بسم الله الرحمن الرحيم
هانحن قد وصلنا لآخر مرحله من مراحل مسابقة البرواز
والتي كان هدفها الاساسي هو
تسخير الاعلام لمن هو بعيد عن الاعلام من دون اي واسطه وليس لأحد فيها جماله
فبعد ان انتهت المرحلة الاولى وهي استقبال القصائد على الرابط التالي
http://www.shmmr.net/vb/showthread.php?t=49515
والمرحلة الثانية موافقة ادارة الشعر النبطي واعتمادها للمقصائد المشاركه
المرحلة الثالثه اعتماد معد صفحة السابعه صباحا في جريدة الراي الاستاذ فرج صباح
المرحلة الرابعة والاخيره هي التصويت لمدة 15 يوم من تاريخ اليوم 18 / 1 / 2008
وها ننحن اليوم في مرحلة التصويت
وقد اجتاز معنا حتى هذه المرحلة قصيدتين
وهي كالتالي
القصيدة الأولى
للشاعر
(( عبدالله الثمالي ))
[poem=font="Arial,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الريح عرت غصن والارض ضجره=جذور سيقان الشجر ماتبالي
حتى الحزوم استجدت الشمس حمره=ماعاد تقوى للنهار احتمالي
والليل يوقد من ضمى الشوق فكره =وعيا السحاب يمد كف الضلالي
وانا مثل وقتي على جال جمره=جمرة غلا ترث على القلب صالي
ابو عيونٍ دعج من تحت غره=وابو ثمان ٍ كنهن اللوالي
اللي خذا في مهجت القلب فره=ثم راح خلاني اعدّ الليالي
عيشني احلام الهناء والمسره=نسيت معه احزاني اللي خوالي
حط الرشا من فوق دولاب جره=وادلى بقلبي في بعيد المدالي
ويوم استوى عندي مماتي وقبره=رحل وخلاني طريح المفالي
اللي منع ساقه من السير كسره=بارض خلا ماعاد فيها موالي
والماي شح ومالقا غير قطره=ان شربها من وين يلقى البدالي
هذاك انا والموت من سهم نظره=وش عاد لوقطعت حبال الوصالي[/poem]
///////////////////////////////////
القصيدة الثانية
للشاعر
(( فايز عيد الشمري ))
[poem=font=",6,,normal,normal" bkcolor="transparent" bkimage="" border="double,4," type=2 line=0 align=center use=ex num="0,black""]
أنــــا جرحتــك والسبب أنـــي أغار=حكـــم القدر يابنت انطق لساني
اللي حصل يـــــــابنت خليــه تذكار=وابدي معـي صفحة سرور وتهاني
وصلت في حبك عــدد صــــار مليار=وحب النســــاء فتنه وقلبي أناني
والله ماني خــاين(ن)لكــــــن اقدار=والاأنت مـــابدلك بـــــانسان ثاني
الصوت عذبني وأنـــــا فيــــه محتار=صوت(ن)ذبحني بـالمواجع رماني
واللي يبي يعشق كثيــرات الامهار=بس البـــــلاء مافيه غيرك سباني
بنات حـــــواء بــــالبلد صــــاروا كثار=لاشك قلبي عــن هواهن عصاني
قلبي حلالك يــــابعد كــل من سار=القلب لبــــى يــــوم حبــك دعاني
يـــاجنتي وشلـــون أبـــدلك بــالنار=يالــؤلــؤ(ن)منثور وســـط المحاني
يـــاجوري يايــاسمين يــاكل الازهار=يـــــاباقه مـــن الـــورد والديدحاني
ياخوخ يارمان ياكل الاثمار=يــــاكيك يــــاحلوى ويــــازعفراني
دافعت عن نفسي بجزلات الاشعار=وكتبت لك أحلى الشعر والمعاني
يـــاهيه يــــازعلان يـــــــاطالب الثأر=الحكــــم بيدينك وصــاحبك جاني
أمــــا بـــــراءه بعدهــــا ادخـــل الدار=والا قتــــل يــــازين والعمــــر فاني[/poem]
رد مع اقتباس
المفضلات