هذه القصيدة اعتذار مني للاخ الشاعر مناور بن محمد السويدي الشمري
وذلك على سوء تفاهم والتباس في موضوع كان بيننا وزال سوء الفهم ولله الحمد .... وقد قلت هذه الابيات في ذلك .... فهو من الشعراء الذين اكن لهم كل محبة وتقدير ... وله مكانة خاصة في صدري .............
والابيات تقول ..............
[poet font="Arial,14,black,normal,normal" bkcolor="" bkimage="http://www.altanaya.com/vb//backgounds/16.gif" border="double,4,gray" type=0 line=200% align=center use=sp char="" num="0,black"]
يامناور يالسنافي يالأديب=ياقوي الباس ياصلف المهاب
ياوسيع العرف يالقرم اللبيب=ياطويل الباع ياوافِ النصاب
السموحة كان به شك وريب=السموحة منك ياعذب الجناب
ما قصدنا شي يومنّا نغيب=من تلهى عنك حقك والعتاب
وانت عارف وش غلانا للصحيب=لايهس الظن فينا يالعقاب
انشغلناعنك ياعوق الحريب=انشغلنا ماقصدناها غياب
الرجال تشادي لجوخا القليب=ما يفحج فوقها رجل لباب
انت ذيب ياولد من ساس ذيب=كم عسفت وكمرقيت من الصعاب
ياصليب الراي يالصلف الصعيب=شلت حملك يوم جضّن الركاب
باللزوم تزوم بالكون الرهيب=مطعم شلفاك من شلفا ذياب
من يطب حماك يرديه النصيب=راح من شلفاك ينقل له صواب
والجنَب ياذيب حماي العزيب=إن غشى عج الرمك روس الحراب
اعتبرني يامناور لك حضيب=سيف في يمناك في قص الرقاب
خايب من صاروالله لك طليب=انت معك السيف وهو معه الجراب
والبحروان هاج مايدرى شعيب=تلطم الامواج من فوق الهضاب
مايفرق جال من عرق ووعيب=راج بالمقناة وفيض للرَغَاب
مانظمت القيل غادٍ لي ذهيب=ولا نظمت القيل من شان الجوا
ولامدحتك راجي منها نصيب=النعم بالفعل جبته بالشباب
قلتها في وقت قرب للمغيب=والشراب يحول مندونه سراب
شبت الايام في قلبي لهيب=وحذفتني حذف لعاب الكعاب
ودارت الايام وورتني عجيب=يبست الارياق وبالمنظر شهاب
وشبت هذااليوم وعسيت المشيب=قالواالغرنوق في وكر الغراب
وشفت بالشاشات ركاب العسيب=طارفوق القاع ونجم للسحاب
وشفت بالشاشات رجال غريب=صار بين اثنين في حفنة تراب
وشفت بالشاشات نحاتٍ يصيب=بالعيون الموت والصيدة تَعَاب
مدخل الشيطان من خل وحبيب=الثلاثة جابهم نص الكتاب
ياولي العرش عفوك يارقب=جل نو الخير من نو العذاب
[/poet]
وسلامتكم
اخوكم / النسناس
رد مع اقتباس
المفضلات