السلام عليكم
بما اني بالرياض بالفتره هذي بحكم العمل وملتحق في دورة هناك حصل لي هالموقف اليو م مع هال 500 ريال الله يهداها ويصرفها عني الي خمس 100 يارب
500 ريال ،، هذي معانات بحد ذاتها اذا فتشت البوك والا ما عندك الا 500 ريال و لا فيه خرده ( صرف) كل ما بغيت اشتري شي قالوا ما فيه خرده ابتلشت
صراحه الزملاء في العمل باكر يبون قطية 200 ريال فتذكرت ان اللي باقي معاي 500 ريال بالبوك وكم ريال صرف ما يوفون القطه الاكيد قلت اتخذ كم طريقه لعل وعسى اقدر اصرف 500 ريال:
- رحت للبقاله قلت عطني 50 تعبئة سوا ويوم مديت 500 ريال قال ما في صرف .
- رحت لمحل ملابس رجالية وخذيت كم طاقية وكبك قلت لزوم الكشخه وعقب نص ساعه بالمحل ويوم مديت 500 ريال قال لا بابا ما في صرف .
- قلت يا الله اروح نفس ما عندنا بالكويت امر اي محل واعطيه 20 دينار واقوله يا الطيب ابي عشرتين ، رحت للمحل اللي جنبه وسألته صرف قال كم قلت 500 ريال قال لا بابا ما في الاكيد اللي جنبه واللي جنبه وجنبه وجنبه ما حصلت شي رديت لسيارتي بعد ما قطعت مشوار ( بغيت اطلع براا الرياض من كثر ما ادور محل يصرف ) مشيت .
- رحت محطة بانزين قلت ياالله نعبي بانزين عبى بانزين والا عشره ريال قلت فرصه اعطيه 500 البانزين الحين بالسياره ما في مجال ، عطيته 500 ريال قال بابا حرام والله كلها 10 ريال صراحه نقدت على نفسي فتشت البوك والا فيه عشرتين عطيته عشره .( اللي من ورطه ) .
- اتصلت تلفون على الجماعه بالاستراحه ها يا الربع عسى ما تعيشتوا تبون عشاء قالوا لا كثر الله خيرك متعشين .
صراحه رديت البيت ومعاي ال500 ريال اللي ما قدرت اصرفها ولا قدرت تصرف نفسها . بيني وبين نفسي دار ت تساؤلات ومنها :
- بالله طارت 500 ريال مشكله والله ميزانية .
- انقطعت والله ميزانية .
لقيت فقير بعطيه افتش البوك والا 500 ريال مو حلوه ما اعطيه والله ميزانية .
حرامي مد ايده بالمخبا وسحب ورقه وحده ( ماله حظ ) بس ورقه والا 500 ريال ( ابو حظين ) .
الاكيد اني بنام وال500 ريال بالبوك نايمه مالي خلق ازعجها ، الظاهر اني بروح البنك وبسحب 500 ريال ثانيةو بعطي الربع 1000 ريال قطية خمس شهور من هنا لي نهاية الدورة . وبعدين يحلها الف حلال مع 500 ريال .
ملاحظة : ما في احد عنده صرف 500 ريال
وسلامتكم
واعذرونا على الاخطاء الاملائية مالي خلق اراجع تعبت والله .
بالتوفيق : يا فيصل اللويــــــــش
المفضلات