مصافحه اولى [ قصيده مسنده للاخ مشفي الجرواني ] ..

[سلطان السـراي]

ا
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اشوف لي وقتن وظنه من علامـات الدبـور=الله يجنبنـا المصايـب نوخـت رحايـلـه
فيه الحسد فيه الفسق فيه التبرج والسفـور=قل الحيـا وقـل التقـا وكثـر بـه رذايلـه
استرجلت بعض النسا واستأنثت بعض الذكور=انتكست الفطـره بهـم واستخلفـو بدايلـه
وشفت البدو اهل الغنم قامت تنافس بالقصور=والدش ببيوت الشعر يجلـب لهـم رزايلـه
تحول الباطل عدل وصبح كـلام الحـق زور=وصارت به سلوم العرب مثل سراب القايلـه
بهذا الزمن ماتنفرق برق الحباري والصقـور=تخالطـت فـي بيئـةٍ ماتنعـرف فصايـلـه
ماظنتي هالدور جا مثله على مـر العصـور=والله اعلم وش بقـا هـي تنئمـن حبايلـه
ولك التحيه يابوعارف والسماح من القصور=وصلو على اللي كمّل الله بالحسـن شمايلـه [/poem]
.......
كيف ما نالت إعجابي الا أعجبتني ونص

عتيق البعلي

صح لساااااانك وسلم بنانك أنت والشاعر مشفي كذلك على الرد الاكثر من رائع

وبيض الله وجيهكم على هالجزالة ... ونحن بحاجه لمثل هذا القصيد الواعي والذي هو في الحقيقه

عمل صالح نتقرب به الى الله عز وجل ... واتمنى من الشعراء ان يحذو حذوك في هذا الغرض

الشعري السامي

وننتظر جديدك

محبك في الله