الاخوة الافاضل ............ حفظكم الله
كم يطيب لي ويسعدني الانضمام اليكم في هذا الموقع الرائع الذي يضم نخبة من الشعراء الكبار والمتميزين ....... كما يطيب لي طرح المشاركة الاولى لي في هذا المنتدى عسى ان تنال اعجابكم .
ملاحظة : ارجو المعذرة من الجميع لانني رمزت لنفسي باسم النسناس ،فانا ارى الجميع تقريبا مشاركين باسمائهم . فاكرر عذري لذلك .....والى المشاركة
[poet font="Simplified Arabic,14,red,noral,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
يا نفس كوني على الهوجاس صبارة = وحني على القلب قبل الحزن يسكن به
هاتي لنا ماطرى بالعقل وأفكارة = وكلٍ همومه مع الريعان يسرن به
قالوا زمان التطور شعّت انوارة = قلت ايه واللي يبي ماضيه وش ذنبه
ياناس وقت المروة راحت ادوارة = واللي يعارض وخيم الوقت يفطن به
أجزع ليا شفت كلٍ قافلٍ دارة = وش عاد لوحط دش وولع اللمبه
وأجزع لياقيل خان الجار في جارة = ومن أول الجار يامن بك تامن به
السيل يسقي زمانٍ شاعت أذكارة = وقت حوى الطيب والطيّب تبين به
وقت الكرم والمروة ماطفت نارة = والطيّبة والردية ما تساون به
ويسقي ليالٍ قصير البيت تختارة = وليا حصل ماحصل كلٍ شلع طنبه
هذا هوايه وكلٍ يهتوي كارة = والعشق لاحل بالعاشق تمكن به
[/poet]
رد مع اقتباس
المفضلات