانا دايخ...
واشوف اخوي قدامي بس اشوى هالمره مامعه مربوعه هالمرة (قرطه)...
وانا انصرع...تغافل هالتختور...وهو يرصن به...ليمار فاقعن مخي....
وانا اقعد بعد 3 ايام...وانا على طول اهج...لا فطور ولا هذه ولا هذيك...على لحم بطني...
يم قرية (المضيح)...واتغيب بحدى هالضلعان....دق على واحد من اخوييا يقول...اخوك...
حاطن له اعلان ....مكتوب فيه...:
10.000.000ريال...لمن يقلي القبض علي..<<<<لهدرجة انا غالي عنده...
ايمالى الذهاب يابو منخر...
وهذه سالفتي...
=============
واكمل السالفة بعد الردود

**مصيول** · 13-02-2008 15:52

[align=center]
ذيب الاسلم ومن المضيح ياهلا ياهلا ــــــــــــــ يالله حيوه

اصبر ياما يجي المعزب الجديد ريال الدجه ويحكرلنا فنجال ــــــــــــ تخبر المعزبه عجايب منزلة ماضوع البارح ولاهي يم الناس اليوم <<<< غرينا من العشاء

ويادافع البلا انت وخوك من مربوعه ليا مربوعه ـــــــــــــ من يد خبل ليد متعافي !!

وياخوك هالرالي صارت سيئاته اكثر من حسناته ـــــــــــ احلى مابه مخيمات الربع والشيبان
سوالف وقصيد وهجيني ـــــــــــ وبالطرف الاخر عالمن منجنه!!

خلن ساكت بس لاجيب العيد

ثمرة هالرالي اللي قبل النفود اما من النفود وورا ــــــــــــ لا والله الا عالمن يضيقون الصدر !؟

مطبه وبطعس ماتجي وشلون...((انتم عاد صرفوه..))..

هذي نبي نصرفه لعيون ريال

متولجن مار بالبيت وباهالطعوس..
فتحت هالباب...وانا اشق الشعيب

لكن هذي شلون نصرفه ــــــــــ شعيب وبطعس

ماتجي ياخووك

تقول لعيون عجايب

<<<< معصيي !

وياهلا والله بذيب المضيح شرفت ولاكلفت[/align]

**ريال الفسحه** · 13-02-2008 22:20

مثبت

**ريال الفسحه** · 13-02-2008 22:24

[align=center]
هههههههههههههههههههههههههههههههههههههههه

تصدق اني احس بغلا غير طبيعي لاخوك

\

...زهبنا العدة ودلالنا وقهوتنا

عده والا عزبه <-- من مصيول لريال

وانا اشوف هالدنيا تلعب...حولي على مابغيت انصرع...وهو يجي بالدباب ....ويدعسن...
ليمار غادين الله لايويك...مثل المطبة...مطبه وبطعس ماتجي وشلون...

هههههههههههههههههههههههههههههههههههههههه ههههههه

ادزدابك

مواضيعك حلوه يالذيب

نتحرا الكماله ولاتقاطع
[/align]

**ذيب الاسلم** · 14-02-2008 00:51

مصيول....الله يحيك ويبقيك...
مير الشعيب الي بالطعوس...مشووه...
ومصيول تسانك من المصيح خش على الخاص...ابيك..
===================
ريال الفسحة..
الله يعطيك العافية انك ثبته..
والله شرف كبير لي انك تسير علينا..
===================
ريال اشتغلت الشماته؟؟

كود:

تصدق اني احس بغلا غير طبيعي لاخوك

اسمع ليه ماخليك تكلم اخوي..
غديكم تخاشرون ثمن اكتبكم سالفة....انت واخوي..

**مصيول** · 14-02-2008 01:47

[align=center]

مصيول تسانك من المصيح خش على الخاص...ابيك

والله انك مطفي النور يالذيب ـــــــــــ ياخوي على الاقل ولع الفلشر لا يجيك واحد مثل ريال عيونه بالسماء ويجيبك العيد

وينك ووين الخاص يالغالي ـــــــــــ ماحولك ديره

جلست انا والمشرف العام طلايب ياما وصلت مشاركاتي 200 علشان الخاص <<<< يبي يحطمه

ذويبان لا والله ماني من المضيح ــــــــــ بس لي معارف واجد به قروم و اواليد

هاه ماقلت لي اخش عالخاص

ـــــــــــ ولا اضف وجهي

!

[/align]

**ريتاج** · 14-02-2008 15:01

هههههههههههههههههههههههههههههههههههههههه ههه

اخوك هذا مجرم...........

مشكووور على هالساالوفه........

الى اللقاء..........

**ابو عارف** · 14-02-2008 21:39

هلا بذيب الأسلم

الأسلم كلهم ذيابه ولكن ودي إسميك مقرود الأسلم.

أنت وليه ماتنحاش عن هالأخو الأقشر وإلا تعودت على هالمربوعة؟

أنصحك تروح للصناعية وتركب لك مكينة متسوبيشي وصدامات وكفرات حديد وحواجز فولاذية حول جسمك وإذا شفت أخوك رفع المربوعة أو القرطاء دق سلف وقل الحقني يابو مربوعه وإذا أخذت عنه 3 كيلو إرجع له بسرعة 150 وأصدمه على شأن يتوب ويهون لايبهذل أخوه الصغير ذيب.

شكراً لك وإذا نفع وصفي علمني أبي أجربها مع لي واحد هنا بهالمضايف.

**ذيب الاسلم** · 15-02-2008 18:10

[align=center]مصيول كيفك اذا تبي تخش هذا ايميلي...
abombark_888@hotmail.com
--------------------
هلا بتس هلا عدد نجوم الليل...وعدد فلعات اخوي...
منورة..اختي ريتاج...
--------------------
والله كيفك بس اسمي هذا احلى...ذيبان...
والله تعودت يصبحن بلي عجره..ويمسيني بلي مربوعه...
ايا مسبوع الحي...والله تقول يعني...!!
والله شورك وهدايت الله...[/align]

**بالمختصر..** · 16-02-2008 03:40

ياربي وش هالأخو !! انت شلون عايش معوه

الله يعينك بس ..

ذيب الأسلم / أحس إنك مزور عمرك شكلك 16 ، 17 >> تحطيم

إن شاء الله مواضيعك الجايه مابه ( طع طع و طخ طخ )

:‏)‏

.
.