[poem=font=",6,white,bold,normal" bkcolor="black" bkimage="" border="double,4,darkblue" type=2 line=0 align=center use=ex num="0,black""]
قال منهو لابغى القاف جاشه يـسـتـهـيـش=في حروفن هاشت الصدر من غيضه وجاش
لانوى صيد الجـزيـلات رمحـه مايـطـيـش=لا حصل حوله مـغـالـط وزادوا بالـنـقاش
من يصيبه رمـح قافي وقـع قلبه غـشـيـش=فيه جـرحن مايـداويـه فـي مـرهــم وشاش
من يـشـوفه قال مطـعـون ماظـني يـعـيـش=ليت لو ماساق روحـه عـلـى قـبـره بلاش
وش يبي ياطى برجله على جحر الحـنـيـش=ليت لو باعـد عن الرمي في وسـط القراش
من يذوق جروح قافي قـعـد يـقـرش قريش=وعقب جـرحـه قـال ياناس مافـيـها مهاش
بلـغوا عواد يحـضر لـنـار الحرب جـيـش=ابي تـسـديـد الـفـواتـيـر من عواد كــاش
ان بغى يصبح عن حمود بأشـعـاري دقـيـش=ويسقي ركاب القوافي ولاتاتـي عـطـاش
شاعرن في قـمـة الـمـجـد له بيت وعريش=ضايحن للناس نوره مـثل ضوح الـفـلاش
يابوصالح حـاسـد الناس خـلاني خـريـش=مع جروحن جابها الـزيـن بالعود الـنـشاش
تقـصـفـن مثل الصواقع وانا قلبي هـشـيـش=لين راح الليل سـهـران ماجـيت الفراش
الاصيل من الـمـرابط غـدى عـنـده كـديـش=وخافقي من عقب قوه غـدى عـنده غراش
الزمـن فـعـلـه بالاجـواد بالـتـالي وحـيـش=ومارثة كسابة الطـيـب تـاطــاه الخـشـاش
ولو تقول لـعـفـن الاطباع لـيـش الكذب ليش=انتفخ واقبل بـسـيـفه يبي حلـقك وهــاش
عالمن طبعه تصعفق تقل صرعى حـشـيـش=كيف تعـطـيهم دقـيـقـك ويعـطونك جـراش
من طـلـبـتـه نـصـف دينار دلا له وشـيـش=وانت محضر له كـفـيلين مع خصم المعاش
او شكيت من الليالي غـدو ربـعـك نحـيـش=واطيب ربوعك تـثـاوب عـليك وقال مـاش
راحت الكـشخـات بالهرج ياعالم فـشـيـش=وعن همومك قام يضحك على حلقات طـاش
لو كليت من المعيشه عجـيـنـه مع جـريـش=خير من جـمـهـاة ضـب(ن) تـبـي فيها عـراش
واهـنـي اللي بجنحان يـمـغـطـهــن وريـش=لاجـل يكـفـخ كالـرصاصات لاثار الكـلاش[/poem]
رد مع اقتباس
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
المشاركة الأصلية كتبت بواسطة ريال الفسحه
المفضلات