سلام الله على البدواااان كله ..
يجيهم كل واحد في محله
سلام خالطه مسك وعنبر
وكل أطياب هذا الوقت كله
انا هنا
ليه انا هنا ؟
على فكره اكتفشت أكتفاش اني .. اغلب مواضيعي اكتبها
اما ليلة ربووع او يوم ربوووع
يعني المهم بالربوووع
هل تعتقدون ان فرحة الطلاب بيوم الاربعاء مازلت عالقه فيني؟؟
وتاثر في نفسيتي بالرغم اني تركت الطلابه؟؟ >> اخس يا تيتشررررره
على العموم
حي عينكم وحي علومكم
ياعرب ما أصدق اني خذيت حول 5 ايام غايبه بنشاطي
هالأيام تركض ركض وكله من اعمارنا الله المستعان
ومن شبابنا وقوتنا
عزتي للي ماهو شباب ورجلينه تراااقل
ياعرب بوه شيبان .. الشيب طلع بروسنا وهم لهاللحين عايشين
أكتنهم ياكلون شيء ماناكله ... ؟
**فاصل **
** انتهى الفاصل**
اليوم انا هنا اعتفرلكم اعتفااار >> اخطأت من شدت الغلا
انا أنسانه والأنسان بشــر ( ياسبحااااان الله )
وشيء طبيعي لي قلب وكبد ورئه وعيون
المهم بينها هو القلب كلهن مهمه صحيح
بس اللي يحس ويشعر ويكره
هو القلب
و يوووه من القلب
مااشد حبه ان حب ومااشد كرهه ان كره
انا قلبي مايعرف الكره
ولا يعترف بتتابع الحروف الثلاثه
الكاف والراء والهاء
انا قلبي يحب
نعم
وابي وامي يدرون وعندهم خبر .. يعني بدري عليكم تفتنون
تدرون ليه .. لأن اهلي يعرفون اني أحبه .. ولا اقدر استغني عنه
لا وأزيدكم من الشعر بيت قصدي ازيد الطين بله
يساعدوني ويسمحون لي ..
ولكن
ذبحني
على كثر حبي له
ذبحني
نعم ذبحني غــــلاااه ..
لاهو ذنبي ولا ذنبه
ياعالم أكيد تبون تعرفون من هو
وشيء طبيعي لأني حتى انا من زوود الشفايه ابي اعرف هو من ؟
>> كيف تجي هذي ..؟؟ّّ
ياعالم انا احب
حليب بوني
وحليب بوني غاااااالي
مابي اخوونه واشري حليب أبو علم
بس ابو علم أرخص منه
( يالله لك الحمد بخيراً واااجد بس الغبن شين )
يعني لو بوه سبب مقنع لهالغلا بالأسعار
والله ماقلنا شيء
بس البلا ان كلاً قام يغلي من قبله ومن صوبه
تقل موضه ..
حتى بوفيتنا المخنزه اللي جنبنا قامت تبيع الجباتي بريالين والخبز بريال
انا يوم علموني
رحت دقيت عليه وانا مابي شيء بس لعانه هاللون
قلت : على كم جباتي
قال : بريالين
قلت : أول ريال
قال اول اول اللحين كل شيء غالي خاله
قلت: ليه انت تسوي الجباتي بشعيير ؟؟
قال : لاااااا
قلت : اهاااااا انا معلوم ليه انت ريحه جباتي مافيه كويس أنا قول بلديه انت سوي جباتي بشعير لأن اللحين شعير غالي وانت يشري شعير غالي بعدين سوي جباتي غااااااالي
اهااااااااا خلا ص خلاص انا اللحين معلوووم سر
وهو يبي يحتسي وانا اقول
خلاص خلاص معلوم انا
وه ويحلف ويطلق الهنديه
لحد مافشه الله ..ويوم مر عليه اخوي المغرب الا هي بريال
عاد بتسالوني ليه .. اخوي ياكل منها وهي وصخه
هذي ياجماعة الخير
عيالنا.. يحسبون ان الجوده بالقديم .. والمكركب ..
أقيس لكم مثال بسيط
هات لأبوي جركلين واحد مغبر والثاني جديد
راح ياخذ المغبر
ان ااقولك ليه .. لأنه يعتقد انه استعمل كثير وشاف من غرابيل الزمن ومازال عايش
اما الجديد ماتنعرف جودته
خصوصاً اذا رحنا للبر عندهم اننا لو جابن الحريم كاسات سفري ولا شيء سفري
انهن حضريات وخبول
مدري ليه يعتقدون ان المرجله في طاسه مطعوجه وذرى خيمه مشقوق ومخيط مره ثانيه
تدرون وش امنيتي ياعرب
امنيتي أبوي يغير شبوك الغنم
لأن الشبك مو شكله على شكل شبكه معينات
كل ماخرب معين راح رقعه بأسيام وخاطه
واعاد صناعته
70 سنه وهالشبوك على سطح الأرض صالبه
ياشيخ ريحها
لاااااا أكون بنظره خبله هاللووون
أمنيتي وبحيل الله راح تتحقق
أني آخذ قرض وأشري لأبوي 300 شبك و50 حوض 20 حوض ماء
وشاص 2009 أبيض ..
وأتوقع يقول لي .. ياخبلك خبلاه ..شبوكي زينه والأحواض زينه
وبس
وسلام عليكم جميييييييع
وأستروا على ماواجهتوا
طحياتي ......,,
رد مع اقتباس
لو انتس الا تبعصينه 
المشاركة الأصلية كتبت بواسطة كلي بكم إعجاب
المفضلات