المطنوخ يبي كاميره!!

**ريال الفسحه** · 27-01-2008 18:17

ههههههههههههههه

مشعل سعر ام 3100 ريال عندكم تقريبا 227.502 دينار <-- محوله بالضبط

كثرانتن فلوسك وتبي تنثرهن هنا وهنا ؟

قايل لك كزهن لي واحفظهن لك

**حمـود** · 27-01-2008 18:51

المطنوخ تبي كاميرا

ما لك الا كانون 3.2بيكسل

صبور ه وحلوه

تجيك اربع تعش لون

فيه لون اسمه طنخاني

صبور اجدعه من الدور الرابع ما تنكسر

**ملامح شمري** · 27-01-2008 20:29

[align=center]
[align=center]
الكاميرات انواع , احترافية , نص احترافية , للهواة ..

تبغى تطبع الصور ولا لا , كم ميزانيتك , هدفك أو احتياجاتك ايش؟

مواصفات العدسة , الزوم الoptical و الـ digital , الحجم , نوع الذاكرة ..

ميزانيتك و هدفك يحددها ..

لا تشتري اي كاميرا قبل لا تسوي بحث عنها بالانترنت , وتجربها بالمحل ..

ولا تعتمد على اسم الماركة ..

Ciao
[/align]
[/align]

**ريال الفسحه** · 27-01-2008 20:48

8

تحسب انك تحتسي مع مصور فلم ريال فسحه بمدريد

تراك تحتسي مع طنخااان يعني بحياته كله ماصور الا
بالجوال وماهو له لخويوه لان جواله العنيد

**صدى الشمال** · 27-01-2008 21:03

^

لا خلاص المطنوخ شرا جوال <<<<<<<< بالاقساط

عاد الكويتيين معروفين بالاقساط

**Gooold Girl** · 28-01-2008 02:14

مبدئياً جوابي :
لا أعلم ومن قال لا أعلم فقد أفتى ..
:
:
فكل كاميرا تحمل مميزات معينه .. قد تحتاجها وأحيانا لا
يعتمد على نوعية اللقطة ..
هل تريدها لتصوير {{البرتوريه والوجوة }} .
أما تصوير {{ المناظر الطبيعه}}.
اما التصوير الدقيق جداً كالجزيئات الصغيرة .

وهل تريدها ناوي تحترف فن التصوير .. ؟! اما أنك هاوي تصوير؟!
كذلك ما مدى خبرتك بالتصوير ؟

اذا اجبت على هذا الأسئلة ..
يمكن أقدر افيدك بما لدي معلومات بسيطة جداً..
او أحاول البحث لك عن اجابة من خلال المختصيين بذلك

مع ارق التحايا

**المطنوخ** · 28-01-2008 02:20

صدى النذل على شحم لا اتوطاك انا بي عردز منكم يعني لازلت اكيّش

ريال صدقني راح تقعد طول عمرك قزم قدامي ادري انك الحين تشوف سيقاني نازلات عليك من السماء وماتشوف من وسطي وفوق من العملقه <--وش هالمريض اللي يريش لروحه

//

حمود الناصر

ماعرف هالسوالف امحط صورتها

//

Mod_Evasive
مستشار تقني لمضيف الكمبيوتر
^
^
عجست لا اقرى اسمك نسخته

والله شف يابعدي اليوم رحت ابي اشتري ولهيت اشتر لي جهاز ثاني راح استشيرك فيه بعدين

لكني تأخرت على محل كانون ولقيته مسكر

الوكاد يابعدي ابي اجاوب على اسألتك

//

تبغى تطبع الصور ولا لا

اطبعها طباعه على ورق؟ طبعا لا
لكني ابي انزل الصور على الكمبيوتر

, كم ميزانيتك

ماتتعدى 300 دينار عاد احسبوها بالريال

, هدفك أو احتياجاتك ايش؟

والله ابيها لكذا غرض

-شخصي

-مناظر

-امسيات

-اي شي

بشر عسى اجاباتي حددت اللي ابيها

وفيه سؤال ثاني

ابي هل صحيح ان الكاميرات اللي تحتوي على تصوير فيديو وتصوير فوتوغرافي يضعف من جودة التصوير الفوتوغرافي؟

**المطنوخ** · 28-01-2008 02:28

ياويلي وانتم وش بلاكم كل ماهذا تصعبون علي السالفه

قولد قيرل والله مادري وش اقولتس

لكن تعرفين الشخص اول مايبدى بأي شي صعب يكون عارف وش يبي

يعني خليني اشرح لك بمثال حلو

انتي لما تدخلين الجامعه سنه اولى هل تخصصتي على طول؟

يعطونك فرصه تشوفين وش ميولك وعليها تحددين تخصصك

انا كذلك ماني عارف وش ميولي بالضبط

نجي لكلامك

يعتمد على نوعية اللقطة ..
هل تريدها لتصوير {{البرتوريه والوجوة }} .

وش الثنتين؟

ممكن تشرحينهم؟

أما تصوير {{ المناظر الطبيعه}}.

هذي تستهويني حيل واكيد راح تكون من ضمن ميولي

اما التصوير الدقيق جداً كالجزيئات الصغيرة .

ممكن مع الوقت تكون عندي افكار لكن حاليا ما اعتقد

وهل تريدها ناوي تحترف فن التصوير .. ؟! اما أنك هاوي تصوير؟!

اكيد ودي احترف لكني حاليا اقل من هاوي يعني طبعا ودي اطور رغبتي الحاليه

كذلك ما مدى خبرتك بالتصوير ؟

خبرة جوال بس

**المشرف العام** · 28-01-2008 02:37

مطنوخنا

تبي العلم اللي يجمد على الشارب من واقع تجربه

/

لا تجي على وجهك مثل اخوك ، تقرأ مواصفات وماركه ونقاوه بيكسل ..الخ

وتنسى [ ستيبلايزر ]

/

اخذت نيكون قبل سنتين او ثلاث موديلها 5700 كان سعرها خمس الاف وخمس مئه ، خمسه ميقا النقاوه [ ايام الكاميرات الطيب منهن ثنين ونص ]

بعد الاستخدام كم شهر ، لقيت ان فيها مشكله ثبات الصوره غير مدعومه واعتقد ايامها بعد ماكانت مدعومه بشكل واسع ، والحين ماادري والله وينهي

/

/

يعني الزبده ..

اي كاميرا نقاوتها من خمسه وفوق ، وتدعم ثبات الصورة [ استيبلايزر ] وسعرها رخيص ، خذها وانت مغمّض

/

سلام

**المطنوخ** · 28-01-2008 02:46

البلا ماهي هذي يابوسلطان

البلا بكلمة استيبلايزر

وش يحفظه!!!

ابي اكتبه بجوالي منشان لا انساه وياحلو زولي وانا ناشب للهندي واقوله عطنا استيبلايزر يعني فاهم هههههههههههههههههه