صلامن عليكم
الله لايصبحكم إلا بالخير يالربع ويالربعات
وهــ بس وهــــ يالفلاويه
أدري محد فقدن ولطق لي خبر
يالربع انا هاليومين فقدتكم ورحت لمقهى بالنعيريه طلعت اجهزتهم ماكنتوش
ابي اعرفكم على صديقن لي يقاله قحطه
سبحان الله ابد قحطه قدامك نفس الصوت ونفس الزول بس هذا مربي شعر يقول ابي شي واحد بي حلو ياخي قهر
المهم هذا بالمخيم مسوين لنا لجه وغاثنا أول مره يطلع من البيت المسكين ابوه اول يومنه وغد يربطه على الجدار ويغزه نيشان لأخوانه الصغار
يعاني من كبت واضطهاد ونحشوه العيال وخذوه معهم للمخيم ويوم جيتهم اول مااقبلت على المخيم الا هذا هو يزفن قدام بيت الشعر مستانس ومشغلن المسجل وشف المنظر عاد
الثوب مغربي ولونه برتقالي على بني مدري من وين جايبه وفوق كذا قصير
والبجامه بنيه منظر رائع صح
أنا يوم شفته يرقص قلت للي بجنبي ياولد هذا سحليتن متحوله ولا وش السالفه ماني مسوعب
المهم تقهوينا وبدت اللعانه والنحاسه تمشي وتفور بدمي <_ مدمن مصايب
واروح للنعيريه واجيب لي داب اللعبه البلاستيك
يوم نام قطحه وانا احطه قدام وجهه على المخده واجيب لي واحد من العيال مسميه أكشن انا اربع وعشرين ساعه منخرع طبيعه من اللهشفتو الواحد اذا تابع فلم رعب وينتظر لقطه تخرع ابد هذا وجه خوينا تقل منخرع
واخليه يوقف قدام قحطه عشان يعطيه جو رعب هههههههههههههههههههههه
واصيح هكالصيحه ياقحطه الداب لعبنوك انحش
اتريه مسكر الفراش عرفتو اللي يجي بسحاب حق المخيمات هو هذا <_ زين كمل
وهو يصقط داخل من الخرعه مدري وين يبي وحنا نجي نبي نفكه وهو يقوم لوه بتسا ويرفس يوم شفته كذا وادخل الداب عليه يما نطق من الفراش
يوم نمت عاد وهي تصير علي الكارثه اللي ماحسبت حسابه
كنت خاش جو حلمان لي حلم لو ادفع ملايين مايجي
المهم انا بي طبع شين اذا نمت لو تضرب مدافع غزو العراق كله جنبي مااقوم
المهم اثناء رومنصيتي بالحلم وانا اعي بلي شي غريب ماهو طبيعي يالربع ماهو مدرج بالحلم
تدرون وشو
صخل يالربع صخل حاطين معي صخل بالفراش وصاكين علي
يوم فتحت عيني ابي اشوف وشو الا عيني بعينه وهو يثغي وانا اجاوبه بالصيحه
ابطلع من الفراش عجزت مسكرين علي
ومالكم بالطويله مانمت الا يوم جيت البارح من الخرعه كل ماغمضت عيني زول لي بالصخل
لاويقولي قحطه احمد ربك منقينه نقوه لك الاكحل هذا ماخذوه من الراعي اللي جنبنا الا يوم رهنو قطحه عنده
رد مع اقتباس
المفضلات