بالخيراات
ياشباب ويا شاباااات
وكل سنتن هجريتن وميلاديتن وانتم بخير
والله يجعلهن سنين خير لكم
نخش عرض بالمااااضوع
انتم تشوفون هالصريمه يالربع ( الصريمه هي شدة البرد )
والله العالم اننا ماعمرنا شفنا برد مثل هالسنه
بس تبون الصراحه
نستاهل حنا يالسعوديين
اذا جاء الحر قلنا يازين البرد واذا جاء البرد قلنا يازين الحر
الوكاد
انا واعوذ بالله من هالكلمه
احس اني اكثر واحد بالعالم عانا من هالبرد
حتى اللي بسيبيريا ما عانو مثلي
واكيد ان القف واحد بكم يبي يقول وشلون
وانا اقول
هكا اليوم رحت لرفحاء ومعي المدام والبتشا
ومن قرادتي اللي ماشفته بالبشر رحت بالليل
والله يوم تعديت الحفر موجهن شمال وقل اوصل للشعبه وهي تاقف الملعونه ( سيارتي )
والله يجيركم بلي مقطعه لا حولي ولا حواليي
والساعه تشير الى الساعه 11 ليلا
وانا افتح الباب ابشوف وش به
وياربع
تصدقون بغا ينكسر طرف وجهي من البرد
تسيف كمش وجيهي وغدا تقل لقمه من قو البرد
لا وبعد هكا اليوم هابتن شماليه محترمه
والله وانا اتكوم بالسياره ارتجف
قالت المدام يالحبيب ليه ماتشوف وش به
قلت والله من الموت الحمر
وعقب عشر دقايق قالت انت ليه ماتروح تشوف وش به
تبينا طول هالليل بهذا
قلت يابنت الحلال والله مهي سالفه موووووت
بالله يرضيتس اني اتعفط عند هالكبوت
قالت طيب دق على امن الطرق خلهم يجون
قلت والله انتس جبتيه
وادق على امن الطرق
قالي انت وين محلك
قلت قبل الشعبه
قال قبل الشعبه بكم كيلو
قلت اصبر ابروح اعدهن
بالله ماتستحي على وجهك
وانا وشدراني كم كيلو
قال ماعليش لازم اعرف مكانك بالضبط
يمكن هالمنطقه مهي تبعنا ولا نقدر نجيك
قلت طيب واذا هي مهي تبعكم اجل تبع الدفا المدني
قال لا هذي تبع مركز الهباس
قلت عطن رقمهم
والله عقب وا عطاني رقمهم وانا ادق عليهم
قال الطيب انت وين مكانك
قلت بهكا المكان
ومعي عيله وطفلن رضيع
وتسانه علي خلن اموت
بس بالله يرضيك هالطفل يتيتم ته ته ته
يالربع وهو يتنهت هكا التنهته
قال
جايك وانا اخو فلانه ( والله والف نعم )
( ربعنا ماينفع معهم الا التمسكن )
المهم ان الوليده اسعفن وماقصر
وبيض اللله وجهوه
وعقب الحديث اللي جرا بيننا تبين انوه زميل لنا بالمضايف
فلله دره ودر اهل ديرتوه الكرااام
المهم اني سلمت وتوبه اسافر بالشتا ليلا وبالصيف نهارا
وسلامي لكم جميييييييييييييييييييع
والجاي ان شاء الله مسيار على بدو
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات