[COLOR=#FF0000]السلام عليكم ورحمة الله وبركاته
اخوانى الاعزاء الكل سمع عن كون الخنيسى الذى اصبحت من المعارك العالميه التى تدخل بها القوات الفرنسيه ابان احتلال فرنسا لسوريه
واليكم القصه الحقيقيه التى ورد ذكرها من شيبان كانو حضار بالمعركه هذه
بدات المعركه بعد سقوط حائل باشهر وبعد خروج الامير عقاب بن عجل امير عبده كافه ونزوله ضيف بقصر الزهور وهذا القصر موجود بمدينه بغداد وهى عاصمه العراق الجريح
وكلنا يعلم بعد سقوط حائل اختفى بيرق شمر المسمى طليفيح
حايل اسقطت تدهورت اوظاع شمر نجد بلوغ الامير عجيل الجاور مرتبه مستشار ملك وامير عشائر شمر كافه
مطالبه ابن سعود لافراد الرشيد ولعقاب ابن عجل خاصه
خضوع نصف عشائر شمر نجد تحت القياده السعوديه
وكل هذه ادت الى تدهور وعدم اتزان بعشائر شمر
ان من اقوى العشائر العربيه بارض الشمال هى عشائر العبيد والزبيد والجبور والبومتيوت والجحيش
وكانت على مقربه من ارض شمر فعندما علموا بتدهور وضعف شمر بعد سقوط حائل تمركزت كل من العبيد من جهه والبمتيوت والجحيش من جهه ودليل المعارك الاخيره التى تثبت بان اخر معارك شمر بسنه الاربعين ميلادى
1 حرب الصايح بقياده الامير حواس الصديد
2 حرب الخنيسى الاولى بقياده الامير عجيل الجاور
3 حرب الخنيسى الاخيره بقياده الامير عقاب بن عجل رحمه الله عليه
تدور المعركه بان كانت عشائر البمتيوت والجحيش تزرع وهم اهل افلاحه اى يحرثون الارض
وشمر كانت ترعى وكان هنالك رجل من عبده راعى بأبله يرعى أرثعت الابل بالزرع مما اثار غضب الفلاليح فهم يكدون ويشقون وأبل السناعيس تاكلها حكم القوى على الضعيف الوكاد تجمعت الفلاليح يم كبيرهم وهو الامير رجعه الجحيشى الزبيدى
قالهم اميرهم اسمعوا يالجحيش ويا البمتيوت شمر اضعفت واليوم يومكم خلونا نغزيهم ونكسر شوكتهم ونطردهم من هالمحل وهم يجونك على كم بيت من ابيوت شمر ويذبحونهم وصل الخبر يم عجيل الجاور قال يا عقاب انا برد النقا على الجحيش والمتيوت قال عقاب وش الخطه يا طويل العمر قال الخطه الصايح وسنجاره على الميمنه وعبده بالميسره قال انا اخو جوزا طول عمر عبده يمين يا عجيل قال ماعلى امنك هذى عندكم بنجد ولكن عندى شمر على خطتى تمشى قال لا بالله مانى مشارك بهالمعركه قال بكيفك
عجيل ماحضر للمعركه ولا سلح شمر عدل وبيوم المعركه ولا عدد شمر اشوى ماهو عدد البمتيوت والجحيش الى كأنهم دود الجرش وهم يذبحون من عبده ستين لحيه حلف يحلفون الشيبان بان النهر يجرى حمر من دم شمر
واسمع يعقاب بن عجل وهو يركب الصفرا ويطلع الطليفيح وينشد الامير عقاب العجل
يا ربعنا حيفن عليكم = العدو ليش ماتذبحونه
وهم يجونك السكارا الطنايا من ربيعه الجدى تحت قياده عبدالمحسن الحدب والف نعم
وابن طلاع بقياده فرسان الزقاريط
والفضيل والمفضل
والصايح والفداغه
ويرفرف طليفيح وشمر تنشد وراه
يا طنايا حياه اليوم ملعونه
ويحط الخطه عقاب الميمنه عبده كافه والجدى بالمقدمه والميسره للفداغه والصايح
وقبلها قال عقاب كلمته المشهور ذبح يا شمر ذبح حتى الى ببطون امهاتهم
وهى تصير سناعيس الصفران يمن غلبا هل الحيسا مطيره الشعاف
وهم يذكونهم حتى الوغد يظهرونه من بطن امه ويذكونه وشهر دم الجحيش والبمتيوت سيل غطى ارض الجحيش والبمتيوت
وافزعوا يا القوات الفرنسيه وجرو المدافع الله يجيركم على بغول ويتددخل بها القوات التركيه والعراقيه ويفكون بينهم راحت من شمر ستين وراح من العشيرتين ستمائه غير الجريح ودليل الهوسه التى سوف اذكرها لكم
وهى قصيده شاعر شسمر بالمعركه هذى وهو الشاعر \محمد الحمادى من الجعفر من عبده الشمرى
[poem=font=",6,white,normal,normal" bkcolor="transparent" bkimage="" border="double,4,tomato" type=0 line=0 align=center use=ex num="0,black""]
يالله اني طالبك وانت الرجيبـة= نستعينـك بالفـرج للمقبلاتـي
الخنيسي قبلنـا كلـن يهيبـه =مايطبه واحدن يرجى الحياتـي
طبٌه اللي كل ابوهم من صليبـه= فعل اهلهم بالسنين الماضياتـي
طبٌوا الصفران مع مجنب شعيبه =واليمن يبرالهم هرجـن ثباتـي
والخليبص مايحملـون الغليبـة= وردوهن فوق حيلن مكرماتـي
والهيافا جمعهـم كلـن دريبه = ماتناثوا عن جمـوع موقفاتـي
ذيب ياللي بالخلا نوحي طنيبـه= لعشا بخنيس وقصور البناتـي
كم صبيا ً طافحا مغويـه طيبـه= مايحسٌـب للمنايـا والحياتـي
ليتكن يالبيض في راس الجذيبه= تنظرن بعيونكن هوش العصاتي
ذابحين تسع مية مـع صويبـه= يبحل الدكتور من كثر الدواتـي
والفخر لعقاب زيزوم الحريبه= عند شمر يعتفر مثل الزناتـي [/poem]
رحمه الله على الامير عقاب بن عجل امير رمز شمر الاول بزمان اغبر
ورحمه الله على امواتنا واموات المسلمين
وشكرا
اخوكم الرطاب[/COLOR]
رد مع اقتباس
المفضلات