هذه القصيدة كم من مرة سمعتها مرارا وتكرارا ولكني للاسف لا اعرف قائلها وهي بخصوص الشخص الذي اشترى منديل ام كلثوم بعشرين مليون (( الله لا يقويه ولا يغنيه )) عموما اليكم القصيدة ...
[poet font="Simplified Arabic,14,white,normal,normal" bkcolor="" bkimage="" border="double,4,gray" type=0 line=200% align=center use=sp char=" num="0,black"]
ياناس هذي مصيبة واكبر مصيبة=عشرين مليون في منديل مصريه
واشبه شراحيل لاسمعه ولا هـيـبة=علمه ردي لعنبو اللي هو سلوقيـه
هذا نذل والردى والخبث يحريبــة= هذا حرامي من الناس الحراميه
وشلون مال الله اللي جاه يثعيبــــة=في شي يخجل يجيب الرجل طاريه
اخذو فلوسه ولا تبقون في جيبــة=لا خمسة اريل ولا عشرة ولا ميه
ثم اسحبوا منه كل اللي يماريبـــة=اكبر خطا انه يخلى بالسعوديه
هذا وجودهخسارة ويش نبغيبــــة=معدوم شيمة ولا عنده شهاميه
عساه يقفا عجوز بينت عيبه=ما فيه خوف من الله خارب النيه
لو جاه مسكين ما وفر مطاليبــــة=ما يلتفت فيه لو أنه ابناخيه
عشرين مليون لاجل الهون والخيبة=شي يحير عقول العالم الحيه
ولو انها في سبيل الخير ياطيبــة=لكنها في سبيل ابليس معنيه
يا علنا ما نتعاقب من تسابيبــــة=يصيبنا شر ولا حاجة سيئه
لازم يؤدب عشان يصير تأديبـة=عبرة لناس لاهذي ولا ذيه
ناس تمسكن وفيها الشك والريبة=ايام الازمة لهم قصة حقيقيه
حنا جنود الوطن نحمي جوانيبـة=من كل طامع ليامن ثارت الهيه
هذي بلادالوفا والعز والطيبـــــة=هذا وطنا ولا مثله ولا زيه
عاشوا به اجدادنا وايامه صعيبة=ما دوروا غيره بلادٍ ولا انحيه
ولا قالوا القيض حاميةٍ لواهيبــــة=ويا محسن الظل والمجلاس والفيه
ياالله ياربي تسوق الخير وتجيبــة=يا مالك الملك يا عالم بما فيه
عفوك ورحمتك والتوفيق نمشيبـة=في كل ساعة وبالروحات والجيه
[/poet]
وســـلامتكم
اخوكم / النسناس
رد مع اقتباس
المفضلات